EZRA 2:1 - Susula Malalaok Hehelu Palak Ma Hehelu Beuk

¹ Hataholi nanafook-kala ba'uk-ka la'oela nusa Babel-la, de ala fali ma'is leo Yerusalem ma Yehuda mai, de esa-esak fali ne'un leo ndia kotan-na neu. Ala leo nai mamana tu'u-tapak nai Babel, ndek lelek Mane Nebukadnezar-ra, foo nenis leo naa leu.

EZRA 2:1 ပူးပေါင်းရင်းမြစ်များ

2RAJA-RAJA 25:11

Basa boema, laun bei manai kota dale-la, nde tuka malelaina-la, fo bei ela hataholi-la, nde hataholi nuu-taa hata-taak-kala, ma hataholi manamalaik leo hataholi Babel-la leu-a, Nebuzaradan foo nini la'iesak-kasa leo Babel neu.

1 TAWARIKH 9:1

Basa hataholi Israel-la lala'en-na nanasulak tunga esa-esak teidalen. Susulak ndia nanasulak nai Mane-manek Israel-la susulan dale. Da'di leo huhukuk neu sila sala-singon-nala, de laun Yehuda-la nanafook leo mamana ookak-ka neu.

1 TAWARIKH 9:2

Neme sila fo manafali ma'is makasososak leo sila dae-oen fo manai kota-kota nde been-na, nde hataholi biasa-la, imam-imam-mala, hataholi Lewi-la ma tuka-tuka manatao Manetualain Uman-na.

EZRA 1:11

Mango lilopilas ma lilofulak, boema bua-lo'a fe'ek-kala, basa-basas dede'un-na lifun lima natun haa. Sesbazar neni la'iesak bua-lo'as sila-la, ndek lelek fo, ndia ma hataholi nanafoo fe'ek-kala, fali ma'is leme Babel leo Yerusalem mai.

EZRA 2:2

Sila mauli-malangan-nala nde Zerubabel, Yesua, Nehemia, Seraya, Reelaya, Mordekhai, Bilsan, Mispar, Bigwai, Rehum ma Baana. Teidale-bobongi Israel-la susulan-na nde ia, no leo-la esa-esak hataholin, fo manafali ma'is leme mamana tu'u-tapak mai, dede'un-na nde ia:

EZRA 2:70

Basa imam-mala, hataholi Lewi-la ma laun-na seli, ala leo lahele leme Yerusalem ma nai kota-kota manadekak-kala. Basa manamakameek-kala, basa manamanea Manetualain Uman-na lelesuinan-na, ma basa manatao Manetualain Uman-na, boema hataholi Israel nggelok, ala leo lahele leme kota-kota fo makahulun-na, sila bei-ba'i kain-nala mamana leleon-na.

EZRA 5:8

Ela leo been-na, Ama Manek bubuluk, mae ami meu leo propensi Yehuda meu so, de ami mita Manetualain Fo Matuaina Uman-na, lafofo'a falik-kana, nenik batu matuaina mesa-mesan, ma lapadedeik tama seluk ai neu papala nanadaman-nala. Ala tao besa-besa loo bela-ba'uk ndia, de ta nakakai fa, ma lai-laik.

EZRA 6:2

Tehu susula liik la'eneu dede'ak ndia, ta hapun neme Babel fa, te hapun nai kota Ahmeta, fo nai nusa Media. Susula liik ndia, nanasulak nai susulan-nanalunuk esa dalek, de liin-na nae leo ia,

EZRA 8:35

Nai faik ndia boe, basa hataholi fo manafali ma'is leme mamana tu'u-tapak mai ndia, ala fe tutunu-hohotu nanatunuk neu Israel Manetualain-na. Ala tunu-hotu sapi mane sanahulu dua, soaneu basa Israel-lala'en-na, bi'ilopo mane siohulu nee, ma bi'ilopoana hituhulu hitu; fe'ek neme ndia mai boe, ala tunu-hotu bi'ihiik sanahulu dua, soaneu tutunu-hohotu do'o do ampon ba'eneu sila boe. Ala tunu basa bana sila-la, da'di leo tutunu-hohotuk soaneu Manetualain.

NEHEMIA 12:1

Basa imam-mala ma hataholi Lewi fo manafali ma'is leme mamana tu'u-tapak mai, sama-sama loo Zerubabel fo Sealtiel anan-na ma loo Imam Matuaina Yesua nde ia:

ESTER 1:1

Nai Susan, fo Persia kotan-na polon-na, Ahasyweros paleta da'di manek. Nusan-na nanaba'ek neu propensi 127, fo mulai neme India losa Sudan.

ESTER 1:11

Nadenus, fo leu loo ina mane Wasti-a, fo ana mai nataan, no ana pake bulamoli nusak-ka nai langan lain. Ina manek ndia, mana'ahiik nanseli, de manek-ka sanga natu'du lole-napun neu basa hataholi matua-mademan, ma basa laun-nala.

ESTER 1:3

Ana paleta neu teu ka telun-na boema, Mane Ahasyweros-sa tao feta matuaina soaneu basa hataholi matua-mademan-nala, ma hataholi mana'a ngga'din-nala. Basa malanga musu Persia ma Media-la, lai feta ndia boe, leondiak boe, basa gobelnol-la, ma basa manapaleta matua-madema propensi-la, lai ndia boe.

ESTER 1:8

Basa fui-la, linu su'di bebe'ik-ka, do lakasetis fo linu. Manek-ka fe basa paleta neu malalau-maoono uma manek-kala, fo ela lalau-laoono fui-la esa-esak, nandaa no dale hihiin-na.

ESTER 8:9

Nai faik ndia boe, fo nai hataholi Yahudi-la bula ka telun-na, fo nde bula Siwan-na, fain 23 boema, Mordekhai naloo basa manek-ka hataholi manasulak susulan-nala, de ana paletas, fo ala sulak susulak fe basa Gobelnol-la, basa bupati-la, ma propensi ka 127-kala hataholi matua-mademan-nala, neme India losa Sudan. Sulak susulak sila-la, tunga propensi-la esa-esak dede'an-na, ma susula de'en-nala. Ana haitua susulak ndia leo hataholi Yahudi-la, nai hataholi Yahudi-la dede'an-na, ma susula de'en-na boe.

YESAYA 48:20

La'o leona, fo malai meme Babel mai, tui-benga halak ia, leo basa mamanak lala'en-na neu. Tui-benga no namahoko-seteleek mae: “Manetualain soi-tefa basa Israel, fo atan-na so!

YEREMIA 50:19

Neukose Au fe falik hataholi Israel-la leo sila nusan. Neukose sila la'a-linu leme dae Letek Karmel ma nusa Basan. Neukose sila lakabete leme dae Efraim ma Gilead isin-na mai.

RATAPAN 1:3

Laun Yehuda-la la'oela nusan-na, nanahu nanataok da'di ata de ana doi-doso nanseli. Besak ia, ala leo nai leoina-la tala'da ta lanuu mamanak fo fes mole-dame ma so'da-molek fa. Nai lelek ala doi-doso-a, musu nakahapi-nalas.

RATAPAN 1:5

Musun-nala lalole-lanapu, nanahu ala hapu koasa-lan. Manetualain tao-nan doi-doso, nanahu sala-singon makadotok nanseli. Foo leni laun-na so, de loos leo mamana tu'u-tapak neu.

RATAPAN 4:22

Sion nakalala'ok huhukun-na, soaneu sala-singok fo ana taok-ka so; besak ia, neukose Manetualain ta po'Ilotak ami ma neukose ta no seluk ami leo mamana tu'u-tapak dalek neu so'on. Tehu o, hai Edom, neukose Manetualain huku o. O sala-singom neukose nanabukak.

ZEFANYA 2:7

Neukose Yehuda laun fo laladeak-ka, langatuu-la o nusam ndia. Neukose, ala foo bana-manun-nala nai mamanak ndia, ma nai fai le'odaen-na, neukose ala sungu lai hataholi Askelon-na uman-nala. Nana, neukose Manetualain, fo sila Manetualain-na, nasulu-nahapa seluk-kasa, ma Ana fes lamasu'i-lakabete seluk.

HATAHOLI 23:34

Gobelno la lees basa susula ka boema, natane Paulus da'di neme bee mai. Lelek fo ana bubuluk Paulus da'di neme Kilikia mai,