EZRA 10:3 - Susula Malalaok Hehelu Palak Ma Hehelu Beuk

³ Mai fo ata soo-supa neu Manetualain, tae neukose ita usiheni basa ina fe'ek sila-la, sama-sama loo anan-nala. Neukose ami tunga o nanoli-nafa'dam lala'en-na, ma hataholi fe'ek, fo ala fe ha'da-holomata neu Manetualain paletan-nala, Neukose ami tunga Manetualain Hoholo-lalanen.

EZRA 10:3 ပူးပေါင်းရင်းမြစ်များ

2RAJA-RAJA 11:17

Imam Yoyada, nadenu Mane Yoas-sa, ma laun-na, fo ala tao hehelu-balataak loo Manetualain lae, neukose sila da'di Manetualain Anan. Nadenu manek-ka, fo ana tao hehelu-balataak no laun-nala boe.

2TAWARIKH 29:10

Besak ia au nau emi tao hehelu-balataak moo Amak, fo Israel Manetualain-na, fo ela Ana boso boe namanasa ita bai.

2TAWARIKH 30:12

Nai Yehuda boeo Manetualain tao-no'i de laun-na dalek esa soaneu tunga te'e-te'e neu Manetualain hihii-nanaun nenik ala tunga manek-ka ma hataholi mana'a ngga'din-nala paletan-na.

2TAWARIKH 34:21

“Meu leona, fo matane neu Manetualain soaneu au ma soaneu hataholi-hataholi fo bei manai Israel ma Yehuda la'eneu susulak ia-la isi-liin. Manetualain namanasa ita nanahu ita bei-ba'i kain-nala ta lakalala'ok paleta fo nanasulak nai susulak ia-la dalek fa.”

2TAWARIKH 34:27

o tukatei-saledale, ma o makaloe-makadae aoinam-ma nai Au matang. Au fe basa nasanene'dak mahelek soaneu huku Yerusalem no laun-nala, tehu nai lelek o mamanene la'eneu Au hala nasanene'da maheleng ndia boema, o kii ma o sii sii-lulu'i o bua-lo'a papakem-ma da'di leo ta'du-tana dale he'dik. Au amanene o huhule-haladoim so,

EZRA 10:11

Hu ndia de, manaku emi sala-singom neu Manetualain fo ita bei-ba'i kain-nala sene-do'ok-ka, ma tao hata fo, nanda no Manetualain dalen-na. Madook emi aoinam-ma, neme hataholi nusa dea, fo manaleo nai ita nusan-na, ma usiheni basa saoinak maneme nusa dea sila.”

EZRA 10:44

Basa hataholi sila-la, ala sao inak neme leoina nusa dea mai. Boema ala elaheni saoinak sila-la, de ala usihenis, sama-sama loo anan-nala.

EZRA 10:9

Basa faik telu, fo hataholi Yahudi-la, bula ka sion-na fain duahulu boema, basa touk manaleo nai nusa Yehuda, ma Benyamin-na, ala mai leo Yerusalem mai, de lakabubua lai Manetualain Uman so'dan-na. Nai lelek ndia, udaina mai. De basa hataholi-la dele bengge'be, nanahu makalenik-ka, ma boeo, nanahu nakabuak ndia sosoa-ndandaan ba'un-na seli.

EZRA 9:4

Au angatuuk ka'da leondiak ahele, losa li'u tunu-hotu tutunu-hohotu le'donosok-ka. Basa boema, hataholi-la mai okofefeo-la au. Ala bii lanseli, nanahu lafandele Israel Manetualain-na, Ana fe nasanene'da kahelek, neu hataholi manafali ma'is leme mamana tu'u-tapak ndia mai, sala-singon-nala.

NEHEMIA 10:1

Hataholi manalima lee makasososak-ka nde Gobelnol Nehemia fo Hakhalya anan-na. Basa boema, Zedekia tunga. Basa ndia boema, hataholi-la nde ia boeo ala lima lee fo nde:

NEHEMIA 8:14

Ala hapun nai ndia, nae nai Hoholo-lalanek fo Manetualain fen tunga Musa dalek, Manetualain nadenu hataholi Israel-la leo lai lalaak-kala dalek, nai lelek Feta Akidook-ka.

NEHEMIA 9:38

Hu ka nde manada'dik sila lala'en-na, de ami laun Israel-la tao hehelu-balataak matea-nahelek ma nanasulak, ma ami cap-pana nenik ami mauli-malangam fo hataholi Lewi-la, ma ami imam esa cap-pa.

MAZMUR 119:120

Au dele ngge'be-ngge'be nanahu au bii-amata'u neu O, au daleng-nga dele, la'eneu O nakeketum-ma.

MAZMUR 119:59

Au dudu'a-dodoo basa, au ha'da-paliing so, de au aheluk, neukose au tunga O nakanenetem-ma.

YESAYA 66:2

Lalai-a ma daebafak-ka nde been-na, Au lima tataang, boema basa sila-la nananakadada'dik. Tehu Au dale namahokong-nga nde, hataholi dale taidaek-ka, fo manatukatei-saledale neme sala-singon-nala mai, fo manabii-namata'u, ma tunga neu Au.

YESAYA 8:20

Soona mataa mae leo ia, “Mamanene Manetualain nanolin-na! Hataholi fo ana kokolak ta nandaa no nanolik ndia fa soona, ta nanuu namahehenak fa.”

YESKIAL 9:4

“Muu leo kota bu'un lalaena muu, fo tao ta'du neu hataholi manadale he'dik-kala, ma manasusak-kala dedein-nala, hu kande basa tatao-nono'ik nanamauluak-kala nanatao-no'ik nai kota ia dalek.”

ULANGAN 29:12

Emi Manetualain-ma, Ana tao hehelu-balataak no emi, de emi basa-basam-mala makabubuan-na i ia, soaneu pa'a mahele hehelu-balataak ndia, ma emi sipo emi bela-ba'um-mala.

YOSUA 9:6

No papake-ngganggao leondiak-ka, leu latongo loo Yosua nai mamana ofun-na nai Gilgal, boema lafa'dan no hataholi Israel-la lae, “Ami meme nusa dook mai, de ami sanga tao hehelu-balataak moo Tuan-tuan-nala.”