ESTER 9:31 - Susula Malalaok Hehelu Palak Ma Hehelu Beuk

³¹ Nai susulak ndia dalek boeo nafa'da, fo ela sila loo sila bobongin-nala, la'e fain-na soona, tao fai nasanene'dak neu fai Purim-ma, sama leo sila tao fai nasanene'dak nai lelek okaaok-ka, ma nai lelek ala susa. Mordekhai ma Ina Manek Ester-ra, susulan-na isin-na nde ndia.

ESTER 9:31 ပူးပေါင်းရင်းမြစ်များ

2TAWARIKH 35:25

Nabi Yeremia taon-na nakamee kii-makaleleuk esa soaneu Manek Yosia. Losa besak ia, nakameek ndia nanapakek nai Israel fo basa manamakameek-kala, nau inak do touk boe, ala paken nai fai nasanene'dak soaneu Yosia fai mamaten-na. Ala sulak nakameek ndia leo susula nakamee kii makaleleuk-ka dalek neu.

ESTER 4:16

“Maloo makabubua basa hataholi Yahudi manai Susan-nala, fo hule-haladoi fe au. Boso mi'a-minu lele'dok 3, ma le'odaek 3. Au boe, ma anafe'oana malalau-maoono au-a, neukose ami okaaom-mala boe. Basa ndia soona, neukose au u leo manek-ka u, leomae dede'ak ndia, la'o lenak esa, soaneu susula nakeketuk-ka. Metema au muse mate, hu kande dede'ak ndia boe, soona nemen-na fo au mate!”

ESTER 4:3

Nai basa propensi lala'en-na boeo, hataholi Yahudi-la kii makaleleu, nai lelek ala po'a-benga manek-ka paletan-na. Ala okaaon-nala, ala kii ma lahoo, ma sila ba'uk-ka pake lafa lapik, de langape'uk lai afu lain.