EZRA 7:15 - Susula Malalaok Hehelu Palak Ma Hehelu Beuk

¹⁵ Au o au manamanoli-mafa'dang-ngala, nau tunu-hotu lilopilas ma lilofulak fe Israel Aman Manetualain, fo manaleo nai Yerusalem-ma Da'di ho'i meni ami tunu-hotum ndia leona.

EZRA 7:15 ပူးပေါင်းရင်းမြစ်များ

1 TAWARIKH 29:6

Boema basa malangan teidale-bobongik-kala, mane leo-la, basa malanga solda'du matuaina-la ma basa manaho'u manek-ka hata-heton lala'en-na lafa'da lae sila boeo hii fe tutulu-fafalik.

2TAWARIKH 2:6

Tehu tunga ndoon-na ta hapu hataholi esa boen hapu napadedeik uma ba'eneu Manetualain nana basa daebafa maloa lala'en-na ta matua soaneu da'di mamana leleon-na fa. Da'di, Manetualain Uman fo hapu apapdedeik-kana ndia, bole-bole ana da'di ka'da mamanak soaneu tunu boomenik ba'eneu Manetualain!

2TAWARIKH 32:23

Hataholi makadotok ala mai leo Yerusalem mai leni tutunu-hohotuk soaneu Manetualain ma bua palsen soaneu Hizkia, nalosa mulai neme ndia mai-a, leoina lala'en-na fe ha'da-holomata neun.

2TAWARIKH 6:2

Besak ia au afofo'a uma Mandela-masa'ak esa ba'eneu O, soaneu da'di O mamana leleom-ma losa dodoon-na.”

EZRA 1:6

Basa sila uma titia-tatain-nala, tulu-falis nenik ala fe bua-lo'as, fo nde, bua-lo'a lilofulak ma lilopilas, tua-lepa fo la'a nai enok, ma bana, fo ala fua bua-lo'an, ma tunu-hotuk soaneu Manetualain Uman-na.

EZRA 6:12

Ela leo been-na, Manetualain fo manahele basa Yerusalem, da'di leo Ndia mamanan fo ala sene-do'ok-kana, tao namate-namopo manek do leoina, fo napalani lena-la'ban paleta ia, ma ana so'ba-so'ba tao nakalulutuk Manetualain Uman manai Yerusalem ndia. Au, Darius, nde fe paleta ia. Makalala'ok-kana no malole-malole.”

EZRA 6:4

Papalan-nala, muse papalan sama leo iak: nai batu ta'dak telu lain, ma muse tao ai ta'dak esa neu. Sese'ba-babaen, pake kas nusak-ka doin-na.

EZRA 7:14

Nana, au ma au manamanoli-mafa'da hitung-ngala, madenu Tolanook-ka neu leo Yerusalem ma Yehuda neu, fo palisak matalolole, tao leo beek, ma mete, ade Manetualain Hoholo-lalanen, fo ala fen neu Tolanook-ka, tete'ek-ka ala tao tungan do ta.

EZRA 8:25

Basa boema au tai fes lilofulak, lilopilas ma bua-lo'as, fo tutulu-fafalik neme manek-ka no basa manamanolin-mafa'dan-nala, boema hataholi matua-madema-la ma basa hataholi Israel-la mai, fo ala paken nai Manetualain Uman dale. Au fe basa buas sila-la leo basa imam sila-la neu.

MAZMUR 135:21

Koa-kio Manetualain nai Sion, ma nai Yerusalem, fo mamana leleon-na. Koa-kio Manetualain leona!

MAZMUR 26:8

Au sue-lai O Umam-ma, ou Manetualain, mamanak fo O leok-ka, henuk no matua-madema.

MAZMUR 72:10

Mane-manek Tarsis-sala ma pulu-pulu-la leni tunu-hotuk soaneun Mane-manek Arab ma Etiopia-la ala mai fo leni bea.

MAZMUR 76:11

Hataholi palani tatibatu-la boeo, koa-kio O, ma hataholi fo bei namanasa, ana pake si'di kalong, fo da'di ta'du-tana manasusak.

MAZMUR 76:2

Manetualain nananita-nalelak nai Yehuda; na'den-na nanakoa-nanakiok nai Israel.

MAZMUR 9:11

Hataholi fo nalelak O-a, namahena neu O, ou Manetualain hataholi fo manasene-do'ok neu O-a, O ta la'oela fan.