EZRA 7:14 - Susula Malalaok Hehelu Palak Ma Hehelu Beuk

¹⁴ Nana, au ma au manamanoli-mafa'da hitung-ngala, madenu Tolanook-ka neu leo Yerusalem ma Yehuda neu, fo palisak matalolole, tao leo beek, ma mete, ade Manetualain Hoholo-lalanen, fo ala fen neu Tolanook-ka, tete'ek-ka ala tao tungan do ta.

EZRA 7:14 ပူးပေါင်းရင်းမြစ်များ

EZRA 1:3

Ela leo been-na Manetualain nasulu-nahapa emi basa-basam fo manada'di anan-nala. Emi muse fali leo Yerusalem meu, fo mafofo'a falik Israel Manetualain Uman-na, fo nde Manetualain manaleo nai Yerusalem-ma.

EZRA 5:8

Ela leo been-na, Ama Manek bubuluk, mae ami meu leo propensi Yehuda meu so, de ami mita Manetualain Fo Matuaina Uman-na, lafofo'a falik-kana, nenik batu matuaina mesa-mesan, ma lapadedeik tama seluk ai neu papala nanadaman-nala. Ala tao besa-besa loo bela-ba'uk ndia, de ta nakakai fa, ma lai-laik.

EZRA 6:12

Ela leo been-na, Manetualain fo manahele basa Yerusalem, da'di leo Ndia mamanan fo ala sene-do'ok-kana, tao namate-namopo manek do leoina, fo napalani lena-la'ban paleta ia, ma ana so'ba-so'ba tao nakalulutuk Manetualain Uman manai Yerusalem ndia. Au, Darius, nde fe paleta ia. Makalala'ok-kana no malole-malole.”

EZRA 6:8

Sama-sama no susulak ia, au paleta tolanook-kala, fo tulu-falis nai uma ndia tataon-na dalek, no enon-na leo iak: Basa tali-doik fo paluun soaneu uma ndia tataon-na muse ho'in neme nusaina, bea manai propensi Efrat Muli, boema boso makamama'ak bae hataholi sila-la.

EZRA 7:15

Au o au manamanoli-mafa'dang-ngala, nau tunu-hotu lilopilas ma lilofulak fe Israel Aman Manetualain, fo manaleo nai Yerusalem-ma Da'di ho'i meni ami tunu-hotum ndia leona.

EZRA 7:28

No Manetualain tutulu-fafalin, de manek-ka, manamanoli-mafa'dan-nala, manapaleta fo manakoasa sila-la, dalen-nala lahiik au; Au Amang Manetualain fe au manggate so, nalosa au hapu leleko ala mane leo Israel ba'u-ba'uana, de ala fali leo Yerusalem leu.”

EZRA 8:25

Basa boema au tai fes lilofulak, lilopilas ma bua-lo'as, fo tutulu-fafalik neme manek-ka no basa manamanolin-mafa'dan-nala, boema hataholi matua-madema-la ma basa hataholi Israel-la mai, fo ala paken nai Manetualain Uman dale. Au fe basa buas sila-la leo basa imam sila-la neu.

ESTER 1:14

Manek-ka nasi'a naloo basa hataholi fo nanoli-nafa'da nalelak-kala, nde: Karsena, Setar, Admata, Tarsis, Meres, Marsena, ma Memukan. Hataholi sila-la nde been-na, nde manapaleta Persia ma Media, fo hataholi sila-la, lanuu nangatutuu madema nai nusak-ka.

YESAYA 8:20

Soona mataa mae leo ia, “Mamanene Manetualain nanolin-na! Hataholi fo ana kokolak ta nandaa no nanolik ndia fa soona, ta nanuu namahehenak fa.”

DANIAL 2:47

Manek-ka nafa'da nae, “Tete'ek-ka Danial, o Manetualaim ndia matuaina nanseli nai basa Manetualain lala'en-na. Ndia nde been-na, manakoasa neu basa manek lala'en-na, ma manasoi heni basa bibila-babaak lala'en-na. Au bubuluk dede'ak ndia, nana o mafa'da-malak bibila-babaak ndia sosoa-ndandaan.”

DANIAL 6:20

Lolebalahak boema, manek-ka fo'a, de neu lai-lai leo singa-la lean-na neu.

DANIAL 6:26

Basa ndia boema, mane Darius-sa haitua susulak leo hataholi maleme leoina ma dede'ak manai daebafak-ka lala'en-na nae, “So'da molek!

ZAKHARIA 6:10

nae, “Ho'i-ma tunu-hotuk fo Heldai, Tobia ma Yedaya, fo nde hataholi fo besak-ka ala fali ma'is leme mamana okak manai Babel-la, fe-ka. Meni tunu-hotuk sila-la no lai-laik leo Yosua, fo Zefanya anan-na, uman neu.