EFESUS 6:9 - Susula Malalaok Hehelu Palak Ma Hehelu Beuk

⁹ Tolanok fo mana da'di malanga nala lemin! Ela leo bee na emi heheo-hihilum leondiak, soaneu emi ata mala. Boso tao makatoto'a kasa ninik huhukuk. Nana mafandendelek te, emi moo emi atam sila la, sama-sama manuu malangan ka'da esa, fo nde Lamatuak manai nusa so'da ka. Ana ta metematak fa.

EFESUS 6:9 ပူးပေါင်းရင်းမြစ်များ

NEHEMIA 5:5

Ade ami ta hataholi Yahudi fa do? Ade ami anam-mala ta sama no hataholi Yahudi fe'ek-kala anan-nala fa do? Leomae leondiak boe, no nakasetik ami po'ilotak ami anam-mala da'di ata. Nakalenak ami mase'o heni ami anafe'oanam-mala fo da'di ata. Ami ta mala so'on, nanahu ami ngga'de heni ami tinam-ma, ma ami osi angol-la so.”

AYUB 34:19

Ana ta nok manek-kala, do Ana bibinga-baba'e hataholi kamasu'ik-ka, neme hataholi matasi'da-matasaek-ka mai. Nanahu, sila basa-basas nde been-na, Ndia lima tataan mesa-mesan.

MAZMUR 140:12

Nemen-na fo, susa-soe tuni-na hataholi fo ana hii ka'da nale'a-napilik-ka, boso po'ilotak hataholi manakokolak nanggenggeo hataholi na'den-na, ana leo daebafak ia.

PENGKHOTBAH 5:8

Nakalenak manek-ka boeo naso'da neme keketu-kokoluk buna-boan mai.

YESAYA 47:6

Makahulun-na, Au amanasa Au anang-ngala, Au ta sipok-kasa, da'di Au nuung so'on. Boema Au fes leo o neu de o ta sue-lai fas, nakalenak o tunu-ndeni lasik-kala, no ta pake ha'da hataholik fa.

DANIAL 3:15

Na, besak ia, metema musik-kala lalii soona, emi nau sene-do'ok neu dodoki-dudulak ndia do ta? Metema emi ta nau fa soona, neukose tapa emi leo ha'i manafolokakaak dale meu tu'tik. Fo lamatua daebafak bee kande, neukose napalani soi-tefa-nala emi neme au koasang-nga mai?”

DANIAL 3:6

Ba'eneu see fo ana ta tunga paleta ia fa soona, neukose tapan leo ha'i manafolokakaak dale neu tutik.”

IMAMAT 19:13

Boso lumu-ese emi nonoo hataholim-ma do malaka-ma bua-lo'an. Boso ho'u mahele hataholi fo naue-nale'di fe emi-a, ngga'din-na, leomae ka'da le'odaek esa boe.

MALEAKHI 3:5

Manetualain Fo Manakoasa, nafa'da nae, “Neukose Au mai neu emi, fo aketu-ala'di. Neukose no lai-laik, Au da'di sakasii neu hataholi manasuangik-kala, manahohongek-kala, manasakasii pepekok-kala, hataholi fo ana ta bae natetu hataholi mana'a ngga'di-la, ngga'din-na fa, manatuni-ndeni faluina-anamaak-kala, hataholi nusa dea, ma neu basa hataholi fo ana ta fe ha'da-holomata neu Au fa.”

MATEOS 22:10

Boema malalau-maoono sila la leu leona. Leu leo okofoo la lain leu, de lalo lakabubua basa hataholi fo latongo loos ala, nau hataholi malole do hataholi mangalauk boe. Boema mamanak manai feta ka'bing ndia henuk no hataholi a.

MATEOS 22:8

Basa ndia boema nalo na malalau-maoono nala de nafa'das nae, ‘Feta ka'bi nga nanasadia basak so, tehu hataholi nanaka'i kala ta landaa fa.

MATEOS 24:48

Tehu metema malalau-maoono ndia mangalau ka soona, neukose ana dodoo nai dalen dale nae,

MATEOS 24:51

Soona neukose tua na fepa-li'u nalo'bo malalau-maoono ndia, basa soona ana tapan leo hataholi mana dea-dale kala mamana na neu. Neukose ala kii-makaleleu ma ala doidoso nai naa.”

MATEOS 7:12

Metema emi nau hataholi tao malole neu emi soona, nakahuluk emi tao malole neu hataholi dei.”

LUKAS 6:31

Tao-no'i hata esa neu hataholi fe'e kala sama leo emi mahiik ala taon neu emi a.

YOHANIS 13:13

Emi malo Au mae, Mesen ma Lamatuak. Memak tete'e ka leondiak.

HATAHOLI 10:34

Boema Petrus nae, “Besak ia, au ame'dan te'e-te'e, Manetualain tao basa hataholi lala'ena, matak esa.

ROMA 2:11

Nana Manetualain susue-lalain matak esa soaneu hataholi lala'ena.

1 KORINTUS 7:22

Nana ata esa namahele basa neu Lamatua ka soona, ata ndia hataholi Lamatuak fo ao loak. Ma hataholi ao loak esa, namahele basa neu Lamatua ka soona, ata ndia nde bee na Kristus atan so.

ULANGAN 10:17

Emi Manetualaim-ma, nai basa lamatua daebafak lala'en-na lain, ma koasan-na, lena heni basa koasa lala'en-na. Ndia nde Manetualain fo, matua-madema ma manakoasa, de muse tungan. Ana ta metematak fa, ma Ana ta nau hataholi solo dalen-na nenik hata esa boen.

KOLOSE 3:25

Ma see tao salak soona, ana lu'a-lepa aon salak ndia; nanahu Lamatua ka ta metematak fa.

KOLOSE 4:1

Tolano-tolanook fo mana da'di malanga nala lemin! Ela leo bee na, emi tao emi ata mala no ndoos ma tunga matetu na. Nana mafandendelek te, emi boeo manuu malangan esa nai nusa so'da ka boe.

YAKOBIS 2:13

Nana neukose Manetualain ta natu'du susue-lalain neu hataholi fo, ta nalelak susue-lalai ka fa. Tehu susue-lalai ka, neulau na ba'u lena hoholo-lalane ka.

YAKOBIS 2:8

Emi tao-no'i tatao-nono'im malole, metema emi tao tunga hoholo-lalanek fo nanasulak nai Susula Malalaok dale nae leo ia, “Sue-lai o nonoo hataholi ma, sama na leo o sue-lai ao ina ma.”

YAKOBIS 5:4

Emi ta bae hataholi mana so'ubelak manai emi tina-osi mala, ngga'di nala fa. Besak ia, mamanene hataholi sila dale haladoi na! Basa hataholi mana ketu-kolu emi tina-osim buna boa na, Manetualain fo Mana Koasa, namanene dale haladoi nala so.

SEMUEL SUSULAK-KA ESAN-NA 15:17

Semuel nafa'da nae, “Ade, Ama Manek ta nde da'di mauli-malangan neu leo-leo Israel-la, leomae Ama Manek mafa'da mae Ama Manek ta kandaak fa. Manetualain hele basa Ama Manek da'di manek neu Israel so,