ESTER 1:19 - Susula Malalaok Hehelu Palak Ma Hehelu Beuk

¹⁹ Hu ndia de, ami dokodoe neu Ama Manek, fo ela Ama Manek ho'i nakeketuk mae Ina Manek-ka, ta bole mai nataa Ama Manek so'on. Nakeketuk ndia, muse taon da'di Persia ma Media susulan-nakeketun, fo ela ta bisa hela falik-kana so'on. Basa ndia soona, fe Ina manek Wasti-a nangatutuun-na neu ina fe'ek, fo malole lena neme ndia mai.

ESTER 1:19 ပူးပေါင်းရင်းမြစ်များ

1RAJA-RAJA 3:28

Lelek leoina Israel-la lamanene la'eneu Salomo nakeketun nai dede'ak ndia dalek, boema lasamanan ma ala fe ha'da-holomatak neun. Nana, nananitak nae Manetualain fe basan manatee-tenok soaneu tao ndoos ma matetuk.

ESTER 1:18

Da'di, neu faik bee, fo hataholi matua-madema manai Persia ma Media-la saoinan-nala, lamanene dede'ak ndia soona, tao leo bee-o, neukose no lai-laik, esa-esak nafa'da dede'ak ndia neu saotoun-na. Fo neu mate'en-na te, neukose saoinak-ka la'ban saotouk-ka paletan-na, ma neukose saotouk-ka namanasa saoinan-na.

ESTER 1:21

Manek-ka no basa hataholi matua-mademan-nala, sipok Memukan hahapun ndia, boema no lai-laik, manek-ka nakalala'ok-kana.

ESTER 2:1

Basa faik de'ubee boema, leomae manek-ka ta namanasa so'on, tehu ana bei dudu'a-dodoo nahele Ina manek Wasti-a tatao-nono'in, ma naketu basa nakeketuk soaneun-na.

ESTER 3:9

Metema, Ama Manek nau soona, ela leo been-na, Ama Manek kalua susula paleta, fo tao namopo-namates. Ma metema, Ama Manek nau sipok atam-ma hala nonoken ia soona, tao leo bee-o, neukose atam-ma pe'da lilofulak kilo 340.000 leo Ama Manek kas dale neu.”

ESTER 8:5

“Metema Ama Manek nau, ma sue-lai atam-ma soona, ela leo been-na, Ama Manek kalua susula paleta, fo boso pake Haman susulan fo isin-na paleta soaneu tao namopo-namate la'iesak hataholi Yahudi manai nusak ia.

ESTER 8:8

Tehu susulak fo, nanasulak pake manek-ka na'den-na, ma nanacap nenik cap manek-ka, ta bisa hela falik-kana fa. Tehu au po'i emi, bole sulak susulak, la'eneu leoina Yahudi-a, su'di beek fo emi meten malole. Sulak susulak ndia pake au na'deng-nga, ma cap-pana menik nusak-ka cap-pa.”

DANIAL 6:17

Boema mate'en-na manek-ka fe paleta, fo ela leu ho'u-la Danial fo tapan leo singa lean dale neu. Manek-ka nafa'da Danial nae, “Ela leo been-na o Manetualaim fo o sene-do'ok-kana no lilinekak ndia, Ana soi-tefa-na o.”

SEMUEL SUSULAK-KA ESAN-NA 15:28

Boema Semuel nafa'dan nae, “Nai faik ia, Manetualain sii ba'e nusak Israel-la neme Ama Manek mai, fo Ana fen neu hataholi fe'ek fo malole lena neme Ama Manek mai.