EFESUS 6:1 - Susula Malalaok Hehelu Palak Ma Hehelu Beuk

¹ Ana ngala lemin! Emi da'dileo ni'iana mana tunga Kristus, hu ndia de, tunga ina-amam paleta nala, nana ndia nde nandaa emi tao-no'i nana.

EFESUS 6:1 ပူးပေါင်းရင်းမြစ်များ

KEJADIAN 28:7

Fe'ek neme ndia mai, Esau bubuluk, nae Yakob tunga ina-aman hala-kokolan, de neu leo Mesopotamia neu so.

KEJADIAN 37:13

Yakob nafa'da Yusuf nae, “Muu leo Sikhem muu, leo mamanak fo o ka'am-mala foo ita bi'ihii bi'ilopo bubuan-na la.” Boema Yusuf nataa nae, “Hei, Ama.”

KEJADIAN 48:12

Basa boema Yusuf ko'o nalas leme Yakob ifan lain mai, boema ndia mesak-kana sene-do'ok neu aman matan-na.

KEJADIAN 50:12

Leondiak, Yakob anan-nala tao tunga hata fo Yakob elu neus.

NEHEMIA 9:13

O kona meme lalai mai, leo Lete Sinai lain, boema O kokolak moo O ana mesam-ma. O fes hoholo-lalanek, nakanenetek ma paleta fo ndoos ma matetuk ma masosoa-ndandaak.

ESTER 2:20

Ester beita nafa'da nae ndia hataholi Yahudi boen, nana Mordekhai kena-ka'in. Ester tunga Mordekhai paletan-na, sama leo lelek bei anan-na, tolanoo daen ndia nakaboboi nana.

AYUB 33:27

Soona neukose, nafa'da nai lea matan nae, ‘Hata mangalauk-ka, au afa'da ae malole, de au sala-singong, ba'un-na seli, tehu Manetualain ta huku au fa.’

MAZMUR 119:128

Hu ndia de, au aso'da, nandaa no basa O natutu'dum-mala; au ta ahiik ha'da-paliik fo, ta matetuk-ka fa.

MAZMUR 119:75

Ou Manetualain, au bubuluk, ae O nakeketum-ma, ndoos ma matetuk. O huku basa au so, nanahu O lilinekam.

MAZMUR 19:8

Manetualain hoholo-lalanen ndia matetu-mandaak, ana tao makasufu samanek-ka. Manetualain paletan-na, hapu nananamahelek, ana fe hataholi fo dudu'a-aafin bei ta namadai fa manatee-tenok.

AMSAL 1:8

Anang-ngonei, taoafik neu ina-amam hala-kokolan,

AMSAL 23:22

Tunga o amam paletan-na; nana metema, ndia ta soona, o boeo ta. Metema, o inam namalasi soona, matu'du mae o sue-lain.

AMSAL 30:11

Hapu hataholi nggelok soo-supa aman, ma ala ta fe ha'da-holomata neu inan fa.

AMSAL 30:17

Hataholi fo, ana hakinonoli ina-aman fo lamalasi so, nandaa tapan leo deak neu, fo manupui kaa, ana tutu matan-na, fo manupui kaka'ka, na'a popolan-na.

AMSAL 6:20

Anang-ngala lemin, tao-no'i hata fo emi amam paleta-kala, ma boso masanggango heni emi inam nanoli-nafa'dak-kala.

YEREMIA 35:14

Yonadab ana kene-ka'i tititi-nonosin-nala fo ala boso linu angol, de ala tunga neu kekena-kaka'ik ndia. Losa faik ia, neme hataholi sila-la esa boeo ta ninu angol boen. Tehu Au kola-kola o emi tatas esa, te emi ta nau mamanene fa.

YEREMIA 35:18

Boema Au afa'da neu Rekhab hataholin-nala ae, Manetualain Fo Manakoasa, fo Israel Manetualain-na, nafa'da nae leo ia, “Emi mahele neu emi bei ba'ikai manamatem Yonadab; basa paletan-nala emi tungas mamakalala'ok-kasa.

YEREMIA 35:8

Basa hata fo manapaletak neme Yonadab neu ami-a, ami tungan. Nai ami fai maso'dam-ma, ami mo ami sao anan-nala bole ninu angol fa.

HOSEA 14:9

Hataholi Israel-la neukose tu'u-tapa heni dodoki-dudula sosongon-na, Au akabobois ma Au sipok huhule-haladoin-nala. Sama leo ai fo doon-na makadotok tataas esa, Neukose Au asulu-ahapas. Au nde ai huuk neme sila baba'e-papalan lala'en-na. Au, Manetualain nde manakokolak-ka.”

IMAMAT 19:3

Hataholi-a esa-esak, muse fe ha'da-holomata neu ina-aman, ma taoafik neu fai Sabat-ta, sama leo hata fo Au paletan. Au nde emi Manetualain.

LUKAS 2:51

Basa boema Yesus fali sama-sama nos leo Nazaret leu, ma Ana tunga duas paleta na. Inan pe'da basa dede'ak sila la, nai dalen dale.

ROMA 12:2

Boso tunga daebafak ia, ha'da-tataon. Neme na fo Manetualain tao na emi ha'da paliin da'di beuk, fo ela emi tukatei-saledale. No enok ndia, besa ka emi malelak matalolole Manetualain hihii-nanaun, fo nde, bee ka nde malole ma bee ka nde nandaa no dale na ma matetu-mandaa ka.

ROMA 16:2

Sipokana sama leo Lamatua ka hataholi kamahehelen. Memak hataholi fo namahele neu Manetualai na, esa muse sipok esa leondiak. Tulu-falin, metema ana paluu tutulu-fafalik neme emi mai, nanahu ana tulu-fali hataholi ba'u so, ana tulu-fali au so boe.

ROMA 7:12

Agama hoholo-lalanen no basa paleta manai hoholo-lalanek ndia dale ka, neme Manetualain mai de matetuk ma malole.

1 KORINTUS 15:58

Hu ndia tolano-tolanoo susue-lalai ngala lemin! Ela leo bee na, emi balakaik ma matea-mahele. Maue-male'di makandoo soaneu Lamatua ka no te'e-te'ek, nana emi bubuluk mae, hata fo emi tao-no'in soaneu Lamatua ka, ta palsuma fa.

ULANGAN 21:18

“Metema, ni'iana touanak esa, nalanga batu de ana hii ka'da lena-la'ban, ma ana ta nau tunga ina-aman paletan-na fa, leomae ina-aman huku hain so.

1 TIMOTIUS 5:4

Tehu metema inafalu bee maupu-anak soona, manoli-mafa'da upu-anan sila fo ala taoafik matalolole ina-ama bei ba'in sila la so'da na, nana sila muse balas sila ina ama bei ba'in, dale malole na. Tatao-nono'i leondia ka nde nandaa no Manetualain dale na.

1 PETRUS 2:13

Hu ka nde Lamatua ka, de emi muse makatele neu mana koasa hataholi daebafa ka: nau neu Kesel fo ana da'di mana koasa makasososak,

RUT SUSULAN-NA 3:5

Boema Rut nataa nae, “Hei Ina, neukose au tao basa hata fo Ina nafa'dak-ka.”

SEMUEL SUSULAK-KA ESAN-NA 17:20

Balahaa fafaianak boema, Dauk fo'a de naheheleaon. Ana fe bi'in-nala leo manafoo esa neu, fo naneas, de basa boema ana ho'in-na, neni bua-lo'as-sala de ala la'o, nandaa no aman paletan-na. Ana losa mamana ofuk-ka, nai lelek hataholi Israel-la leu leo musu dale leu, no ala eki, eeki musu-a.