EZRA 6:12 - Susula Malalaok Hehelu Palak Ma Hehelu Beuk

¹² Ela leo been-na, Manetualain fo manahele basa Yerusalem, da'di leo Ndia mamanan fo ala sene-do'ok-kana, tao namate-namopo manek do leoina, fo napalani lena-la'ban paleta ia, ma ana so'ba-so'ba tao nakalulutuk Manetualain Uman manai Yerusalem ndia. Au, Darius, nde fe paleta ia. Makalala'ok-kana no malole-malole.”

EZRA 6:12 ပူးပေါင်းရင်းမြစ်များ

1RAJA-RAJA 9:3

Manetualain nafa'dan nae, “O hule-haladoim Au amanenen so, ma no uma fo o mapadedeik basan ia, Au aketu ana da'di mamana hehelik soaneu hule-haladoi neu Au losa dodoon-na. Neukose Au taoafik ma anea mamanak ia tataas esa.

2TAWARIKH 7:16

Basa sila-la, neukose Au taon nanahu Au hele basa mamanak ia ma Au taon da'di mamana makaluku-makatele hehelik neu Au losa dodoon-na. Neukose Au taoafik-kana ma Au asulu-ahapan neme doon losa doon-na.

EZRA 6:13

Tatnai, fo filana nai Efrat Muli, ma Syetar-Boznai, boema tia-lain-nala, lakalala'ok Mane Darius-sa paletan ndia, no malolen-na.

EZRA 6:14

Nabi Hagai, ma nabi Zakharia fali basa mauli-malanga Yahudi-la, de ala tao lakandoo Manetualain Uman ndia. No lai-laik, ala tao lakababasak uma ndia, nandaa no paleta neme Israel Manetualain-na mai, ma Kores paletan-na, Darius ma Artahsasta, fo mane Persia sila-la.

EZRA 7:15

Au o au manamanoli-mafa'dang-ngala, nau tunu-hotu lilopilas ma lilofulak fe Israel Aman Manetualain, fo manaleo nai Yerusalem-ma Da'di ho'i meni ami tunu-hotum ndia leona.

EZRA 7:17

Pake doik sila no malolen-na, fo asa sapi mane, bi'ilopo mane, bi'ilopo ana, gandum ma angol. Tunu hotu basa sila-la nai mei tunu-hotuk lain, nai Manetualain Uman manai Yerusalem-ma.

EZRA 7:26

Hataholi see, fo ana ta tunga Tolanook-ka Manetualain-na hoholo-lalanen do nusak-ka hoholo-lalanen fa soona, muse hukunisan lai-lai, do tu'u-tapa henin, do loso-ma, hata-heton, do hukun.”

ESTER 8:14

Boema, ladenu hataholi sila-la, ala sa'e-la manek-ka ndalan-nala, de ala la'o leona. Ala lees susula paleta ndia, nai Susan fo nusak-ka polon-na boe.

MAZMUR 5:10

Nana au musung-nga hala-kokolan, ta hapu nananamahelek fa; sila dalen-nala henuk no tutu'u eno mangalauk. Sila hala-kokolan makeek, tehu sila dalen-na, henuk no kaboo-kabalik.

KELUARAN 20:24

Tao fe Au mei tunu-hotuk esa, taon neme dae-a mai, boema tunu-hotu emi bi'ilopom ma emi sapim-ma nai ndia, soaneu tutunu-hohotu nanatunuk, ma tutunu-hohotu mole-dame. Nai basa mamanak fo Au aketu basan ba'eneu emi, da'di leo mamanak makaluku-makatele soaneu Au-a, neukose Au mai, fo Au ba'e-pala emi.

PENGKHOTBAH 9:10

Tao-no'i o bela-ba'un lala'en-na nenik o be'i-balakaim lala'en-na. Nana mahani te, ta hapu seluk dudu'a-aafik do ue-le'dis so'on. Ta hapu malelak do manatee-tenok nai hataholi manamatek-kala daebafan-na fa. Ma neukose o muu leo naa muu.

YESAYA 60:12

Leoina, ma nusak fo ala ta nau lakatele neu o fa, neukose mate-mopos, fo mopok-kasa.

OBAJA 1:10

“O tao balakaik neu o tolanoom-mala, fo Yakob tititi-nonosin-nala so. Hu ndia de neukose mopo-mate o, ma hataholi nakamu-nakadau o losa dodoon-na.

HATAHOLI 9:5

Boema Saulus natane nae, “See O Tuan?” Boema halak ndia nataa nae, “Au nde Yesus fo o tuni-ndeni ka.

ULANGAN 12:11

Basa soona, neukose emi Manetualaim-ma hele mamanak esa, fo nai bee, emi muse sene-do'ok neun. Emi muse meni basa hata lala'en, fo au paletan neu emi, fo nde, tutunu-hohotu nanatunuk, ma tutunu-hohotu fe'ek-kala, fo nde emi tunu-hotu hahapu dadain ba'ek esa neme ba'eneu sanahuluh, ma tunu-hotu hehelik fo emi helu, fen neu Manetualain.

ULANGAN 12:5

Neukose, emi Manetualaim-ma, hele mamanak esa neme basa leo Israel-la daen-nala mai, fo ela ita leoinan-na mai leo matan-na mai, fo ala sene-do'ok neun.

ULANGAN 16:2

Meu leo Manetualain hele mamanak-ka meu, fo do'do emi bi'ihiim bi'ilopom do emi sapim esa, da'di leo tutunu-hohotu Paskah, soaneu fe ha'da-holomata neu emi Manetualaim-ma.