EZRA 6:3 - Susula Malalaok Hehelu Palak Ma Hehelu Beuk

³ “Nai Mane Kores-sa, ana paleta teu makasososan-na boema, ana kalua paleta, fo ela Manetualain Uman manai Yerusalem-ma, nafofo'a falik-kana, fo da'di leo mamanak fo hataholi-la leni tunu-hotuk ma tunu tutunu-hohotuk. Uma ndia dedeman-na, muse metel duahulu hitu, ma loloan-na metel duahulu hitu boe.

EZRA 6:3 ပူးပေါင်းရင်းမြစ်များ

2TAWARIKH 2:3

Salomo haitua halak ia leo Hiram fo manek Tirus-sa nae, “Ela leo been-na Tuan dangan sama-sama moo au sama leo moo au amang Dauk. Tuan mase'o basa fen ai kaiou Libanon soaneu nafofo'a ndia uma manen-na.

2TAWARIKH 2:6

Tehu tunga ndoon-na ta hapu hataholi esa boen hapu napadedeik uma ba'eneu Manetualain nana basa daebafa maloa lala'en-na ta matua soaneu da'di mamana leleon-na fa. Da'di, Manetualain Uman fo hapu apapdedeik-kana ndia, bole-bole ana da'di ka'da mamanak soaneu tunu boomenik ba'eneu Manetualain!

2TAWARIKH 36:22

Nai Kores fo manek Persia paleta neu teu makasososan-na, Manetualain nakalala'ok hata fo nafa'da basan tunga Nabi Yeremia. Manetualain nakababale Kores dalen-na soaneu ana kalua paleta esa fo nanalees nai basa nusak-ka lala'en-na. Liin-na nae leo ia:

EZRA 1:1

Kores, fo mane Persia, ana paleta neu teuk makasososan-na boema, Manetualain tao natetu hata, fo Ana kokolak basan tunga Nabi Yeremia so. Manetualain nakababale Kores dalen-na, ana kalua paleta esa, fo ala lees-sana nai basa nusan-na dalek. Liin-na nae leo ia:

EZRA 1:2

“Kores, fo mane Persia, paletan-na nde ia. Amak, Manetualain fo manakoasa nai nusa so'dak-ka, nakadada'dik basa au da'di manek neu basa daebafak-ka lala'en-na, ma Ana paleta au, fo afofo'a fen uma nai Yerusalem, fo nai nusa Yehuda.

EZRA 3:7

Laun-na fe doik fo bae tuka batu ma tuka ai-la ngga'din-na. Boeo ala haitua nana'a-nininuk, ma mina zetun leo kota-kota manai Tirus ma Sidon neu, fo ala tuka neu ai kaiou Libanon neme kota-kota sila-la mai. Leni ai sila-la leo Yafo, tunga tasi lai. Nanahu Kores, fo mane Persia nde fe laun-na loak, soaneu tao basa sila-la.

EZRA 6:14

Nabi Hagai, ma nabi Zakharia fali basa mauli-malanga Yahudi-la, de ala tao lakandoo Manetualain Uman ndia. No lai-laik, ala tao lakababasak uma ndia, nandaa no paleta neme Israel Manetualain-na mai, ma Kores paletan-na, Darius ma Artahsasta, fo mane Persia sila-la.

MAZMUR 122:4

Nai kota ia nde, nggileo-bobongik-kala mai, leoina fo, Manetualain heles, fo loke makasi neun nandaa no paletan-na.

NINITAK 21:16

Kota ndia lupa na bala'kak – nanalu na sama no loloa na. Boema ata nusa so'dak ndia uku kota ndia ninik aitete'e uuku na, de ana hapu nanalu na kilometel lifun dua natun ha. Loloa dedeman sama na leo nanalu na.