ESTER 9:19 - Susula Malalaok Hehelu Palak Ma Hehelu Beuk

¹⁹ Hu ndia de, hataholi Yahudi fo manaleo nai kota anak-kala, ala tao bula Adar-ra fain 14, da'di fai nasanene'dak, da'di leo fai namahokok, faik soaneu feta-dote, boema esa fe esa bua palsen, nalupa nana'a-nininuk.

ESTER 9:19 ပူးပေါင်းရင်းမြစ်များ

ESTER 8:17

Boeo, nai basa kota ma propensi-la, su'di nai bee boe, fo ala lees manek-ka susula paletan-na soona, hataholi Yahudi-la lamahoko, dalen-nala loa-loak mesan, ma ala tao feta-dote. Nakalenak bai, laun ba'uk-ka masok leo leoina Yahudi dale leu, nanahu ala bii-lamata'u neu leoina ndia.

ESTER 9:20

Basa ndia boema, Mordekhai sulak-na basa manda'dik sila-la, ma ana haitua susulak leo basa hataholi Yahudi manai nusa Persia lala'en-na, nau manai dook-kala, do manadek-kala boe.

ESTER 9:22

Nana nai faik sila-la nde ala sengi sila musun-nala, nalosa sila dale he'din ma dale susan-na, nasafali da'di namahokok ma maua-manalek. Hu ndia de, ala muse tao feta soaneu faik sila-la, fo la'a-linu sama-sama, boema esa fe esa nana'ak, ma ala fe hataholi nuu taa-hata taak-kala bua palsen.

ZAKHARIA 2:4

Ata nusa so'da makasososak-ka, nafa'da ata nusa so'dak-ka dua nae, “Muu lai-lai leo touanak ndia muu, fo mafa'dan mae, neukose Yerusalem henuk no hataholi daebafak ma bana manu, nalosa ta bisa nafofo'a papala nanadamak nai boboa-kaisun fa.

LUKAS 11:41

Fo manai emi pinga-mangom dale ndia nde muse emi fen neu hataholi nuu ta-hata ta kala. No enok ndia, basa-basan neukose da'di balisi soaneu emi.

ULANGAN 15:7

Mahani te, metema emi leo nai emi Manetualaim-ma fe nusak-ka, boema emi leoinam esa, nai emi kotam esa dalek, ana to'a-taa soona, emi boso mete ka'da emi aoinam-ma mesak-kana, fo emi ta nau tulu-fali fan.

ULANGAN 16:11

Nai emi Manetualain-ma matan, fo nai Ana hele mamanak-ka, emi mamahoko-setelee, sama-sama moo emi anam-mala, emi atam-mala, ma hataholi Lewi-la, hataholi nusa dea-la, faluina-anamaak fo, manaleo manai emi kotam-ma.

ULANGAN 16:14

Mamahoko-setelee, sama-sama moo emi anam-mala, emi atam-mala, hataholi Lewi-la, ma faluina-anamaak fo, manaleo manai emi kotam-mala.

ULANGAN 3:5

Ala pa'a okofefeok kota sila-la nenik papala nanadamak mademaina-la, ma lanuu lelesuina, boema ai betubalak fo ala kena lenik lelesuina sila-la. Fe'ek neme ndia mai, hapu kota nggelok, ta lanuu papala nanadamak fa.

NINITAK 11:10

Laun manai daebafa ka, neukose lamahoko sakasii kaduak sila la mamate na. Neukose ala tao feta, ma esa haitua fe esa palsen, nana nabi kaduak sila la lini doidoso ba'u fe hataholi daebafa ka so.

SEMUEL SUSULAK-KA ESAN-NA 25:8

So'ba matane mitak-kasa, te tao leo bee-o, neukose ala ta lalelesi dede'ak ndia fa. Hu ndia de, au amahena, fo ela o sipok au solda'dung-ngala no malole nai o umam, nanahu ami mai la'e, fai matua ia. Boeo, fe o atam ia-la, ma au, Dauk fo o tia-lai malolem-ma, su'di beek fo, o mahiik fen tunga o dale hihiim-ma.”