EZRA 4:3 - Susula Malalaok Hehelu Palak Ma Hehelu Beuk

³ Tehu Zerubabel, Yesua, ma basa mane leo sila-la lataa lae, “Ami ta paluu emi tutulu-fafalim, fo besak-ka, ami mafofo'a fe ami Manetualain uma fa. Nemen-na fo ami mesam-ma mafofo'an, fo nandaa no Kores, fo mane Persia paletan neu ami-a.”

EZRA 4:3 ပူးပေါင်းရင်းမြစ်များ

2TAWARIKH 36:22

Nai Kores fo manek Persia paleta neu teu makasososan-na, Manetualain nakalala'ok hata fo nafa'da basan tunga Nabi Yeremia. Manetualain nakababale Kores dalen-na soaneu ana kalua paleta esa fo nanalees nai basa nusak-ka lala'en-na. Liin-na nae leo ia:

EZRA 1:1

Kores, fo mane Persia, ana paleta neu teuk makasososan-na boema, Manetualain tao natetu hata, fo Ana kokolak basan tunga Nabi Yeremia so. Manetualain nakababale Kores dalen-na, ana kalua paleta esa, fo ala lees-sana nai basa nusan-na dalek. Liin-na nae leo ia:

EZRA 1:2

“Kores, fo mane Persia, paletan-na nde ia. Amak, Manetualain fo manakoasa nai nusa so'dak-ka, nakadada'dik basa au da'di manek neu basa daebafak-ka lala'en-na, ma Ana paleta au, fo afofo'a fen uma nai Yerusalem, fo nai nusa Yehuda.

EZRA 1:3

Ela leo been-na Manetualain nasulu-nahapa emi basa-basam fo manada'di anan-nala. Emi muse fali leo Yerusalem meu, fo mafofo'a falik Israel Manetualain Uman-na, fo nde Manetualain manaleo nai Yerusalem-ma.

EZRA 3:8

Boema neu hataholi Yahudi-la bula ka dua-na, fo nai lelek hataholi Israel-la fali ma'is leo Yerusalem mai nai teu ka dua-na, boema ala mulai lafofo'a falik Manetualain Uman-na. Zerubabel, Yesua no nonoon fo sila leoina esa, ma basa imam-mala, hataholi Lewi-la, dede'a keke'un-na, basa hataholi nanafoo haik-kala, ala tunga tao bela-ba'uk ndia. Ala hele hataholi Lewi, fo teun duahulu leo lain neu, fo lanea hataholi manalafofo'a Manetualain Uman-na ndia.

NEHEMIA 2:20

Boema au ataa ae, “Manetualain fo manakoasa nai nusa so'dak-ka, neukose Ana tao-na ami ue-le'dim nabuna-naboa. Ami nde been-na Ndia atan-nala, de neukose ami mulai mafofo'a. Tehu emi ta manuu hak do pusaka hata esa boen nai Yerusalem fa. Nakalenak metema hataholi kokolak la'eneu Yerusalem soona, neukose ala ta seseik o na'dem-ma fa.”

YESAYA 44:28

Au nde afa'da neu Kores ae, ‘Neukose o nde paleta soaneu Au, ma tao-no'i basa Au hihii-nanaung lala'en-na. Fe paleta leona, fo ela nafofo'a seluk Yerusalem, ma tao Manetualain Uman-na neten-na.’ ”

YESAYA 45:4

Au aloo o, de Au fe o, na'de maha'da-holomatak, leomae, o ta malelak Au fa. Au fe o bela-ba'uk, fo tulu-fali Au atang Israel, nana Au leoina heheleng sila.

MATEOS 10:16

“Taoafik neu dede'ak esa nde ia te: Au adenu emi sama leo bi'i lopo tapandoe sa, neu leo busa fui makaa mangalau ka tala'da neu. Hu ndia de, emi muse manea sama leo menge a, tehu emi dale ma ndoos, sama leo manupui kalua sina.

YOHANIS 4:9

Boema ina Samaria ndia nae, “Manetualain hataholi Yahudi, ma au hataholi Samaria; ma tao le'e de, Manetualain noke au oe?” (Nanahu, hataholi Yahudi la ta bole kokolak lo hataholi Samaria la fa.)

HATAHOLI 8:21

O ta manuu hak soaneu tunga ami nai ami lau-onom dalek fa, nana o dale ma ta ndos soaneu Manetualain fa.