EZRA 4:20 - Susula Malalaok Hehelu Palak Ma Hehelu Beuk

²⁰ Mane mabe'i-balakaik-kala, ala paleta hai leme naa so, de ala koasa-la, basa propensi Efrat Muli lala'en-na, boema lakalala'ok bea.

EZRA 4:20 ပူးပေါင်းရင်းမြစ်များ

KEJADIAN 15:18

Nai lelek ndia boe, Manetualain tao hehelu-balataak no Abram. Manetualain nae, “Au helu ae neukose, Au fe dae ia lala'en-na neu o tititi-nonosim, mulai neme too no nusa Masir-ra, losa Lee Efrat-ta,

1RAJA-RAJA 4:21

Basa teidalek-kala lanuu osi angol ma osi ai kaak. Nai Salomo fai maso'da na, laun manai Yehuda ma Israel-lala'en-na, neme kota Dan-na losa kota Bersyeba laso'da nee nee-lino linok boema tetu-temak. Nana, basa manek manai lee Efrat-a boboan muli, lakatele neun, ma basa leoina maleme nusaina manai nusan-na boboa kaisun, tao tiak loon. Dae manai Lee Efrat-a boboan muli, fo mulai neme Tifsah, nakandoo leo muli neu, fo leo kota Gasa nai Filistin losa Masir dae too na, Salomo koasa basan lala'en-na. Leoina manai nusak ndia, lakatele neun ma ala fe kefek. Nana'ak fo Salomo paken tunga faik nde been-na ha'desopu lutuk kilo lifun lima, ma ha'desopu selak kilo lifun sanahulu, sapi nakaboboik sanahulu, sapi nana po'ilotak duahulu, ma bi'ilopo natun esa. Fe'ek neme ndia mai boe, nusa mata-matak-kala manupui mata-matak-kala.

1RAJA-RAJA 5:1

Hiram, fo mane Tirus sa tao tia-laik no Mane Dauk ka tataas esa. Lelek Hiram nama nene nae Salomo da'di manek nggati aman Dauk boema, anan-nadenu hataholi neu leo Salomo neu.

1RAJA-RAJA 5:4

Tehu besak ia au Manetualain fe basa tetu-tema ka nai basa au nusa paletang-nga la lala'en-na. Au ta anuu musu ma boeo ta hapu susa-soe tuni na au nusang-nga fa.

1 TAWARIKH 18:13

boema napadedeik solda'du la uma ofun-na la nai Edom lala'en-na. Boema hataholi Edom mala lakatele neu Manek Dauk ka. Manetualain fe sesengik neu Dauk nai su'di bee boe fo anan-natee-natati.

1 TAWARIKH 18:3

Basa boema Dauk sengi Hadadezer, fo manek nai Zoba fo deka no nusak Hamat a nai nusak Siria. Nai lelek ndia, Hadadezer bei nai leleo-lala'on na dalek soaneu ana koasan-na nusak fo manadeka no Lee Efrat a langan-na.

1 TAWARIKH 18:6

Basa boema napadedeik solda'du la uma ofun nala nai hataholi sila nusan dale de ala bae bea leo Dauk neu. Manetualain fe Dauk sesengik nai su'di bee boe fo natee-natati.

1 TAWARIKH 19:19

Lelek fo Hadadezer kaosa mane-manek-kala lita lae solda'du Israel-la sengi sila so boema, ala loke mole-dame loo Dauk de lakatele neun. Basa ndia boema, hataholi Siria la ta nau tulu-fali hataholi Amon nala so'on.

2TAWARIKH 17:11

Ana sipo lilofulak ma bua palsen fe'e-fe'ek makadotok neme hataholi Filistin-nala mai, ma ana sipo bi'ilopo lifun hitu natun hitu ma bi'ihiik lifun hitu natun hitu neme hataholi Arab-ala mai.

2TAWARIKH 9:14

beita leke manadangan-nala bea-nala mai fa. Arab manen-nala ma Israel gobelnon-nala boeo fen liliopilas ma lilofulak.

EZRA 4:13

Metema lafofo'a falik kota ndia, fo lapadedeik basa papala nanadaman-nala soona, laun-na ta nau bae bea so'on, de neukose nusak-ka hahapun-na kulang so.

EZRA 4:16

Da'di, ami mamahele, mae metema lafofo'a falik kota ndia, ma lapadedeik falik papala nanadaman-nala soona, neukose Ama Manek ta hapu paleta propensi Efrat Muli ia so'on.”

EZRA 4:19

Boema no au paletang-nga, de ala palisak matalololen so, de nananitak nai dalek, nae memak neme tepo-lelek makahulun eli mai, Yerusalem lena-la'ban tataas esa no manek-kala koasan-na, ma laun-nala, ba'un-na nde been-na, manalena-la'bak ma manatao tasibu.

EZRA 4:21

Hu ndia de, kalua paleta leona, fo hahae heni hataholi sila-la bela-ba'un, fo ela boso lafofo'a falik kota ndia, losa au fe paleta fe'ek bai.

EZRA 7:24

Emi basam-mala, ta bole susu bea neme imam-mala, hataholi Lewi-la, manamakameek-kala, manamanea lelesuina-la, do su'di see fo Manetualain Uman-na hataholin.

MAZMUR 72:8

Neukose nusan-na, namaloa neme tasi leo tasi neu, natabaa neme dulu losa muli.

RATAPAN 1:1

Besak ia, Yerusalem nee-nee lino-linok nanseli, kota fo makahulun-na henuk no makaseek nanseli. Makahulun-na nai leoina-la uluk, tehu besak ia, ana da'di sama leo inafalu so. Makahulun-na kota fo nanakoa-nanakiok nanseli, besak ia, ana da'di ata so.

YESKIAL 19:11

Ndanan-nala tean-na seli, de ta la'dis no lai-laik fa de nandaa taon da'di aitete'e manek. Poin-na, namadema losa ko'as-sa. Basa hataholi-la lasamanan, nana deman-na seli ma doon makadotok nanseli.

MATEOS 9:9

Basa boema Yesus la'oela mamanak ndia. Ana la'o-la'o boema nita tou mana susu bea esa, na'de Mateos, nangatuuk nai uma bea dale. Yesus nafa'dan nae, “Mai tunga Au leona!” Boema Mateos fo'a de, neu tunga Yesus.