EZRA 10:9 - Susula Malalaok Hehelu Palak Ma Hehelu Beuk

⁹ Basa faik telu, fo hataholi Yahudi-la, bula ka sion-na fain duahulu boema, basa touk manaleo nai nusa Yehuda, ma Benyamin-na, ala mai leo Yerusalem mai, de lakabubua lai Manetualain Uman so'dan-na. Nai lelek ndia, udaina mai. De basa hataholi-la dele bengge'be, nanahu makalenik-ka, ma boeo, nanahu nakabuak ndia sosoa-ndandaan ba'un-na seli.

EZRA 10:9 ပူးပေါင်းရင်းမြစ်များ

EZRA 10:10

Basa boema, Ezra fo'a napadeik, de ana kokolak nos. Nafa'da nae, “Emi basa-basam-mala, masala-masingo so, de emi popo-tama seluk Israel salan-na, nanahu emi sao ina leoina nusa dea.

EZRA 10:3

Mai fo ata soo-supa neu Manetualain, tae neukose ita usiheni basa ina fe'ek sila-la, sama-sama loo anan-nala. Neukose ami tunga o nanoli-nafa'dam lala'en-na, ma hataholi fe'ek, fo ala fe ha'da-holomata neu Manetualain paletan-nala, Neukose ami tunga Manetualain Hoholo-lalanen.

EZRA 10:8

Ba'eneu see, fo nai faik telu dalen-na, ana ta mai fa soona, neukose ala sita-la basa hata-heton lala'en-na, ma ala ta sipok-kana da'di laun so'on. Mauli-malanga laun-nala, limalee paleta ndia.

EZRA 9:4

Au angatuuk ka'da leondiak ahele, losa li'u tunu-hotu tutunu-hohotu le'donosok-ka. Basa boema, hataholi-la mai okofefeo-la au. Ala bii lanseli, nanahu lafandele Israel Manetualain-na, Ana fe nasanene'da kahelek, neu hataholi manafali ma'is leme mamana tu'u-tapak ndia mai, sala-singon-nala.

ESTER 2:16

Leondiak Ahasyweros paleta nai teu ka hitun-na, nai hataholi Yahudi-la bula ka 10-na, fo nde bula Tebet-ta, loo Ester neu nataa Mane Ahasyweros-sa, nai uma manek-ka.

YEREMIA 10:10

Tehu O, Manetualain, Manetualain fo matetuk-ka, Manetualain fo manafe so'dak-ka, Manek fo manaketu basa tak. Metema O mamanasa soona, daebafak-ka nanggengo, metema O nasam-ma lua soona leoina-la ta lakatatak fa. (

YEREMIA 10:13

Ka'da nenik paletan-na, de oe-a nadodolo nai lalai-a. Ana fe ko'as-sa neme daebafak-ka pe'dan, ma ana tao ndelas-sa lasalolo'de nai u'dan dale, boema ana haitua anin neme mamana pepe'dan-na.

YEREMIA 36:22

Ndia te bulak kasio-a, ma manek-ka nangatuk nai ha'i-a matan, fo nai uma manek-ka, lae fai makalinik.