EZRA 4:2 - Susula Malalaok Hehelu Palak Ma Hehelu Beuk

² Hu ndia de, leu latongo loo Zerubabel ma mane leo-la, de lafa'da sila hahapun-na lae, “Fe ami loak, fo ami tunga mafofo'a Manetualain Uman ndia, nana ami boeo sene-do'ok neu tolanook-kala Manetualain-na, sama-na leo tolanook-kala boe. Ami fen tutunu-hohotuk tataas esa ndek Esar-Hadon, fo Asyur manen-na, no ami leo ia mai-a.”

EZRA 4:2 ပူးပေါင်းရင်းမြစ်များ

KEJADIAN 10:11

Neme naa mai, de neu leo Asyur neu, boema napadedeik kota Niniwe, Rehobot-Ir, Kalah,

2RAJA-RAJA 17:24

Fo mananggati hataholi Israel, fo nanafoo basak leo mamana ookak-ka neu ndia, de mane Asyur-ra fe hataholi leo nai kota-kota manai Samaria, de ana ho'i hataholi neme Babel, Kuta, Awa, Hamat, ma Sefarwaim. Hataholi sila, langatuu-la kota sila-la, de ala leo lahele leme ndia.

2RAJA-RAJA 17:41

Da'di, ala sene-do'ok neu Manetualain, tehu ala sene-do'ok neu sila sosongo-tatangon boe. Losa faik ia boe, sila tititi-nonosin bei tao tataos ndia.

2RAJA-RAJA 19:37

Nai faik esa, fo lelek ana bei songo nai Lamatua Daebafak Nisrokh-ka uma sosongon dale, boema Adramelekh ma Sarezer, fo ana manen-nala, ta'ti lisan nenik tafaina. Basa ndia boema, lalai leo nusa Ararat-ta leu. Boema Esarhadon, fo anamanen fe'en esa, nggatin da'di manek.

EZRA 1:5

Basa boema, basa mane leo-la, leme leo Benyamin-na, basa imam-mala, ma hataholi Lewi-la, ma ba'eneu hataholi, fo Manetualain nakababale dalen-na soona, maheheleaom leona, fo fali leo Yerusalem meu, fo nafofo'a falik Manetualain Uman-na.

EZRA 2:2

Sila mauli-malangan-nala nde Zerubabel, Yesua, Nehemia, Seraya, Reelaya, Mordekhai, Bilsan, Mispar, Bigwai, Rehum ma Baana. Teidale-bobongi Israel-la susulan-na nde ia, no leo-la esa-esak hataholin, fo manafali ma'is leme mamana tu'u-tapak mai, dede'un-na nde ia:

EZRA 3:12

Nai imam-mala dalek, hapu imam ba'uk-ka, ma hataholi Lewi-la ma mane leo-la, lasi-lasik-kala lita hai Manetualain Uma makahulun-na so. Lelek lita matan, ala tao Manetualain Uman laten-na fo besak-ka ala taon ia, boema ala kii-lapane'e. Tehu hataholi manai sila-la, ala eeki-latadale no namahokok,

EZRA 3:2

boema Yesua, fo Yozadak anan-na, boema nonoon-nala fo nde basa imam-mala, ma Zerubabel, fo Sealtiel anan-na ma tolanoon-nala, lafofo'a falik Israel Manetualain-na, mei tunu-hotun. No enok ndia, ala hapu tunu tutunu-hohotuk nai lain, fo nandaa no natutu'du-natutu'duk fo nanasulak nai Manetualain atan Musa, susula hoholo-lalanen dale.

NEHEMIA 9:32

Ou Manetualain, ami Manetualaim fo balakaik! Manetualain fo matua ma anseli! O ho'u mahele hehelu-balataak lala'en-na no lilinekak; O tao matetu ma O makalala'ok O hehelu-balataam. Neme tepo-lelek, basa mane Asyur-rala tuni-ndeni ami losa besak ia, ami la'ola'di doidosok makadotok. Ami mane-manem-mala, imam-mala, nabi-la ma basa lasi-lasik-kala, boeo bei-ba'i kai-la, ma laun-na, basa-basas doi-doso so Boso mafandele heni doidosok sila-lala'en-na! Boso tao mamopon neme O dale nasanene'dam-ma mai!

MAZMUR 73:8

Ala hakinonoli hataholi, ma no koao-ndaeaok, ala fe nasanene'dak mahelek lae sila sanga tuni-ndeni hataholi.

YESAYA 37:37

Boema, Sanherib, fo manek Asyur-ra, nakadedeak, de ana fali leo Niniwe neu.

YESAYA 37:38

Nai faik esa, fo nai lelek ana bei sene-do'ok nai Lamatua Daebafak Nisrokh-ka uma sosongon dale, te anamanen Adramelekh ma Sarezer, tatilisan nenik tafaina. Basa ndia boema, lalai leo Ararat leu. Anamanen fe'en esa, na'de Esarhadon, nggatin da'di manek.

HOSEA 14:3

Fali me'um-ma leo Manetualain meu leona, fo manduku-malosak hule-haladoik ia, da'di leo emi tutunu-hohotum neu Manetualain nae, “Manetualain, fe do'o do ampon neu ami sala singom lala'en-na, ma sipo-ma ami hule-haladoim ia, soona neukose ami koa-kio O, sama leo ami hala hehelum-ma.

GALATIA 2:4

leomae hapu hataholi lakasetin fo ana tunga nakanenetek sila la. Hataholi sila la nde bee na, nde hataholi fo ala solodo'dok leo ita partei na dalek leu fo ala masok no nafufunik, da'dileo tolanoo ka. Ala masok no denge-dengek nana, ala sanga palisak matalolole ita so'dan fo nanase'i po'ik hu ka nde, ita da'di esa to Kristus Yesus. Ala nau lo falik ita leo ha'da-tatao makahulu ka neu, fo da'di ata,

2 TIMOTIUS 3:8

Sama na leo Yanes no Yambres, fo makahulu na ala lena-la'ban Musa, leondiak boe, hataholi sila la ala lena-la'ban Manetualain nanoli nala. Dudu'a-aafi nala nalutus, ma namahehele nala boeo, kou mosa so.