EZRA 1:7 - Susula Malalaok Hehelu Palak Ma Hehelu Beuk

⁷ Kores kalua mango-la ma nggalas-sala, fo makahulun-na, ala pakes nai Manetualain Uman dale nai Yerusalem. Bua-lo'as sila-la, Mane Nebukadnezar-ra, nenis, de ana pe'das lai lamatua daebafan-nala uman dale.

EZRA 1:7 ပူးပေါင်းရင်းမြစ်များ

2RAJA-RAJA 24:13

Nebukadnezar tao nakalulutuk la'iesak, Mane Salomo-a taon-na basa hata-heto lilopilas soaneu Manetualain Uman-na. Boema ala ho'i leni la'iesak, hata-heto kabelik manai Manetualain Uman-na, ma manai uma manek-ka, leo Babel neu. Basa sila-la, ala da'di, fo nandaa no hata fo, Manetualain nafa'da nakahuluk-kana so.

2TAWARIKH 36:10

Neu teu manamaik-ka boema, Manek Nebukadnezar-ra foo neni Yoyakhin leo Babel neu da'di leo hataholi nanafook, ma ana ho'i neni bua-lo'a kabelik-kala leme Manetualain Uman-na mai boe. Basa boema Nebukadnezar so'u Zedekia, fo Yoyakhin to'o-na da'di manek neu Yehuda ma Yerusalem.

2TAWARIKH 36:18

Manek Babel ndia loso neni la'iesak Manetualain Uman-na hata-heton, ma bua-lo'a kabelin-nala, manek-ka ma basa hataholi mana'a ngga'din-nala hata-heton boema nenis leo Babel neu.

2TAWARIKH 36:7

Bua-lo'a kabelik manai Manetualain Uman-na, Nebukadnezar ho'ineni seli, de ana pe'das nai uma manen dale nai Babel.

EZRA 5:14

Nakalenak bai, ana fe falik bua-lo'a lilopilas ma lilofulak, fo paken nai Manetualain Uman dale, ma Nebukadnezar ho'i neni bua-lo'as-sala leme Yerusalem mai, de ana pe'das leo lamatua daebafan-na uman manai Babel-la dalek neu. Mane Kores-sa, ana fe bua-lo'as sila-la leo hataholi mana'de Sesbazar, fo ana so'u basan da'di filana nai Yehuda so.

EZRA 6:5

Boeo bua-lo'a lilopilas ma lilofulak, fo nanapakek nai Manetualain Uman, ma Mane Nebukadnezar-ra ho'i nenis leme Yerusalem mai, de nenis leo Babel neu-a, muse tao falik-kasa le'us leu mamana makasososan-na.”

YEREMIA 51:44

Neukose Au huku Bel lamatua daebafak Babel, neukose Au tao-an fe falik hata fo ana loso nak-kala. Leoinak-kala ta sene-do'ok neu ndia so'on. Papala-nanadamak Babel-la tu'u heni so.

DANIAL 1:2

Manetualain fen sengi Mane Yoyakim-ma, de ala loso leni bua-lo'a kabelik-kala seli leme Manetualain Uman dale mai. Ana foo neni hataholi-la, nos leo ndia lamatua daebafan manai Babel-la uma sosongon dale leu, ma ana pe'da ana loso neni bua-lo'a kabelik-kala lai gudang-gudang manai uma sosongok ndia dalek.

DANIAL 5:23

Ama Manek namatutua-namadedema aoinan-na soaneu Manetualain nai nusa so'dak-ka, ma Ama Manek napalani nadenu hataholi neni mango fo Ama Manek aman loso nenis neme Manetualain Uman dale mai, leo feta dale mai. Boema Ama Manek noo basa hataholi matua-madema-la saoinan-nala, ma sao ka dua ka telun-nala minu pake mango sila-la. Ama Manek koa-kio lamatua daebafak fo nanataok neme lilopilas, lilofulak, liti, besi, ai ma batu, lamatua daebafak fo ta hapu lita do lamanene do lalelak hata-hata ndia fa. Ama Manek ta fe ha'da-holomata neu Manetualain fo manamaketu-mala'di Ama Manek maso'dan-na ma mamaten-na.