EZRA 4:12 - Susula Malalaok Hehelu Palak Ma Hehelu Beuk

¹² Ela leo been-na, Ama Manek bubuluk, mae hataholi Yahudi, fo mana la'o ela nggolo-nggolo fe'ek manai Ama Manek nusan ia dalek-ka, besak ia, ala leo lahele nai Yerusalem so, de lafofo'a falik kota mangalauk, ma ta manatunga paleta ndia fa. Ala mulai lafofo'a seluk papala nanadaman-nala, ma ta dook-ka so'on te, neukose basa bela-ba'uk ndia so.

EZRA 4:12 ပူးပေါင်းရင်းမြစ်များ

2RAJA-RAJA 18:20

O maedaenga, ka'da no hala-kokolak-ka, fo bisa nggati solda'du-la be'i-balakain do? O mamahenak-ka nde see, de nalosa, o mapalani la'ban Asyur?

2RAJA-RAJA 24:1

Nai tepo-lelek fo Manek Yoyakim-ma paleta, Nebukadnezar, fo manek Babel-la, neu sapu-na Yehuda, de ana sengin. Yoyakim nakatele neu Nebukadnezar, teuk 3 dalen-na, tehu basa boema, ana ta tunga paletan-na so'on, de ana la'ban-nana.

2TAWARIKH 36:13

Manek Nebukadnezar-ra nakaseti Zedekia fo ana soo-supa nenik Manetualain na'den-na nae neukose ana lilineka neu Nebukadnezar. Tehu makabuin-na Zedekia tao nakabubua mangalauk la'ban Nebukadnezar. Zedekia nalanga bat neu Amak fo Israel Manetualain-na. Ana ta nau tuka tei-sale dale neme sala-singon mai, ma ana ta nau fali leo Manetualain mai fa.

EZRA 4:11

Susulak ndia liin-na nae leo ia, “Neme basa Ama Manek atam, fo manaleo nai Efrat Muli-la, ami fe Manek Artahsasta, susulak ia. So'da-molek.

EZRA 4:15

fo ela Ama Manek madenu hataholi palisak besa-besa no Ama Manek bei-ba'i kain susulan-nala. Te neukose Ama Manek bubuluk neme susulak sila-la isin-na, nae memak kota Yerusalem-ma, nau ka'da la'ban manapaleta, ma neme makahulun-na mai, ana tao nakatutu'dak basa manek-kala ma manakoasa manai propensi-la tataas esa. Susa la'i esak-kana, hela-nole laun-nala. Hu ndia de, kota ndia, nanatao nakalulutuk.

EZRA 4:19

Boema no au paletang-nga, de ala palisak matalololen so, de nananitak nai dalek, nae memak neme tepo-lelek makahulun eli mai, Yerusalem lena-la'ban tataas esa no manek-kala koasan-na, ma laun-nala, ba'un-na nde been-na, manalena-la'bak ma manatao tasibu.

EZRA 5:3

Tehu Tatnai, fo filana nai Efrat Muli, ana sama-sama no Syetar-Boznai, ma tia-lain-nala lai-lai leo Yerusalem leu, de latane hataholi Yahudi-la lae, “See kande nadenu emi, fo mafofo'a Uma Mamasok ia, ma sadia-ma hata-heton lala'en-na lamadai?”

EZRA 5:9

Basa boema, ami matane basa leoina ndia, mauli-malangan-nala mae, See kande po'i emi, fo mafofo'a falik Uma Mamasok ndia, ma sadia-na, basa hata-heton lala'en-na lamadai.

NEHEMIA 1:3

Ala tui lae hataholi nanafoo haik fo manafali ma'is leo dae-oen mai sila-la, besak ia laso'da no doidosok ma ala hapu nakamumulu-nakamamaek neme leoina nusa dea manai titia-tatain-nala. Bai te, kota Yerusalem-ma papala nanadaman-nala lutu-lutu, de bei besenggela-besenggali ma lelesuinan-nala beita nanatao matalololek neme lelek makahulun-na nanahotu henik-ka mai.

NEHEMIA 6:6

isin-na nae leo ia: “Gesyem nae hala-hala anin manai leoina titia-tataik ia tete'ek-ka, de lafa'da lae Tolanook-ka ma basa hataholi Yahudi-la tutu'u eno makahatuk, hu ndia de Tolanook-ka tao nahii kota papala nanadaman-na. Boeo nafa'da nae, Tolanook-ka sanga so'u aon da'di mane Yehuda,

ESTER 3:8

Boema, Haman nafa'da manek-ka nae, “Ama Manek, hapu leoina matabeuk esa nai basa nusak ia propensin-nala. Ha'dan-nala fe'ek nanseli, no leoina fe'ek-kala. Ala ta tunga nusak-ka hoholo-lalanen-nala fa. Da'di, malole lenak, Ama Manek boso po'ilotak-kasa, fo ala tao tunga ka'da sila dale hihii-nanaun mesan-na.

YEREMIA 52:3

Manetualain namanasa nanseli neu hataholi Yerusalem ma Yehuda boema ana usi henis de ta nasulu-nahapa fa. Zedekia ana tao nasak neu Nebukadnezar fo manek Babel,

DANIAL 3:8

Hataholi Babel de'ubee, ala pake fai loak ndia fo tao susa hataholi Yahudi-la.

DANIAL 9:25

Sulak-ma dede'ak ia, fo o malelak-kana: Teuk 7 la'i hitu neukose ala seli, mulai neme faik fo Ana kalua paleta soaneu nafofo'a falik Yerusalem, losa Manetualain hele mauli-malangan esa ana mai. Nai teuk 62 la'i hitu dalen-na, Yerusalem enon-nala ma lalaak nanean-nala, neukose nananafofo'a falik, tehu tepo-lelek ndia, henuk no toto'a-tataak.

LUKAS 13:34

Yerusalem, Yerusalem! O lau mala taomisa basa nabi la, ma Manetualain hataholi nadedenu nala, tapas minik batu, losa mates. La'i de'u bee so, Au hii holu basa o lau mala, sama leo manu ina nasaluluku ana nala nai li'dan dale, tehu o ta nau fa!

HATAHOLI 24:5

Ami ho'u ma hataholi ia hataholi mana tao tasi'bu mangalauk. Nai basa mamanak lala'ena nakadada'dik tasi'bu nai hataholi Yahudi la tala'da, ma ana da'di mauli-malangan nai hataholi Nazaret tala nakabua na.

1 TESALONIKA 5:22

Tehu madook emi ao ma, neme basa tatao-nono'i mangalau mata-matak lala'ena mai.