ESTER 4:14 - Susula Malalaok Hehelu Palak Ma Hehelu Beuk

¹⁴ Tao leo bee-o, neukose hataholi Yahudi-la tulu-falis nenik enok matak leo beek-ka boe, fo nalosa laso'da. Tehu metema, o ka'da denge-denge mahele nai manada'dik leo ia-ka dalek soona, neukose mate o boe, fo neukose, mopo o amam teidalen-na tutuin-na. See bubuluk, fafa'kama hu kande no enok ia, de o nanahele basak da'di ina manek so!”

ESTER 4:14 ပူးပေါင်းရင်းမြစ်များ

KEJADIAN 22:14

Abraham foi mamanak ndia na'de, “Manetualain sadia hata nanapaluu-ka.” De losa besak ia boeo, hataholi-la lafa'da lae, “Manetualain sadia hata nanapaluu-ka,” nai leten lain.

2RAJA-RAJA 13:5

Manetualain fe hataholi Israel-la, mauli-malangan esa, fo ana so'i-pois leme Siria koasan-na mai, nalosa laso'da no mole-dame seluk, sama leo makasososan-na.

2RAJA-RAJA 19:3

Hizkia hala hehelun, fo ala landuku-lalosak-kana neu Yesaya, nde ia, “Faik ia fai luu-mata pinu-iduk; ita nanahukuk, ma nananakamumulu-nakamamaek. Ita sama leo, inak fo hii-hii nae bongi, tehu be'i-balakain ta so.

EZRA 9:9

Nai lelek, ami bei nai mamana ata, O ta la'oela ami fa. O taom-ma mane Persia-la sue-lai ami, ma ala fe ami loak maso'da, fo ami mafofo'a falik O Umam fo, ela ka'da ai-batu mana tapasasalak ndia so. O masulu-mahapa ami nai ia, boema nai Yehuda ma nai Yerusalem.

NEHEMIA 6:11

Tehu au ataa ae, “Au ia, ta hataholi fo ana nau nalai fa. Au hataholi biasa, de au ta bole masok leo Manetualain Uman dale u fa, te neukose mate au. Ta, au ta nau fa!”

ESTER 2:15

Boema Ester baba'en-na losa, fo neu nataa manek-ka. – Ester nde been-na, Abihail fo Mordekhai tolanoo daen-na, anan ndia. Mordekhai, fo nde manatao Ester da'di leo ndia ana bongin-na; Basa hataholi manamete nita Ester-ra, lasamanan beno'u. Lelek fo neu nataa manek-ka, Ester pake-nggao tunga Hegai, fo malangan nai uma manek inak-ka natutu'dun, ma nanoli-nafa'dan-na.

ESTER 2:17

Ester nandaa no manek-ka dalen-na, ma ana tao namahoko manek-ka lena neme anafe'o ana fe'ek-kala mai. Hu ndia de, manek-ka nahiik-kana nanseli. Boema manek-ka tao bulamoli nusak-ka neu Ester langan-na, de ana taon da'di ina manek, nggati Ina manek Wasti a.

ESTER 2:7

Tolanoo daen esa mata makeek, na'de Ester, ma na'de Ibrani-na, na'de Hadasa. Mate Ester ina-aman so, de Mordekhai ho'i-nan, de ana taon da'di ana palan, tehu nakaboboin sama leo ana bongin-na.

ESTER 4:13

Boema, Mordekhai haitua fe Ester hala heheluk-ka nde ia, “Boso maedaenga, neukose o pe'daaom, lena neme hataholi Yahudi fe'ek-kala mai, ka'da hu kande o leo nai uma manek-ka!

ESTER 4:15

Boema, Ester haitua fe Mordekhai halak-ka nde ia nae,

AYUB 9:18

Ana ta po'ilotak au, hela au hahaeng-nga, hatematak esa boen; nakalenak, Ana fe au akabete nenik makahe'duk-ka.

PENGKHOTBAH 3:7

faik soaneu siiba'en ma faik soaneu seu-soo, faik soaneu denge-denge, ma faik soaneu kokolak.

YESAYA 49:23

Neukose mane-manek-kala, ala da'di sama leo o amam, ma ina manek-kala, da'di leo o inam. Neukose, ala senek, fo fe ha'da-holomata neu o, ma lakaloe-lakadae aon-nala neu o. Soona neukose, o bubuluk, mae Au Manetualain; hataholi fo, namahena neu Au-a, dalen-na ta ba'ihana fa.”

YESAYA 54:17

Tehu basa tafa-sisilo fo, nanatutuk soaneu la'ban Au-a, neukose buna-boan ta. Ma basa kalaak manai uma manakee-manafula dalek-ka, neukose o fe sala butin-na. Neukose, Au fe sesengik neu Au atang-ngala, da'di leo bua palsen.” Manetualain nafa'da nae leondia.

YEREMIA 30:11

Neukose Au mai, fo neukose Au soi-po'i emi. Leoina-leoina, fo mamanak Au tao tapasasala emik-ka, basas neukose Au tao amopo-amates, tehu Au ta tao emi tao leondiak fa. Tete'ek-ka neukose emi ta maladeak neme huhukuk-ka mai fa, tehu Au huhukung neu emi-a nde been-na ndos matetuk, ma nanda no nakeketun-na. Au, Manetualain, nde manakokolak-ka.”

YEREMIA 46:28

Da'di boso bii-mamata'u, hai Au anang-ngala lemin: neukose Au mai soaneu soi po'i emi. Mamanak fo Au tao tapasasala emi nai leoina-la, neukose Au tao amate-amopo la'i esak-kasa, tehu Au ta tao emi tao leondiak fa. Memak emi ta maladeak neme huku-doki-ka mai fa, tehu Au huhuku-dodoking neu emi-a ndebeen-na ndos ma matetuk nanda no makeketun-na.” Au Manetualain nde manakokolak-ka.

IMAMAT 26:42

neukose Au afandele Au hehelu-balataang no Yakob, Isak ma Abraham. Neukose, Au tao abebeu Au hehelu-balataang, fo Au fe dae ndia neu Au leoinang-nga.

MATEOS 16:18

Hu ndia de bubuluk leona te, O nde bee na Petrus, fo batu matea-mahelek. Nai batu netes ndia lain, nde neukose Au apadedeik Au mamaso nga, fo ta hapu sengi fan, leomae mamate sa boe!

MATEOS 24:22

Leo uni ka Manetualain ta tao keke'u fai na fa soona, ta hapu hataholi esa boen hapu naso'da fa. Te hu ka nde hataholi kamahehele nala, de Manetualain tao keke'u le'do-fai ndia.

ULANGAN 32:36

Neukose Manetualain, soi-tefa-na anan-nala, ma Ana sue-lai atan-nala, metema nitas, ala male-tale ma be'i-balakain ta so.

HAKIM-HAKIM 15:6

Hataholi Filistin-nala leu palisak matalolole, see kande tataon ndia. Boema, hataholi nafa'das, nae Simson tataon ndia, nanahu aliaman-na nai Timna, ana fe heni saoinan-na leo, Simson tia-lain esa neu so. Hu ndia de, hataholi Filistin-nala hotu heni inak ndia, ma aman umaisin-nala, losa basa la'iesak-kasa.

SEMUEL SUSULAK-KA ESAN-NA 12:22

Manetualain soo-supa basa, nae neukose Ana ta la'oela emi fa, nanahu naketu basa soaneu Ana tao emi da'di Ndia anan so

SEMUEL SUSULAK-KA ESAN-NA 17:29

Dauk nataa nae, “Au sala beek? Ka'da au atane boe!”