EZRA 5:15 - Susula Malalaok Hehelu Palak Ma Hehelu Beuk

¹⁵ Manek-ka nadenun, fo ana ho'i-na bua lo'as sila-la fo fe falik-kasa leo Manetualain Uman-na, nai Yerusalem, boema nafofo'a falik Uma ndia.

EZRA 5:15 ပူးပေါင်းရင်းမြစ်များ

EZRA 1:2

“Kores, fo mane Persia, paletan-na nde ia. Amak, Manetualain fo manakoasa nai nusa so'dak-ka, nakadada'dik basa au da'di manek neu basa daebafak-ka lala'en-na, ma Ana paleta au, fo afofo'a fen uma nai Yerusalem, fo nai nusa Yehuda.

EZRA 3:3

Leomae ala bii nusak ndia laun-nala, tehu lafofo'a mei tunu-hotuk ndia neu mamana makasososan-na boe. Boema, ala mulai fe seluk tutunu-hohotuk nanatunuk, nai fai fafain-na ma le'donoson-na.

EZRA 5:14

Nakalenak bai, ana fe falik bua-lo'a lilopilas ma lilofulak, fo paken nai Manetualain Uman dale, ma Nebukadnezar ho'i neni bua-lo'as-sala leme Yerusalem mai, de ana pe'das leo lamatua daebafan-na uman manai Babel-la dalek neu. Mane Kores-sa, ana fe bua-lo'as sila-la leo hataholi mana'de Sesbazar, fo ana so'u basan da'di filana nai Yehuda so.

EZRA 5:16

Boema Sesbazar neu leo Yerusalem neu, de ndia nde tao Manetualain Uman ndia laten-na batu makasososan-na. Neme lelek ndia mai, losa besak ia, Uma ndia tataon-na la'ok nakandoo, tehu beita basa fan boe.’

EZRA 6:3

“Nai Mane Kores-sa, ana paleta teu makasososan-na boema, ana kalua paleta, fo ela Manetualain Uman manai Yerusalem-ma, nafofo'a falik-kana, fo da'di leo mamanak fo hataholi-la leni tunu-hotuk ma tunu tutunu-hohotuk. Uma ndia dedeman-na, muse metel duahulu hitu, ma loloan-na metel duahulu hitu boe.