EZRA 5:5 - Susula Malalaok Hehelu Palak Ma Hehelu Beuk

⁵ Tehu Manetualain taoafik, ma nasulu-nahapa mauli-malanga Yahudi sila, nalosa basa manapaleta Persia-la laketu, fo ala ta ho'i nakakeketuk hata esa boen, metema ala beita haitua fe Darius susulak, fo ala hapu hala natataa na fa.

EZRA 5:5 ပူးပေါင်းရင်းမြစ်များ

2TAWARIKH 16:9

Manetualain mete leo daebafak-ka lala'en-na mai soaneu Ana fe be'ibalakain neu hataholi fo manalilinekak neun. O tao nakeketu ngoak so, hu ndia de mulai besak ia, neukose o la'ola'di natee-natatik tatasesa.”

EZRA 7:28

No Manetualain tutulu-fafalin, de manek-ka, manamanoli-mafa'dan-nala, manapaleta fo manakoasa sila-la, dalen-nala lahiik au; Au Amang Manetualain fe au manggate so, nalosa au hapu leleko ala mane leo Israel ba'u-ba'uana, de ala fali leo Yerusalem leu.”

EZRA 7:6

Ezra hataholi malelaina esa, de ana bubuluk ba'uk-ka, la'eneu Hoholo-lalanek, fo Israel Manetualain-na, fen neu Musa. Hu kande Ezra Manetualain-na ba'e-palan, de Ana fen basa hata fo ana noken. Mane Artahsasta paleta neu teu ka hitun-na, boema Ezra neme Babel leo Yerusalem neu, sama-sama no hataholi Israel bubuak esa, fo nde imam de'ubee, hataholi Lewi-la, manamakameek-kala, boema manamanea nai Manetualain Uman-na, lelesuinan-na, ma basa manatao bela-ba'uk-kala.

EZRA 8:22

Au ta apalani oke manek-ka, solda'du manasa'e ndalan, fo nasulu-nahapa ami neme musu-a mai, nai ami leleo-lala'om-ma dalek. Nana, au afa'da basa, ae ami Manetualaim-ma, Ana ba'e-pala hataholi see fo, ana sene-do'ok neun, tehu Ana huku hataholi see fo, nape'da dale nasak-kana, ma ta lilineka neu fan.

MAZMUR 32:8

Manetualain nae, “Neukose Au atu'du o enok fo, o muse la'ok tungan, neukose Au hela-nole o, ma Au anoli-afa'da o.

MAZMUR 33:18

Manetualain nanea, hataholi kamahehelek-kala, fo lamahena neu susue-lalain-na.

MAZMUR 34:15

Madook aoinam-ma, neme mangalauk-ka mai, ma tao-no'i hata fo malole-a, sanga enok soaneu mole-dame-a, nenik basa o be'i-balakaim lala'ena.

MAZMUR 76:10

Lelek O fo'a mapadeik fo O sanga maketu-mala'di, fo soi-tefa-mala hataholi nanatuni-ndenik manai daebafak-ka.

FILIPI 1:28

Ela leo bee na, emi mapalani tataas esa, boso bii emi musu noo mala. No enok ndia, emi hapu matu'dus mae, neukose sila kala ma emi sengi, nana sesengik ndia, ana mai neme Manetualain mai.

1 PETRUS 3:12

Nanahu Lamatua ka mete-nakanae tataas esa neu hataholi mana tao tunga hihii-nanau na, boema Lamatua ka namanene tataas esa neu sila huhule-haladoin; tehu Lamatua ka la'ban hataholi mana tao-no'i tatao-nono'i managalau kala.”