EZRA 1:2 - Susula Malalaok Hehelu Palak Ma Hehelu Beuk

² “Kores, fo mane Persia, paletan-na nde ia. Amak, Manetualain fo manakoasa nai nusa so'dak-ka, nakadada'dik basa au da'di manek neu basa daebafak-ka lala'en-na, ma Ana paleta au, fo afofo'a fen uma nai Yerusalem, fo nai nusa Yehuda.

EZRA 1:2 ပူးပေါင်းရင်းမြစ်များ

1RAJA-RAJA 8:27

Tehu, ou Manetualain, tete'e ka O nau leo nai daebafak ia do? Lalai lala'en-na boeo, loloan-na ta dai soaneu O fa, mu'da hata no uma hule-haladoik fo au afofo'ak ia!

2TAWARIKH 2:12

Kokoa-kikiok neu Israel Manetualain fo Manamakadada'dik lalai ma daebafak-ka! Ana fe Dauk ana manek esa manatee tenok nanseli baite dodole da'uk, ma malelak, de besak ia ana bei sanga enok fo napadedeik uma esa ba'eneu Manetualain ma ba'eneu ndia uma manen-na.

EZRA 1:5

Basa boema, basa mane leo-la, leme leo Benyamin-na, basa imam-mala, ma hataholi Lewi-la, ma ba'eneu hataholi, fo Manetualain nakababale dalen-na soona, maheheleaom leona, fo fali leo Yerusalem meu, fo nafofo'a falik Manetualain Uman-na.

EZRA 3:7

Laun-na fe doik fo bae tuka batu ma tuka ai-la ngga'din-na. Boeo ala haitua nana'a-nininuk, ma mina zetun leo kota-kota manai Tirus ma Sidon neu, fo ala tuka neu ai kaiou Libanon neme kota-kota sila-la mai. Leni ai sila-la leo Yafo, tunga tasi lai. Nanahu Kores, fo mane Persia nde fe laun-na loak, soaneu tao basa sila-la.

EZRA 4:3

Tehu Zerubabel, Yesua, ma basa mane leo sila-la lataa lae, “Ami ta paluu emi tutulu-fafalim, fo besak-ka, ami mafofo'a fe ami Manetualain uma fa. Nemen-na fo ami mesam-ma mafofo'an, fo nandaa no Kores, fo mane Persia paletan neu ami-a.”

EZRA 5:15

Manek-ka nadenun, fo ana ho'i-na bua lo'as sila-la fo fe falik-kasa leo Manetualain Uman-na, nai Yerusalem, boema nafofo'a falik Uma ndia.

EZRA 6:10

Tao basa sila-la, fo ela ala hapu fe tutunu-hohotuk nandaa no Manetualain, fo manakoasa nai nusa so'dak-ka dalen-na, ma fo ela ala loke baba'e-papalak ba'eneu au, ma ba'eneu basa au ana toung-ngala.

EZRA 6:3

“Nai Mane Kores-sa, ana paleta teu makasososan-na boema, ana kalua paleta, fo ela Manetualain Uman manai Yerusalem-ma, nafofo'a falik-kana, fo da'di leo mamanak fo hataholi-la leni tunu-hotuk ma tunu tutunu-hohotuk. Uma ndia dedeman-na, muse metel duahulu hitu, ma loloan-na metel duahulu hitu boe.

EZRA 7:12

“Nanafek neme Mane Artahsasta neu Ezra, fo malelaina nai Manetualain, fo manakoasa nai nusa so'dak-ka, hoholo-lalanen.

NEHEMIA 1:4

Au amanene halak ndia boema, au angatuuk de au kii. Tunga faik, au daleng-nga he'dis-sa. Au okaaong akandoo, boema hule-haladoi neu Manetualain ae,

NEHEMIA 1:5

“Ou Manetualain Manetualain fo manakoasa nai nusa so'dak-ka. O, Manetualain fo Matuaina, de ami mai leo O matam no bibii-namata'uk. O lilineka mahele, ma O ho'u mahele O hehelu-balataam neu hataholi fo manasue-lai neu O, ma manatunga O paletam-ma.

MAZMUR 136:26

Moke makasi neu Manetualain, fo manakoasa lalai-a; susue-lalain manaketu-basa tak, losa dodoon-na.

MAZMUR 85:2

O matetu-mandaa neu O daem-ma, ou Manetualain, O tao mabebeu Israel so'dan-na so.

AMSAL 21:1

Sama leo Manetualain ito-ato lee oen-na, fo ela ana faa tunga dale hihiin-na, leondiak boe, Ana hela-nole manek-ka dudu'a-aafin

YESAYA 41:2

See kande, nadenuk manakoasa neme dulu mai, de ana fen sengi, nakandondoo henin? See kande, fen sengi leoinak-kala, ma mane-manek-kala, lakatele neun? Tafainan-na, taon-nalas ala lapu sama leo afu-a, kokou isin-na, tao tapasasalas sama leo anin-na fuu neni ha'deaik-ka.

YESAYA 44:26

Au nde atetea-ahehele Au atang-nga, dede'a-kokolan, ma Au tao-no'i dale tutu'uk fo, Au atang-nga nafa'dan. Au afa'da, ae neukose Yerusalem-ma, nanaleok seluk, ma kota-kota manai Yehuda-la, neukose Au afofo'a falik-kasa; ai-batu manatapasasalan-nala, neukose nanatao matalololek.

YESAYA 44:28

Au nde afa'da neu Kores ae, ‘Neukose o nde paleta soaneu Au, ma tao-no'i basa Au hihii-nanaung lala'en-na. Fe paleta leona, fo ela nafofo'a seluk Yerusalem, ma tao Manetualain Uman-na neten-na.’ ”

YESAYA 45:1

Manetualain hele basa Kores da'di manek so; Kores nananatu'duk, soaneu ana sengi leoinak-kala ma soaneu, helu la'di manek-kala koasan-na. Neukose Manetualain soiheni kota lelesuinan-nala ba'eneun, ta ela esa boen, fo nanakenak fa. Manetualain nafa'dan nae,

YESAYA 66:1

Manetualain nafa'da nae, “Lalai-a nde been-na, Au kandela maneng-nga, ma daebafak-ka, Au ei tata'bung-nga. Da'di, uma matak leo beek-ka nde, o sanga mafofo'an soaneu Au, ma mamana matak leo beek-ka nde, o sanga taon da'di Au mamana leleong-nga?

YEREMIA 10:11

Hei anang-ngala lemin, emi muse mafa'da neus mae, lamatua daebafak-kala fo ta lakadada'dik lalai-a ma daebafak ndia fa, neukose nanatao namopo-namatek. Neukose sila mopok-kasa neme daebafak ia mai.)

YEREMIA 27:5

“Au akadada'dik daebafak-ka, ma hataholi daebafak-ka no basa bana-manu lala'en-na nenik Au koasang-nga fo matuaina, ma nenik Au be'i balakaing, fo Au apu fen neu see ndia boe fo Au ahiik-kana.

YEREMIA 29:10

Manetualain nafa'da nae, ‘Metema teuk hituhulu lamadai ba'eneu Babel soona, neukose Au tao afik neu emi seluk, ma Au tao atetu Au hala-hehelung-nga soaneu O falik emi lo mamanak ia mai.

DANIAL 1:21

Danial nakalala'ok bela-ba'un nahele nai uma manek-ka, losa Mane Koresh neme Persia mai, ana paleta Babel.

DANIAL 2:21

Ndia nde naketu le'do-fai, Ana nakona ma so'u manakoasa. Ndia boeo nde manafe manatee-tenok, boema manaba'e-bati dodole da'uk.

DANIAL 2:28

Tehu nai nusa so'dak-ka, hapu Manetualain, fo Ana soi heni basa bibila-babaak lala'en-na so, de nafa'da basa Ama Manek, hata fo ana da'di nai fai makabuin. Besak ia, fe atam-a loak soaneu nafa'da mangalele'do me'is ma ninitak fo Ama Manek hapun nai lelek Ama Manek sungu ndia.

DANIAL 4:25

Neukose Ama Manek nanausi henik neme hataholi daebafak-ka dalek mai fo maso'da nai bana-manu manai mook-kala tala'da. Nai teuk hitu dalen-na, Ama Manek na'a na'u sama-na leo sapi ma sungu nai moo maloa dale, nalosa Ama Manek nakadoe dinis. Basa ndia soona, neukose Ama Manek manaku nae Manetualain Fo Mademaina, koasa basa hataholi daebafak-ka nusan-nala, ma nusak ndia Ana fen neu see fo Ana helen.

DANIAL 4:32

Neukose o nanausi henik neme hataholi daebafak-ka dalek mai, fo o maso'da moo bana-manu nai mook-ka. Nai teuk hitu dalen-na, neukose o mu'a na'u sama leo sapi-a. Basa ndia soona, neukose o makaheik mae, Manetualain Fo Mademaina nanuu koasa neu hataholi daebafak-ka nusan-na ma nusak ndia Ana fen leo su'di see fo Ana helen.”

DANIAL 5:23

Ama Manek namatutua-namadedema aoinan-na soaneu Manetualain nai nusa so'dak-ka, ma Ama Manek napalani nadenu hataholi neni mango fo Ama Manek aman loso nenis neme Manetualain Uman dale mai, leo feta dale mai. Boema Ama Manek noo basa hataholi matua-madema-la saoinan-nala, ma sao ka dua ka telun-nala minu pake mango sila-la. Ama Manek koa-kio lamatua daebafak fo nanataok neme lilopilas, lilofulak, liti, besi, ai ma batu, lamatua daebafak fo ta hapu lita do lamanene do lalelak hata-hata ndia fa. Ama Manek ta fe ha'da-holomata neu Manetualain fo manamaketu-mala'di Ama Manek maso'dan-na ma mamaten-na.

DANIAL 6:25

Basa boema, manek-ka paleta hataholi, fo leu ho'u hataholi manakalaak Danial-la. Ala mai boema, ala ho'u-lalas de ala tapas loo anan-nala ma saoinan-nala, leo singa lean dale leu. Ala beita losa leak ndia buin-na boen te, singa sila-la kaa lalas, de ala hehengu-la duin-nala beelutu.

YUNUS 1:9

Yunus nataa nae, “Au hataholi Ibrani. Au sene-do'ok neu Manetualain. Manetualain manai nusa so'dak fo manamakadada'dik tasi ma dae ma'dak-ka.”