ESTER 6:12 - Susula Malalaok Hehelu Palak Ma Hehelu Beuk

¹² Basa ndia boema, Mordekhai fali ne'un leo uma manek-ka lelesu inan-na neu. Tehu Haman fali lai-lai. Ana ta nau hataholi nita fan, nanahu ana mae nanseli, boema ana poti ketu mata-panan.

ESTER 6:12 ပူးပေါင်းရင်းမြစ်များ

2 SEMUEL 15:30

Basa ndia boema, Dauk o'du heni ta'buein-na, de sama-sama no basa hataholi manatungan-nana, ala nda'e leo Pupuku Setun-na lain leu, boema ala kii ma ala poti ketu langan-nala, fo da'di neu ta'du-tana manasusak.

2 SEMUEL 17:23

Lelek Ahitofel bubuluk nae ala ta tunga ndia nanoli-nafa'dan fa boema, ana bela ne'a sa'e ndalan-na neu keledein lain, de ana fali ne'un leo ndia kotan-na neu. Ana pe'da-fua matalolole hata-heton lala'en-na boema, ana lonaaon de maten, de latoin nai teidalen-nala loo-laten.

1RAJA-RAJA 20:43

Manek-ka fali leo Samaria neu, no dalen-na ta tesapopo-tama fa ma namanasa.

1RAJA-RAJA 21:4

Ahab fali ne'un no dalen-na ta tesapopo-tama ma nasak nanahu namanene hata fo Nabot nafa'da neun, boema nangape'uk neu pepe'un lain ma ta nau na'a fa.

1RAJA-RAJA 21:6

Ahab nataa nae, “Au daleng-nga ta loak no Nabot fa. Au oken fo ela nase'o ndia osi angol la neu au, do metema anan nau soona, au tukan nenik osi angol fe'ek, tehu ana ta nau fa!”

2TAWARIKH 26:20

Azarya ma imam-imam fe'ek-kala meten no nggenggengek nanseli, boema lakasetin fo ela ana la'oela Manetualain Uman-na. Ana kalua no lai-laik nanahu Manetualain huku basan so.

ESTER 2:19

Ndia te, manek-ka so'u basa Mordekhai, da'di hataholi mana'a ngga'di so.

ESTER 6:11

Boema, Haman ho'i-na bua-lo'as ma ndala ndia, de ana pake bua-lo'as ndia neu Mordekhai. Lelek Mordekhai sa'e-nala ndala ndia lain boema Haman la'o-la'o noon tunga kota moo maloan-na, ma naloo bou-bou nae, “Mitak, manek-ka fe ha'da-holomata neu hataholi fo ana fe ha'da-holomata neun-na, leoiak!”

ESTER 7:8

No ketu namahehenak, Haman bala aoinan-na neu Ester pepe'un lain, soaneu noke do'o do ampon, tehu nandaa no li'u ndia boe, manek-ka fali ma'in neme uma manek-ka osin dale mai. Manek-ka nita Haman tao leondiak boema, nafa'da nae, “Beek ia? Ana bei napalani hohonge ina manek-ka nai ia, fo nai au matang, ma nai au uma maneng-nga?” Manek-ka kokolak basa nae leondia tutika, manaho'u paleta-la mai, de ala popoti ketu Haman mata-panan.

AYUB 20:5

hataholi mangalauk-ka, namahoko-seteleen ta doo bee ana esa boen, ma hataholi malelesik-ka, namahokon-na, ka'da hatematak esa mesak-kana do ta?

AYUB 9:24

Manetualain fe daebafak-ka neu hataholi malelesik-ka, ma Ana taon-na basa manakee-manafula, poke matan-nala so. Manetualain tao basa ia-la, nana metema ta Ndia fa soona, see bai?

SEMUEL SUSULAK-KA ESAN-NA 3:15

Basa ndia boema, Semuel sungu seluk, de fafaik boema ana fo'a, de ana soi heni Manetualain Uman-na lelesun-nala. Ana bii nafa'da ninitak ndia neu Eli,