EZRA 1:11 - Susula Malalaok Hehelu Palak Ma Hehelu Beuk

¹¹ Mango lilopilas ma lilofulak, boema bua-lo'a fe'ek-kala, basa-basas dede'un-na lifun lima natun haa. Sesbazar neni la'iesak bua-lo'as sila-la, ndek lelek fo, ndia ma hataholi nanafoo fe'ek-kala, fali ma'is leme Babel leo Yerusalem mai.

EZRA 1:11 ပူးပေါင်းရင်းမြစ်များ

2RAJA-RAJA 25:15

Nebuzaradan mesak-kana, ho'i nini bua-lo'a lilopilas, ma lilofulak-kala, boema mango anak-kala, ma pingak soaneu tao ha'i kaak neu dalek-ka.

EZRA 2:1

Hataholi nanafook-kala ba'uk-ka la'oela nusa Babel-la, de ala fali ma'is leo Yerusalem ma Yehuda mai, de esa-esak fali ne'un leo ndia kotan-na neu. Ala leo nai mamana tu'u-tapak nai Babel, ndek lelek Mane Nebukadnezar-ra, foo nenis leo naa leu.

EZRA 4:1

Ala benga lae hataholi manafali ma'is leme mamana tu'u-tapak mai ndia, lafofo'a Israel Manetualain-na Uman-na, boema hataholi Yehuda-la, ma hataholi Benyamin-nala musu non nala lamanene.

EZRA 6:19

Nai hataholi Yahudi-la bula ka esa, fain sanahulu haa, fo nai teu manamaik-ka, boema basa hataholi manafali leme mamana tu'u-tapak mai, ala tao feta Paskah.

MAZMUR 126:1

Nakamee dodonge-dadamak. Lelek Manetualain tao nabebeu Yerusalem boema, ita sama leo talame'i!

MAZMUR 85:1

Soaneu mauli-malanga nakameek-ka. Teidalek Korah Kokoa-kikion-na.

ROMA 9:23

Manetualain boeo dodoo soaneu natu'du ita ua-nale manasasi kao-kao ka Ana po'an neu ita fo Ana sue-lai ka. Ana sadia basa ita soaneu sipo ua-nalek ndia so.