EZRA 5:11 - Susula Malalaok Hehelu Palak Ma Hehelu Beuk

¹¹ Boema lataa lae, ‘Ami ia, Manetualain manakoasa lalai ma daebafak-ka, atan. Besak ia, ami mafofo'a falik Manetualain Uman, fo Israel mane matua-mademan esa, napadedeik-kana, de ana sadia-na, basa hata-heton lala'en-na lamadai, ndek teu-teuk makahulun eli.

EZRA 5:11 ပူးပေါင်းရင်းမြစ်များ

KEJADIAN 24:3

Fo soo-supa menik Amak, Manetualain, fo manakoasa lalai ma daebafak-ka, mae neukose o ta sanga fe au anang Isak, saoinak nai basa hataholi manai dae Kanaan ia-la fa.

1RAJA-RAJA 6:38

Ma nai bula Bul, fo nde bula ka falu, nai Salomo paleta teuk-ka sanahulu esa na dalek Salomo nafofo'a basa Manetualain Uman ndia fo nandaa no ana tutu'u basa ka so. Uma ndia tatao na na'a teuk hitu.

1RAJA-RAJA 9:10

Salomo nafofo'a Manetualain Uman-na ma manek-ka uma manen-na, nai teuk duahulu dalen-na.

EZRA 5:10

Ami boeo matane sila na'den-nala, fo ela ami fe hala nafafa'dak neu Ama Manek, see kande nalanga nai bela-ba'uk ndia.

MAZMUR 119:46

Neukose au tui-benga O nakanenetem-mala neu mane-manek-kala, de neukose au ta hapu mamaek fa.

MAZMUR 136:26

Moke makasi neu Manetualain, fo manakoasa lalai-a; susue-lalain manaketu-basa tak, losa dodoon-na.

DANIAL 3:26

Boema Nebukadnezar neu de napadeik deka ha'i manafolokakaak ndia lelesun-na, ma naloo bou-bou nae, “Sadrakh, Mesakh ma Abednego, Manetualain Fo Mademaina, atan-nala lemin! Kalua meme ha'i manafolokakaak ndia dalek mai leon!” Boema ala kalua leona.

YUNUS 1:9

Yunus nataa nae, “Au hataholi Ibrani. Au sene-do'ok neu Manetualain. Manetualain manai nusa so'dak fo manamakadada'dik tasi ma dae ma'dak-ka.”

MATEOS 10:32

“Metema see manaku nai lea matan nae, Au ana mana tungang ndia soona, neukose Au boeo manaku hataholi ndia, nai Au Amang manai nusa so'da ka matan boe.

LUKAS 12:8

“Mafandendelek leona: Te hataholi fo ana manaku nai lea matan nae ndia Au ana manatungang soona, ndia boeo neukose Ana Hataholi ka manakun nai Manetualain ata nusa so'da nala matan.

HATAHOLI 27:23

Nana Manetualain fo au sene-do'o ka, fo nde Manetualain mana manuu au a, le'odae ka nadenu atan esa mai,

ROMA 1:16

Au amahele Hala Malole ndia nana Hala Malole ndia nde bee na, Manetualain be'i-balakain nde ndia, soaneu Ana fe so'dak neu basa hataholi kamahehele kala lala'ena; makasososa na hataholi Yahudi a, boema leoina fe'e kala boe.

ROMA 6:16

Emi bubuluk basa, metema hataholi esa paleta emi tunga hataholi ndia dale hihii na soona, emi da'di ata neu hataholi ndia so, ta bubuluk emi da'di sala-singo ka atan fo no emi leo mamate sa dalek meu, do emi da'di ata fo tunga Manetualain, fo no enok ndia, emi malole falik mo Manetualain.

GALATIA 6:14

Tehu au ta nau amatutua-amadedema hata esa makandondook boen, ta'da fe'e ka'da ita Lamatuan Yesus Kristus, fo Ana mate nanalona-nggange basa ka so. Nana, hu ka nde ala lona-nggange lisan ndia de, daebafa ka sosoa-ndandaan ta ba'eneu au so. Nonoo ka bai de, au mate basa soaneu daebafa ka so boe.

YOSUA 24:15

Leounik-ka, emi ta nau mamahele neu Manetualain fa soona, faik ia boe, ho'i nakeketuk, emi nau mamahele neu see: neu lamatua daebafak, fo makahulun-na emi bei-ba'i kaim-mala sene-do'ok-kasa neme Mesopotamia, do neu hataholi Amori, fo besak ia emi leom-ma nusan-na, lamatua daebafan-nala. Tehu ami – au ma au teidaleng-ngala – neukose mamahele ka'da neu Manetualain.”