EZRA 4:7 - Susula Malalaok Hehelu Palak Ma Hehelu Beuk

⁷ Boeo, nai tepo-lelek Artahsasta, fo Kesel Persia, ana paleta, manda'dik ndia dadi seluk: Bislam, Mitredat, Tabeel no nonoon-nala sulak fe manek-ka susulak. Susulak ndia, nanasulak nai dede'a Aram dale, de lees-sana soona, muse hataholi salin-nana.

EZRA 4:7 ပူးပေါင်းရင်းမြစ်များ

2RAJA-RAJA 18:26

Boema Elyakim, Sebna, ma Yoah lafa'da malanga solda'du manai lain ndia lae, “Tuan, kokolak mo ami, nenik ka'da dede'ak Aram, fo ami malelak-kana. Boso pake dede'a Ibrani, te neukose laun manai papala nanadamaak ndia lain, lalelak-kana.”

EZRA 4:1

Ala benga lae hataholi manafali ma'is leme mamana tu'u-tapak mai ndia, lafofo'a Israel Manetualain-na Uman-na, boema hataholi Yehuda-la, ma hataholi Benyamin-nala musu non nala lamanene.

EZRA 4:17

Boema, manek-ka haitua hala natataan-na nae leo ia, “Neu Filana Rehum, ma Simsai fo propensi-a, hataholi manasulak susulan-na, ma basa sila tia-lain, fo manaleo manai Samaria, ma kota-kota fe'ek manai propensi Efrat Muli. So'da-molek.

EZRA 4:8

Artahsasta boeo, sipo susulak la'eneu Yerusalem. Susulak ndia neme Filana Rehum-ma mai, de Simsai fo propensi-a, hataholi manasulak susulan-na no nonoo-nala look-kasa. Nonoon-nala nde: basa manakee-manafula-la, ma basa manapaleta Persia fe'ek-kala, fo ala mai leme Erekh, Babel, ma Susan mai, fo nai nusa Elam-ma,

EZRA 5:6

Hala nafa'dak fo ala haituan leo Manek-ka neu-a nae leo ia,

EZRA 7:1

Teuk lamalala basa boema, nai lelek Artahsasta paleta Persia, boema hapu touk esa na'de Ezra, fo ana da'di neme Imam Matuaina Harun-na, tititi-nonosin mai. Tititi-nonosin-nala tuin neme dae leo lain neu nde ia: Ezra, Seraya, Azarya, Hilkia

EZRA 8:36

Boema manek-ka fes susula palaak teu netek-ka, fo landuku-lalosak-kana neu basa filana, ma manapaleta propensi Efrat Muli. Boema manapaleta sila-la, ala fe laun-na tutulu-fafalik, fo ela ala sene-do'ok lahele nai Manetualain Uman.

NEHEMIA 2:1

Nai faik esa, fo bulak haa makabuin-na, fo nde nai hataholi Yahudi-la bula Nisan-na, lelek Mane Artahsasta na'a-ninu, boema au sadia fen nininuk no mata-pana makamamasuk. Beita la'iesa fo nita au mata-panang nono'kabai makamamasuk-ka nai matan-na sama leo nai faik ndia fa.

YESAYA 36:11

Boema Elyakim, Sebna, ma Yoah lafa'da Asyur malanga solda'du matuainan ndia lae, “Tuan, kokolak dede'a Aram moo ami, te ami malak-kana. Boso kokolak menik dede'a Ibrani, te neukose laun manai kota ndia papala nanadaman lain-na, lalelak-kana.”

DANIAL 11:2

Ma hata fo neukose au afa'dan neu o ndia tete'ek-ka.” Ata nusa so'dak ndia nafa'da nae, “Neukose mane fe'ek 3, ala paleta Persia, fo mane ka 4, tunga, manek ndia su'i-beten lena heni mane fe'ek-kala. Neu paletan ma koasan-na mate'e na, neukose nakasusu'di be'i-balakaik no nusa Yunani-a.

DANIAL 2:4

Boema lataa lenik dede'a Aram lae, “So'dak ba'eneu ami manem-ma losa dodoon-na! Tui ami, me'is ndia leona, soona neukose ami mafa'da mangalele'do sosoa-ndandaan.”