EZRA 6:14 - Susula Malalaok Hehelu Palak Ma Hehelu Beuk

¹⁴ Nabi Hagai, ma nabi Zakharia fali basa mauli-malanga Yahudi-la, de ala tao lakandoo Manetualain Uman ndia. No lai-laik, ala tao lakababasak uma ndia, nandaa no paleta neme Israel Manetualain-na mai, ma Kores paletan-na, Darius ma Artahsasta, fo mane Persia sila-la.

EZRA 6:14 ပူးပေါင်းရင်းမြစ်များ

EZRA 3:8

Boema neu hataholi Yahudi-la bula ka dua-na, fo nai lelek hataholi Israel-la fali ma'is leo Yerusalem mai nai teu ka dua-na, boema ala mulai lafofo'a falik Manetualain Uman-na. Zerubabel, Yesua no nonoon fo sila leoina esa, ma basa imam-mala, hataholi Lewi-la, dede'a keke'un-na, basa hataholi nanafoo haik-kala, ala tunga tao bela-ba'uk ndia. Ala hele hataholi Lewi, fo teun duahulu leo lain neu, fo lanea hataholi manalafofo'a Manetualain Uman-na ndia.

EZRA 4:24

Manetualain Uman-na hahae tatao na so, de ala hahae lakandoo losa Darius, fo mane Persia paleta neu teu ka dua-na.

EZRA 4:3

Tehu Zerubabel, Yesua, ma basa mane leo sila-la lataa lae, “Ami ta paluu emi tutulu-fafalim, fo besak-ka, ami mafofo'a fe ami Manetualain uma fa. Nemen-na fo ami mesam-ma mafofo'an, fo nandaa no Kores, fo mane Persia paletan neu ami-a.”

EZRA 5:1

Nai lelek ndia nabi dua fo nde, Hagai ma Zakharia fo Ido anan-nala, ala mulai kokolak pake Israel Manetualain-na na'den-na, neu hataholi Yahudi fo manaleo manai Yehuda ma manai Yerusalem-mala.

EZRA 5:13

Basa boema, Kores da'di manek nai Babel, de ana paleta neu teu makasososan-na boema, ana kalua paleta fo nafofo'a falik Manetualain Uman ndia.

EZRA 5:2

Lamanene nabi ka duak sila-la hala hehelun-na boema, Zerubabel fo Sealtiel anan-na, ma Yesua fo Yozadak anan-na, no lai-laik, ala mulai lafofo'a falik Manetualain Uman manai Yerusalem-ma, de nabi ka duak sila-la tulu-falis.

EZRA 6:3

“Nai Mane Kores-sa, ana paleta teu makasososan-na boema, ana kalua paleta, fo ela Manetualain Uman manai Yerusalem-ma, nafofo'a falik-kana, fo da'di leo mamanak fo hataholi-la leni tunu-hotuk ma tunu tutunu-hohotuk. Uma ndia dedeman-na, muse metel duahulu hitu, ma loloan-na metel duahulu hitu boe.

EZRA 6:8

Sama-sama no susulak ia, au paleta tolanook-kala, fo tulu-falis nai uma ndia tataon-na dalek, no enon-na leo iak: Basa tali-doik fo paluun soaneu uma ndia tataon-na muse ho'in neme nusaina, bea manai propensi Efrat Muli, boema boso makamama'ak bae hataholi sila-la.

EZRA 7:1

Teuk lamalala basa boema, nai lelek Artahsasta paleta Persia, boema hapu touk esa na'de Ezra, fo ana da'di neme Imam Matuaina Harun-na, tititi-nonosin mai. Tititi-nonosin-nala tuin neme dae leo lain neu nde ia: Ezra, Seraya, Azarya, Hilkia

EZRA 9:9

Nai lelek, ami bei nai mamana ata, O ta la'oela ami fa. O taom-ma mane Persia-la sue-lai ami, ma ala fe ami loak maso'da, fo ami mafofo'a falik O Umam fo, ela ka'da ai-batu mana tapasasalak ndia so. O masulu-mahapa ami nai ia, boema nai Yehuda ma nai Yerusalem.

NEHEMIA 6:15

Papala nanadamak ndia tao matalololen-na, na'a faik limahulu dua, de basan neu hataholi Yahudi-la bula Elul-la, fain duahulu lima.

YESAYA 44:28

Au nde afa'da neu Kores ae, ‘Neukose o nde paleta soaneu Au, ma tao-no'i basa Au hihii-nanaung lala'en-na. Fe paleta leona, fo ela nafofo'a seluk Yerusalem, ma tao Manetualain Uman-na neten-na.’ ”

HAGAI 1:1

Mane Darius-sa, ana paleta Persia neu teu ka dua-na, fo nai hataholi Yahudi-la bula ka 6-na, fain esa boema, Manetualain Ana kokolak tunga Nabi Hagai-a. Manetualain fe hala hehelun ndia neu Zerubabel, fo Sealtiel anan-na, ana da'di gobelnol nai Yehuda, ma Ana fen neu malanga Imam Matuaina Yosua fo Yozadak anan-na.

HAGAI 1:8

Besak ia, kae leo pupukuk-kala lain meu, fo ho'i ai, fo mafofo'a Au Umang-nga; soona neukose Au daleng-nga loak, ma neukose Au nanasene-do'ok seluk, no eno matetuk. So'ba taoafik neu emi ha'da-tataom!

ZAKHARIA 1:1

Nai hataholi Yahudi-la bula ka falun-na, fo Mane Darius-sa paleta Persia nai teu ka dua-na, Manetualain nanduku-nalosak hala heheluk ia neu au, Nabi Zakharia, fo Berekhya anan-na, ma Ido upun-na.

ZAKHARIA 1:16

Besak ia, Au fali leo Yerusalem u, fo Au fe do'o do ampon neu kota ndia. Neukose Au Umang-nga nananafofo'a falik, ma neukose kota Yerusalem-ma, nanatao nahiik seluk.”

ZAKHARIA 4:9

nae, “Zerubabel pe'da basa Au Umang-nga batu makasososan-na so, de neukose ana tao nakababasak uma ndia lala'en-na. Metema, dede'ak ndia ana da'di soona, neukose Au anang-ngala bubuluk, lae Au nde adenu o, fo Zakharia neu leo sila neu.

ZAKHARIA 8:9

Manetualain, nafa'da anan-nala nae, “Matetea emi dalem-ma. Besak ia, emi boeo mamanene hala-kokolak fo nabi la kokolak-kana, nai lelek ala pe'da batu makasososak fo lafofo'a falik Au Umang-nga.