ESTER 8:15 - Susula Malalaok Hehelu Palak Ma Hehelu Beuk

¹⁵ Basa ndia boema, Mordekhai kalua la'oela uma manek-ka, no ana pake papake matua-madema momo'dok, ma fulak, ba'du manalu pilabalanggeok-ka neme tema abalutu-a mai, ma bulamolik lilopilas-sa, mana'ahiik nanseli. Kota Susan-na eeki-latadale, nanahu lamahoko lanseli.

ESTER 8:15 ပူးပေါင်းရင်းမြစ်များ

ESTER 1:6

Uma manek-ka so'dan-na, nanabalias nenik tema lelesu abalutu momo'dok ma fulak, ma nanapa'ak nenik tali abalutu, ma nanasoloka'dok neu sue lilofulak fo nanapasak manai dii batuk-kala. Ala tao pepe'u lilopilas ma lilofulak-kala nai dae, fo nai lante nanabalias nenik batu pualam fulak, hablur pilas, poemata lou mangadilak, ma batu pirus momo'dok.

ESTER 10:2

Basa tatao-nono'in fo matuaina ma anseli, ma boeo tutuik manadaik la'eneu tao leo beek de, ana so'u Mordekhai da'di manapaleta madema, nanasulak nai mane Persia ma Media susula tutuin-na dalek.

ESTER 3:15

Ladenu basa hataholi-la, no lai-laik ala la'o, fo leni susulak sila-la, leo basa propensi manai nusak-ka lala'en-na. No manek-ka hala nadenun-na, de ala po'a-benga paleta ndia nai Susan, fo Persia nusan-na, polon-na boe. Basa ndia boema, manek-ka no Haman benau ma linu angol, tehu kota Susan-na lakadii-lakau, nanahu halak ndia.

ESTER 5:1

Neu fai okaao ka telun-na boema, Ester pake papake ina manen-na, de neu leo uma manek-ka so'dan manai dalek-ka, de napadeik neu lelesu manek-ka matan-na. Manek-ka nangatuuk nai kandela manek lain, de nasale leo lelesu ndia neu.

ESTER 5:11

Boema, Haman tui fes tutui me'i-afek, ma ana koao nenik su'i-beten, ana toun makadotok, ana hapu nangatutuu madema neme manek-ka mai, ma ndia nangatutuun-na, dema lena hataholi mana'a ngga'di fe'ek-kala.

ESTER 6:11

Boema, Haman ho'i-na bua-lo'as ma ndala ndia, de ana pake bua-lo'as ndia neu Mordekhai. Lelek Mordekhai sa'e-nala ndala ndia lain boema Haman la'o-la'o noon tunga kota moo maloan-na, ma naloo bou-bou nae, “Mitak, manek-ka fe ha'da-holomata neu hataholi fo ana fe ha'da-holomata neun-na, leoiak!”

ESTER 8:14

Boema, ladenu hataholi sila-la, ala sa'e-la manek-ka ndalan-nala, de ala la'o leona. Ala lees susula paleta ndia, nai Susan fo nusak-ka polon-na boe.

AMSAL 11:10

Metema hataholi manatao tunga ndoo-na, hapu baba'e-papalak soona, kota namahoko-setele; metema mate hataholi mangalauk-ka soona, laun-na eeki-natadale.

AMSAL 28:12

Metema, hataholi malole-a koasa soona, basa hataholi-la lamahoko, te metema, hataholi mangalauk-ka, paleta soona, laun-na leu ke'ke.

AMSAL 29:2

Metema, hataholi ndoos ma matetuk-ka, ana paleta soona, laun-na namahoko-setelee. Tehu metema, hataholi mangalauk-ka, ana koasa soona, laun-na doi-doso.

MATEOS 11:8

Emi meu fo mete beek? Emi meu mete hataholi mana pake-nggao malole do? Hataholi mana pake-nggao leondia ka, ala leo lai mane kala uman!

MATEOS 6:29

tehu Mane Salomo fo tou kamasu'i ina ndia, bua lo'a papake na, lole na ta dai bunga sila la lole-napun fa!

LUKAS 16:19

“Hapu hataholi kamasu'ik esa. Bua-lo'a papakena kabelik mesa-mesan, ma nana'a-nininun malole-mala'da tunga faik.