EFESUS 4:13 - Susula Malalaok Hehelu Palak Ma Hehelu Beuk

¹³ No leondia ka de, ita basa-basa tala da'di esa, hu ka nde namahehelek matak esa, ma malelak matak esa, la'eneu Manetualain Ana na. Fo ita da'di touinak nai namahehele ka dalek, fo boetai tatetu-tandaa, sama leo Kristus.

EFESUS 4:13 ပူးပေါင်းရင်းမြစ်များ

YESAYA 53:11

Hu ndia de, Manetualain nafa'da nae, “Name'da basa doidosok-ka soona, neukose naua-nanale, ma dalen-na, name'da namahokok. Au atang ndia, nde nandaa no Au daleng-nga, ana lu'a-lepa basa, hataholi makadotok huhukun-na so; hu no hataholi ndia de, neukose Au fe do'o do ampon neus.

ZEFANYA 3:9

Tehu basa boema, Au tao asafali leoina sila-la dalen-nala, nalosa ala sene-do'ok ka'da neu Au mesang-nga, te ta neu lamatua daebafa fe'ek-kala fa. Neukose, basa leoina sila-la, ala tunga Au.

ZAKHARIA 14:9

Boema neukose, Manetualain Ana paleta da'dileo manek neu basa daebafak-ka lala'en-na; basa hataholi-a, neukose sene-do'ok neun, da'di leo Manetualain, ma lalelak-kana nenik na'dek sama.

MATEOS 11:27

Boema Yesus kokolak seluk nae, “Basa hata lala'ena, Ama fe basan neu Au so. Ta hapu hataholi esa boen hapu nalelak Ana ka, ta'da fe'e Ama ka. Ma ta hapu hataholi esa boen, hapu nalelak Ama ka, ta'da fe'e Ana ka, ma hataholi-hataholi fo lalelak Ama ka tunga Ana ka.

YOHANIS 1:16

Hataholi ndia henuk no susue-lalai ka; susue-lalain manaketu basa tak. Ana ba'e-pala ita.

YOHANIS 16:3

Ala tao emi leondiak nanahu beita lalelak Ama ka ma Au boe,

YOHANIS 17:21

Au dokodoe neu Ama ka, fo ela basa-basas ala da'di esa, sama leo Ama ka da'di esa no Au, ma Au da'di esa o Ama ka. Ela leo bee na, sila da'di esa lo Ita, fo ela daebafa ka lamahele, Ama ka nde nadenu Au.

YOHANIS 17:3

Ndia nde maso'da matetu ka ma manaketu basa ta ka, fo ela hataholi la lalelak Ama ka nde Manetualain, fo mesa-mesa kana nde ndo sa, ma lalelak Yesus Kristus nde bee na, Ama ka nde nadenu nana.

YOHANIS 6:69

hu ndia de ami mamahele so, boema ami mamahele Lamatua ka nde hataholi malalaok fo Manetualain nadenun mai leo daebafa ka mai a.”

HATAHOLI 4:32

Basa hataholi kamahehelek sila la teikesa-dalekesa ma dudu'a-aafik esa. Ta hapu hataholi esa boen nafa'da nae, ndia hata-heton sila la ndia nuu mesan fa. La'a-pake hata-heto nala leu esa.

1 KORINTUS 1:10

Tolano-tolanoo ngala lemin! No ita Lamatuan Yesus Kristus na'de na, au oke fo ela emi basa-basa mala teikesa dalekesa; fo ela nasi'da-naba'e ka, boso da'di nai emi dalek. Ela leo bee na emi da'di esa, teikesa dalekesa, ma dudu'a-aafik esa.

1 KORINTUS 14:20

Tolano-tolanoo ngala lemin! Boso dudu'a-dodoo sama leo ni'iana. Nai dede'a mangalau ka dalek soona, ela leo bee na emi mahele sama leo ni'iana. Tehu nai dudu'a-aafi ka dalek soona, ela leo bee na emi da'di hataholi fo touinak so.

1 KORINTUS 2:6

Leomae leondiak boe, nai hataholi fo so'da samane na natea-nahele soona, memak au kokolak la'eneu manatee teno ka. Tehu manatee tenok ia, manatee teno daebafak ta ndia fa, do mana koasa lelek besak ia la manatee tenon fo koasa na neukose manasapu-manalalok.

2 KORINTUS 4:6

Manetualain fo nafa'da nae, “Ela leo bee na neme makahatuk dale mai, mangale'do ka tii,” Manetualain ndia nde nakatitiik mangale'dok ndia nai ita dalen dale, fo ela ita dudu'a-aafin da'di mangale'dok fo ita talelak matalolole Manetualain mandela-masa'an fo nandela-nasa'a neu Kristus mata-panan.

GALATIA 4:19

Au ana susue-lalai ngala lemin! Besak ia, au doidoso seluk, nanahu emi. Au doidoso sama leoinak esa doidoso, nai lelek ana bongi ana na. Neukose au doidoso akandoo, metema Kristus ha'da-tataon, beita nanaselek nai emi ao inam dale fa!

EFESUS 1:17

Au dokodoe, fo ela Manetualain, Amak fo mandela-masa'ak, ma ita Lamatuan Manetualain, fo nde Yesus Kristus, Ana fe Dula dale na neu emi. Neukose Dula Dalek ndia, Ana tao na emi da'di hataholi manatee tenok ma neukose natu'du Manetualain neu emi, fo daenga emi malela kana.

EFESUS 1:23

Hataholi kamahehele kala nde bee na, Kristu sao na. Nanatao natetu-nandaak, neme Ndia fo mana tao matetu-mandaak basa hata lala'ena, su'di nai mamanak bee ndia boe.

EFESUS 2:15

Agama Yahudi a hoholo-lalanen no paleta nala ma nakanenete nala, Kristus lose henis, fo daenga leoina ka duak sila la, ala da'dileona esa, hataholi nala beuk, fo ala da'di esa loon. No enok ndia de, Kristus nakadada'dik mole-dame a.

EFESUS 4:12

Ana tao leondiak, fo sue ka nde Manetualain hataholi kamahehele nala nanasadia matalololek soaneu lalalau-laoono Lamatua ka ma lafofo'a hataholi kamahehele kala fo nde Kristu sao paa na.

EFESUS 4:3

Sanga enok te'e-te'e fo maso'da no mole-dame, fo ela emi makaboboi mahele nakabua-nakesak fo Manetualain Dula Dale na nakadada'di kana, nananakaboboik nahele.

EFESUS 4:5

Hapu ka'da Lamatuak esa, namahehelek esa, ma oe salanik esa,

FILIPI 3:10

Au ahiik ka'da dede'ak esa mesa kana, fo nde au alelak Kristus, ma au ame'da ita koasa fo mana tao naso'da fali kana neme mamate sa mai a so Au ahiik doidoso ma mate sama leo Yesus.

FILIPI 3:8

Tehu ta ka'da dede'ak sila la mesa kasa fa; te basa hata lala'ena, au afa'da ae, ka'da lini tutu'dak fe au. Nanahu besak ia, au hapu hata esa, beli na ba'una seli so: fo nde au alelak au Lamatuang Yesus Kristus. Hu ka nde Kristus de, au ata po'i eme basa hata lala'ena mai. Au oke basa sila lala'ena soona, au ae kadafu dae sila la, fo daenga no enok ndia, au hapu anuu Kristus,

KOLOSE 1:28

Kristus ndia nde ami tui-bengan neu basa hataholi lala'e na. Ami manoli-mafa'das ma ami fes nasanene'dak, ninik basa ami dudu'a-aafim lala'e na. Ami hihii ma nde bee soona, ami nau moo basa hataholi lala'ena leo Manetualain mai, fo namahehele nala latea-lahele, nanahu ala da'di esa lo Kristus so.

KOLOSE 2:2

Au tao basa sila la, fo ela sila dale nala latea-lahele ma lasue-lalai ao nalosa tututi-nanato nala latea-lahele. No enok ndia, sila lalelak te'e-te'e ma lamahele boema ala bubuluk Manetualain dede'a nafufuni na, fo nde Kristus.

IBRANI 5:14

Nana'a-nininu balakai ka nde bee na, soaneu hataholi touinak a nana nanuu malela ba'u fo ana hapu mete kofe'ek, bee ka nde malole, ma bee ka nde mangalau ka.

2 PETRUS 1:4

Hu no enok ndia de, Manetualain ba'e-bati fe ita baba'e-papalak matua ina ma mabelik fo, Ana helu basa ka so. No baba'e-papalak sila la de, emi matapo'i neme hihii-nanau mangalauk fo mana tao makalulutuk nai daebafak ia, boema no enok ndia fo emi sipo Manetualain ha'da-tatao mana ketu basa ta na.

2 PETRUS 3:18

Ela leo bee na, Lamatuak Yesus Kristus, ma ita Mane Mana Soi-Tefa na, Ana fe baba'e-babatin neu emi, fo ela emi boetai malela kana. Koa-kion, neme besak ia, losa dodoo na! Amin. Ha'da-holomata neme ami, Petrus

1 YOHANIS 5:20

Ita bubuluk basa, Manetualain Ana na mai, de ana fe ita malelak fo daenga ita talelak Manetualain fo ndo sa. Fo ela ita taso'da to Manetualain fo ndo sa, ma taso'da to Anan fo Yesus Kristus. Ndia nde Manetualain fo ndo sa, ma Ndia nde so'da matetu ka mana ketu basa ta ka.