EZRA 6:15 - Susula Malalaok Hehelu Palak Ma Hehelu Beuk

¹⁵ Neu hataholi Yahudi-la, bula Adar-ra fain telu, fo Mane Darius-sa paleta neu teu ka neen-na, boema tao basa Manetualain Uman ndia.

EZRA 6:15 ပူးပေါင်းရင်းမြစ်များ

1RAJA-RAJA 8:63

Soaneu tutunu-hohotu mole-dame a, Salomo tunu-hotu sapi lifun duahulu dua ma bi'ilopo lifun natun esa duahulu. Leondiak, manek-ka ma basa laun-na lala'en-na tao feta nakatema Manetualain Uman-na.

EZRA 4:24

Manetualain Uman-na hahae tatao na so, de ala hahae lakandoo losa Darius, fo mane Persia paleta neu teu ka dua-na.

EZRA 5:16

Boema Sesbazar neu leo Yerusalem neu, de ndia nde tao Manetualain Uman ndia laten-na batu makasososan-na. Neme lelek ndia mai, losa besak ia, Uma ndia tataon-na la'ok nakandoo, tehu beita basa fan boe.’

EZRA 9:9

Nai lelek, ami bei nai mamana ata, O ta la'oela ami fa. O taom-ma mane Persia-la sue-lai ami, ma ala fe ami loak maso'da, fo ami mafofo'a falik O Umam fo, ela ka'da ai-batu mana tapasasalak ndia so. O masulu-mahapa ami nai ia, boema nai Yehuda ma nai Yerusalem.

ESTER 3:7

Neu teu ka 12-na, fo Mane Ahasyweros-sa paleta, nai hataholi Yahudi-la bula ka esan-na, fo nde bula Nisan-na, boema Haman nadenu tu'u batu fo loken lae “purim” soaneu ala bubuluk, fai ma bula beek-ka nde nandaa, soaneu ana tao natetu ndia dale tutu'u mangalaun ndia. Boema naketun la'e hataholi Yahudi-la bula ka 12-na, fo nde bula Adar-ra fain 13.

ESTER 8:12

Muse nakalala'ok paleta ndia, nai basa nusa Persia lala'en-na, nai faik fo Haman naketu basan, soaneu taonisa hataholi Yahudi-la, nai hataholi Yahudi-la bula ka 12-na, fo nde bula Adar-ra, fain 13.

ESTER 9:1

Mate'en-na nai hataholi Yahudi-la bula Adar-ra, fain 13, ana losa, fo nde fai nananaketuk soaneu lakalala'ok manek-ka paletan neu hataholi Yahudi-la. Faik ndia nde leoina Yahudi-a musun-nala lahanin, fo ala koasa leoina ndia. Tehu se'kona, hataholi Yahudi-la nde sengis-sala.

ESTER 9:15

Da'di nai hataholi Yahudi-la bula Adar-ra, fain 14 boema, hataholi Yahudi manai Susan-nala lakabubua seluk, de ala taolisa hataholi natun telu seluk nai kota ndia. Ma oek ia boeo, ala ta bonga uma fa.

ESTER 9:17

Manda'dik ndia, ana da'di nai hataholi Yahudi-la bula Adar-ra fain 13. Balahaa, fo nai bulak-ka fain 14, ala ta taolisa hataholi esa boen, te ala tao lalalao faik ndia no namahokok.

ESTER 9:19

Hu ndia de, hataholi Yahudi fo manaleo nai kota anak-kala, ala tao bula Adar-ra fain 14, da'di fai nasanene'dak, da'di leo fai namahokok, faik soaneu feta-dote, boema esa fe esa bua palsen, nalupa nana'a-nininuk.

ESTER 9:21

Susulak ndia isin-na paleta nae, tunga teuk soona, tao feta nai bula Adar-ra fain 14 ma 15.

ZAKHARIA 1:1

Nai hataholi Yahudi-la bula ka falun-na, fo Mane Darius-sa paleta Persia nai teu ka dua-na, Manetualain nanduku-nalosak hala heheluk ia neu au, Nabi Zakharia, fo Berekhya anan-na, ma Ido upun-na.

ZAKHARIA 1:16

Besak ia, Au fali leo Yerusalem u, fo Au fe do'o do ampon neu kota ndia. Neukose Au Umang-nga nananafofo'a falik, ma neukose kota Yerusalem-ma, nanatao nahiik seluk.”

ZAKHARIA 4:9

nae, “Zerubabel pe'da basa Au Umang-nga batu makasososan-na so, de neukose ana tao nakababasak uma ndia lala'en-na. Metema, dede'ak ndia ana da'di soona, neukose Au anang-ngala bubuluk, lae Au nde adenu o, fo Zakharia neu leo sila neu.