EZRA 5:12 - Susula Malalaok Hehelu Palak Ma Hehelu Beuk

¹² Tehu, hu kande ami bei-ba'i kaim-mala, ala tao lakananasak Manetualain fo mana koasa nai nusa so'dak-ka, boema Ana fe henis leo Nebukadnezar, fo mane Babel-la, ana da'di neme Kasdim tititi-nonosin mai. Ana tao nakalulutuk Uma ndia, ma ana foo neni ami leoinam-ma, leo Babel neu.

EZRA 5:12 ပူးပေါင်းရင်းမြစ်များ

2RAJA-RAJA 24:2

Boema, Manetualain nadenu hataholi mangalauk-kala ho'u tafa-sisilo, leme leoina Babel, Siria, Moab ma Amon mai, de ala la'ban Yoyakim, boema ala tao lakalulutuk Yehuda, de nandaa no Manetualain nafa'da basan tunga atan-nala, fo nde nabi-la.

2RAJA-RAJA 25:1

Basa boema Zedekia la'ban Nebukadnezar, fo manek Babel-la paletan-na. Hu ndia de, Nebukadnezar no basa solda'dun-nala lala'en-na ala mai, de sapu-la Yerusalem, nai hataholi Yahudi-la bula ka 12-na, fain 10, fo nai lelek Zedekia paleta neu teuk-ka 9-na. Ala ofu leme kota deak, de lapadedeik papala nanadamak, okofeo kota Yerusalem-ma,

2TAWARIKH 36:20

Laun fo manaladeak-kala, ana foo nenis leo Babel neu. Nai naa, ala da'di ndia atan ma tititi-nonosin atan losa tepo-lelek nusak Persia ana koasa.

MAZMUR 106:40

Boema Manetualain nasan-na lua ponu-ponu soaneus, Ana malua seluk, Ndia nuu mesan-na.

YESAYA 47:6

Makahulun-na, Au amanasa Au anang-ngala, Au ta sipok-kasa, da'di Au nuung so'on. Boema Au fes leo o neu de o ta sue-lai fas, nakalenak o tunu-ndeni lasik-kala, no ta pake ha'da hataholik fa.

YEREMIA 5:29

Tehu, Au, fo Manetualain, neukose hukus, nanahu basa ha'da-tataok sila-la; neukose Au balas leoina ia, tatao-nono'in-nala.

YEREMIA 51:59

Manamanea Manek Zedekia nde been-na Seraya fo Neria anan-na Mahseya upun ndia. Zedekia fo Manek Yehuda ana paleta nai teuk ka haan-na boema Seraya tunga Zedekia leo Babel. Hu ndia de Au fen tatao-nono'ik esa.

YEREMIA 52:12

Nai bulak kalima fain sanahulu ma teuk kasanahulu sion-na manek Nebukadnezar paleta nai Babel, Nebuzaradan neu leo Yerusalem, ndia nde been-na Nebukadnezar manamauli-malangan ma manamanean-na.

DANIAL 9:5

Ami masala-masingo basa so, ami tao tatao-nono'i mangalauk ma tao salak so. Ami la'ban ma la'olena O paletam-ma so, boema ami la'ok sala neme O nakanenetem-mala.

ULANGAN 31:17

Metema, ana da'di leondiak soona, neukose Au nasa-melung, lua ponu-ponu neu emi. Neukose, Au la'oelas, ma Au tao amopo-amates. Neukose, susa-soe matuaina makadotok, ala tuni-ndeni lalas, boema neukose, ala lame'da lae basa sila-la ala da'di, hu kande Au, sila Manetualain fo ta nok sila so'on.

ULANGAN 32:30

Hapu nai bee, hataholi esa, bisa usi hataholi lifun esa, ma hataholi dua, bisa tao-la hataholi lifun sanahulu lalai? Sila Manetualain-na, nase'oheni sila so; Manetualain fo palani tatibatu ndia, Ana la'oela sila so.

HAKIM-HAKIM 4:2

Boema Manetualain po'ilotak Yabin, fo mane Kanaan-na, nangatuuk nai kota Hazor-ra, ana sengis. Malanga solda'du matuainan-na nde Sisera, ana leo nai Haroset-Hagoyim.

HAKIM-HAKIM 6:1

Hataholi Israel-la lasala-lasingo la'iesa seluk neu Manetualain nalosa Ana po'ilotak leoina Midian-na koasas teuk hitu dalen-na.