ESTER 8:14 - Susula Malalaok Hehelu Palak Ma Hehelu Beuk

¹⁴ Boema, ladenu hataholi sila-la, ala sa'e-la manek-ka ndalan-nala, de ala la'o leona. Ala lees susula paleta ndia, nai Susan fo nusak-ka polon-na boe.

ESTER 8:14 ပူးပေါင်းရင်းမြစ်များ

1RAJA-RAJA 4:28

Bupati sila esa-esak boeo fe gandum ma ha'deaik soaneu Salomo ndalan-na la, nau ndala sasa'ek do ndala manahela kaleta la boe. Leni bana sila nana'a na leo ndala-la lalae na neu fo dede'un-na, ba'u ala paluu ka.

2TAWARIKH 30:6

No manek-ka ma hataholi mana'a ngga'din-nala paletan-na, de ladenu hataholi nadedenuk neu leo basa Yehuda ma Israel lala'en-na fo leni susulak sila-la fo isi-liin nae leo ia, “Laun Israel-la lemin! Emi mala hataholi Asyur-ra koasan-na deak so. Ela leo bee na emi mamahele falik neu Amak, Manetualain fo Abraham, Isak ma Yakob sene-do'ok-ka, fo ela Ndia boeo tulu-fali seluk emi.

NEHEMIA 1:1

Nehemia fo Hakhalya anan-na hala nafa'dan-na nde ia la'eneu ue-le'din-nala. Nai hataholi Yahudi-la bula Kislew, fo Artahsasta paleta da'dileo manek nai Persia neu teu ka duahulun-na, au, Nehemia nai Susan, fo nusak-ka polon-na.

ESTER 2:3

Ela leo been-na, Ama Manek so'u hataholi mana'a ngga'di nai basa propensi manai nusak ia, fo ala sanga anafe'oana mata makeek-kala, fo loo basa-basas leo uma mane inak-ka, nai Susan ia. Hegai da'di manamanea nai uma manek inak-ka, de neukose ana painote lole-napun-nala.

ESTER 3:14

Muse po'a-benga paleta ndia nai propensi-la esa-esak, fo ela basa hataholi-la lahehele aon, nai faik fo nananaketu basak ndia so.

ESTER 3:15

Ladenu basa hataholi-la, no lai-laik ala la'o, fo leni susulak sila-la, leo basa propensi manai nusak-ka lala'en-na. No manek-ka hala nadenun-na, de ala po'a-benga paleta ndia nai Susan, fo Persia nusan-na, polon-na boe. Basa ndia boema, manek-ka no Haman benau ma linu angol, tehu kota Susan-na lakadii-lakau, nanahu halak ndia.

ESTER 8:13

Muse kalua susula paleta ndia, da'di leo susula nakeketuk, ma po'a-bengan neu basa hataholi manai basa propensi-la, fo daenga hataholi Yahudi-la lanea matalole, fo metema faik ndia losa soona, ala la'ban sila musun-na.

ESTER 8:15

Basa ndia boema, Mordekhai kalua la'oela uma manek-ka, no ana pake papake matua-madema momo'dok, ma fulak, ba'du manalu pilabalanggeok-ka neme tema abalutu-a mai, ma bulamolik lilopilas-sa, mana'ahiik nanseli. Kota Susan-na eeki-latadale, nanahu lamahoko lanseli.

PENGKHOTBAH 9:10

Tao-no'i o bela-ba'un lala'en-na nenik o be'i-balakaim lala'en-na. Nana mahani te, ta hapu seluk dudu'a-aafik do ue-le'dis so'on. Ta hapu malelak do manatee-tenok nai hataholi manamatek-kala daebafan-na fa. Ma neukose o muu leo naa muu.

DANIAL 8:2

Nai ninitak ndia dalek, au ita au nai propensi Elam, nai Sudan fo nusa Persia polon-na. Au apadeik deka Lee Ulai

SEMUEL SUSULAK-KA ESAN-NA 21:8

Basa boema, Dauk natane Ahimelekh nae, “Ade, Ama pe'da tee do tafainan-nai ia fo au bisa paken boe do? Ama Manek paletan-na no kaiboik, nalosa au la'o no dedelek nanseli, de au ta hapu loak fo ho'i tafaina do tafa-sisilo fe'ek fa.”