ESTER 9:13 - Susula Malalaok Hehelu Palak Ma Hehelu Beuk

¹³ Boema, Ester nataa nae, “Metema Ama Manek nau soona, ela leo been-na, hataholi Yahudi manaleo nai Susan ia, po'i fes balahaa fafaik soona, ala bole tao seluk hata fo ala taon nai faik ia. Nakalenak, ela leo been-na, lona Haman ana ka 10-nala popolan-na neu dii lolonak lain.”

ESTER 9:13 ပူးပေါင်းရင်းမြစ်များ

2 SEMUEL 21:6

Hu ndia de, fe touk hitu neme tititi-nonosin mai, fo ela ami lonas nai Manetualain matan nai Gibea, fo Mane Saul-la kotan-na.” Manek-ka nataa nae, “Hei, neukose au fes leo emi neu.”

2 SEMUEL 21:9

Boema, ala fes leo hataholi Gibeon-nala leu, de ala lona lisa hataholi ka hituk sila-la neme pupukuk esa lain, nai Manetualain matan. Hukulisa hataholi sila-la nai fai timu nate'e, fo nai lelek ala mulai ke'di betek.

ESTER 8:11

Susulak sila-la, liin-na nae manek-ka, po'i hataholi Yahudi manai kota lala'en-na, fo ala teik esa-dalek esa, ma lasala'e aoinan-nala. Metema, hataholi manaho'u tafa-sisilo-la, ala mai leme leoina ma su'di propensi bee mai boe, fo ala sapu-lalas soona, ala bole la'ban-nasa, ma ala bole taolisa hataholi manasapu-nalas sila, loo saoinan-nala, ma anan-nala; ala bole do'do lisa la'iesak sila musun sila-la, boema, ala bole loso-la hata-heton-nala.

ESTER 9:14

Boema, manek-ka fe paleta, fo lakalala'ok Ester nonoken-na; susulak paleta soaneu kota Susan-na, de ala lona Haman ana ka 10-nala, popolan-na.

ESTER 9:15

Da'di nai hataholi Yahudi-la bula Adar-ra, fain 14 boema, hataholi Yahudi manai Susan-nala lakabubua seluk, de ala taolisa hataholi natun telu seluk nai kota ndia. Ma oek ia boeo, ala ta bonga uma fa.

GALATIA 3:13

Tehu Kristus soi-po'i ita teme agama hoholo-lalanen soo-supan mai so. Ana tao dede'ak ndia tunga, Ana po'i lotak ao ina nanasoo-supak, hu ka nde ita. Nana nai Susula Malalaok dale, nanasulak nae, “Sosoo-susupak ba'eneu hataholi fo maten nanalonak nai dii ai lai na.”

ULANGAN 21:23

soona ta bole po'ilotak popolak ndia, lona-lona nahele neme dii ndia lain, le'odae katemak esa, te muse natoi-natonon nai faik ndia dalen-na boe. Popolak fo nanalonak nai dii ndia lain-na, neni Manetualain soo-supan fe nusak ndia. Da'di matoi-matono popolak ndia, fo ela emi boso tao manggenggeo, emi MANETUALAIM-ma fe emi nusak-ka.