ESTER 1:17 - Susula Malalaok Hehelu Palak Ma Hehelu Beuk

¹⁷ Nana, basa inak-kala, neukose ala bubuluk ina manek-ka tatao-nono'in ndia, de neukose inak-kala esa-esak, ta nafaduli saotoun-na so'on. Neukose lafa'da lae Ama Manek paleta Ina manek Wasti-a, fo ana mai nataa, tehu ba'i ina manek, ta nau mai fa.

ESTER 1:17 ပူးပေါင်းရင်းမြစ်များ

2 SEMUEL 6:16

Lelek fo leni Peti Hehelu-balataak ndia, masok leo kota dale neu, Mikhal, fo Saul anafe'on-na, ana titino neme jendela mai, boema nita Mane Dauk-ka nakaboboku, ma ana foti-longe, fo ana fe ha'da-holomata neu Manetualain, boema ana mete Dauk soona, ana ta hii mete fan.

EZRA 4:6

Nai mane Ahasyweros-sa paleta makasososan-na, laun Yerusalem, ma laun Yehuda musun-nala, sulak susula kalaak.

ESTER 1:16

Boema, Memukan nafa'da manek-ka, ma basa hataholi matua-madema-la nae, “No tatao-nono'ik ndia, de ina manek Wasti-a, ta nakadadaek ka'da Ama Manek mesak-kana fa, te basa Ama Manek hataholi mana'a ngga'din-nala, lena-lenak basa touk manai nusak ia!

ESTER 1:18

Da'di, neu faik bee, fo hataholi matua-madema manai Persia ma Media-la saoinan-nala, lamanene dede'ak ndia soona, tao leo bee-o, neukose no lai-laik, esa-esak nafa'da dede'ak ndia neu saotoun-na. Fo neu mate'en-na te, neukose saoinak-ka la'ban saotouk-ka paletan-na, ma neukose saotouk-ka namanasa saoinan-na.

EFESUS 5:33

Tehu lalanek nananafa'dak ndia boeo, nanauu tututi-nanatok no emi boe: Ela leo bee na, saotou kala esa-esak sue-lai saoina na, sama leo ana sue-lai ao ina na, ma ela leo bee na, saoina kala esa-esak sanga enok fo fe ha'da-holomata neu saotou na.