EZRA 4:24 - Susula Malalaok Hehelu Palak Ma Hehelu Beuk

²⁴ Manetualain Uman-na hahae tatao na so, de ala hahae lakandoo losa Darius, fo mane Persia paleta neu teu ka dua-na.

EZRA 4:24 ပူးပေါင်းရင်းမြစ်များ

EZRA 3:8

Boema neu hataholi Yahudi-la bula ka dua-na, fo nai lelek hataholi Israel-la fali ma'is leo Yerusalem mai nai teu ka dua-na, boema ala mulai lafofo'a falik Manetualain Uman-na. Zerubabel, Yesua no nonoon fo sila leoina esa, ma basa imam-mala, hataholi Lewi-la, dede'a keke'un-na, basa hataholi nanafoo haik-kala, ala tunga tao bela-ba'uk ndia. Ala hele hataholi Lewi, fo teun duahulu leo lain neu, fo lanea hataholi manalafofo'a Manetualain Uman-na ndia.

EZRA 4:23

Artahsasta susulan ndia, nanalees basak neu Rehum, Simsai no tia-lain-nala, boema, no lai-laik leu leo Yerusalem leu, de lakaseti hataholi Yahudi-la, fo ala hahae lafofo'a falik kota ndia.

EZRA 4:5

Ala solo manapaleta Persia nenik doik, fo ela hataholi Yahudi-la dale tutu'un ndia, boso da'di. Dede'ak ndia, ana da'di nahele, neme lelek Mane Kores-sa ana paleta, losa Mane Darius-sa paleta.

EZRA 5:1

Nai lelek ndia nabi dua fo nde, Hagai ma Zakharia fo Ido anan-nala, ala mulai kokolak pake Israel Manetualain-na na'den-na, neu hataholi Yahudi fo manaleo manai Yehuda ma manai Yerusalem-mala.

EZRA 5:5

Tehu Manetualain taoafik, ma nasulu-nahapa mauli-malanga Yahudi sila, nalosa basa manapaleta Persia-la laketu, fo ala ta ho'i nakakeketuk hata esa boen, metema ala beita haitua fe Darius susulak, fo ala hapu hala natataa na fa.

EZRA 6:1

Basa ndia boema, no Mane Kores-sa paletan-na, de ala palisak matalolole, nusak-ka susula makahulun-nala, fo nanape'dak nai Babel.

EZRA 6:14

Nabi Hagai, ma nabi Zakharia fali basa mauli-malanga Yahudi-la, de ala tao lakandoo Manetualain Uman ndia. No lai-laik, ala tao lakababasak uma ndia, nandaa no paleta neme Israel Manetualain-na mai, ma Kores paletan-na, Darius ma Artahsasta, fo mane Persia sila-la.

EZRA 6:15

Neu hataholi Yahudi-la, bula Adar-ra fain telu, fo Mane Darius-sa paleta neu teu ka neen-na, boema tao basa Manetualain Uman ndia.

NEHEMIA 6:3

Hu ndia de, au haitua fes hala natataak-ka ia, “Au ta bisa mai fa, nanahu au bei tao bela-ba'u matua. Neukose bela-ba'uk ndia ta la'ok fa, Metema au la'o ela bela-ba'uk ndia, fo au ne'i atongo o emi soona, neukose bela-ba'uk ndia ta la'ok fa.”

NEHEMIA 6:9

Ala so'ba lakabibiik ami, fo ela ami hahae bela-ba'uk ndia. Boema au hule-haladoi ae, “Ou Manetualain, matetea-mahehele au!”

AYUB 20:5

hataholi mangalauk-ka, namahoko-seteleen ta doo bee ana esa boen, ma hataholi malelesik-ka, namahokon-na, ka'da hatematak esa mesak-kana do ta?

DANIAL 11:2

Ma hata fo neukose au afa'dan neu o ndia tete'ek-ka.” Ata nusa so'dak ndia nafa'da nae, “Neukose mane fe'ek 3, ala paleta Persia, fo mane ka 4, tunga, manek ndia su'i-beten lena heni mane fe'ek-kala. Neu paletan ma koasan-na mate'e na, neukose nakasusu'di be'i-balakaik no nusa Yunani-a.

DANIAL 9:25

Sulak-ma dede'ak ia, fo o malelak-kana: Teuk 7 la'i hitu neukose ala seli, mulai neme faik fo Ana kalua paleta soaneu nafofo'a falik Yerusalem, losa Manetualain hele mauli-malangan esa ana mai. Nai teuk 62 la'i hitu dalen-na, Yerusalem enon-nala ma lalaak nanean-nala, neukose nananafofo'a falik, tehu tepo-lelek ndia, henuk no toto'a-tataak.

HAGAI 1:1

Mane Darius-sa, ana paleta Persia neu teu ka dua-na, fo nai hataholi Yahudi-la bula ka 6-na, fain esa boema, Manetualain Ana kokolak tunga Nabi Hagai-a. Manetualain fe hala hehelun ndia neu Zerubabel, fo Sealtiel anan-na, ana da'di gobelnol nai Yehuda, ma Ana fen neu malanga Imam Matuaina Yosua fo Yozadak anan-na.

HAGAI 1:15

Ala mulai ho'un ndek hataholi Yahudi-la bula ka 6-na, fain 24, fo nai Mane Darius-sa, ana paleta teu ka dua-na.

HAGAI 2:15

Manetualain nafa'da nae, “So'ba taoafik neu hata, fo ana da'di nai hua-binesak-ka so, fo nde Au Umang ia, beita tao matalolole fan! Nai faik ndia, emi so'dam-ma leo beek?

HAGAI 2:18

Nai faik ia, hataholi Yahudi-la bula ka 9-na, fain 24, duahulu ha, basa Au Umang-nga laten-na! Taoafik neu hata, fo neukose mulai hatematak ia, ana da'di.

ZAKHARIA 1:1

Nai hataholi Yahudi-la bula ka falun-na, fo Mane Darius-sa paleta Persia nai teu ka dua-na, Manetualain nanduku-nalosak hala heheluk ia neu au, Nabi Zakharia, fo Berekhya anan-na, ma Ido upun-na.

1 TESALONIKA 2:18

Ami dodoo mae, ami sanga meu donge-dama emi de au soba hain la'i esa do la'i dua so, tehu Nitu a napanggengge nahele ami.