EFESUS 2:3 - Susula Malalaok Hehelu Palak Ma Hehelu Beuk

³ Makahulu na, ita basa-basa tala sama leo sila boe; ita taso'da tunga ita ha'da-tatao hataholi daebafa na, ma ita tao-no'i hata fo nandaa no ita dudu'a-aafi ao paa na. Nai lelek ndia, Manetualain nasa-melun tu'da la'e ita, sama leo hataholi fe'e kala boe.

EFESUS 2:3 ပူးပေါင်းရင်းမြစ်များ

KEJADIAN 5:3

Lelek Adam teun natun esa teluhulu boema, ana bongi anatouk, de mata-panan nahope no ndia mata-panan, boema ana foin na'de Set.

KEJADIAN 6:5

Manetualain nita hataholi daebafak-kala tatao-nono'i mangalaun-nala, ba'un-na seli nai daebafak-ka; dudu'a-aafin-nala mangalauk tataas esa.

KEJADIAN 8:21

Tutunu-hohotuk ndia, boomenin-na tao namahoko Manetualain dalen-na, boema Ana dodoo nai dalen dalen-nae, “Neukose Au ta soo-supa seluk daebafak ia so'on, hu kande hataholi daebafak-ka tatao-nono'in; Au bubuluk, hataholi daebafak-ka dudu'a-aafin ndia, mangalauk neme bei muli-solun-na mai. Neukose, Au ta tao amopo-amate basa mahahae maso'dak, fo bei kaso'dak-kala so'on, sama leo besak-ka Au taok ia.

AYUB 14:4

Ade, hapu hataholi daebafak masala-masingok-ka, bisa neni hata fo, matetu-mandaak do?

AYUB 25:4

Ade, hataholi daebafak-ka, bisa malalao-malalafuk nai Manetualain mata memeten-na do ta? Ade, neuisik nai mata memeten-na do ta?

MAZMUR 51:5

Nana au manaku au salang-ngala, au afandendelek au sala-singong tataas esa.

YESAYA 53:6

Ita basa-basa-tala, tatofa-tatalak, sama leo bi'ilopo-a, fo esa-esak sangak enon. Manetualain nadodou basa ita sala-singon neun so.

MARKUS 4:19

tehu dale nala laba'e la'eneu so'da nala, ma ala hii ka'da laso'da nai hahapu-dadai manadai lena ka dalek. Hihii-nanau manadai lenak soaneu dede'a mata-mata kala masok leo dale nala dalek neu. Hu ndia de, lakahapi la halak maneme Manetualain mai nai dale nala dalek, nalosak ta labuna-laboa fa.

YOHANIS 1:13

Fo hataholi daebafak ta nde bongi nana fa, nanahu so'da beuk ndia, ana da'di neme Manetualain mai.

YOHANIS 8:44

Emi amam nde nitu a, de tao leo bee o, emi nau tunga emi amam hihii-nanaun. Neme makasososan mai a, nitu ndia kanisak. Ana ta hii eno ndo sa fa, nanahu eno ndo sa ta hapu nai dalen dale fa. Metema nasapepeko soona, nandaa no ndia, ninik ndia ha'da-tataon leondiak so. Ndia masapepekok, ma basa masa pepekok lala'ena da'di leme ndia mai.

HATAHOLI 14:16

Nai lelek makahulu na, Manetualain po'ilotak leoina la laso'da tunga sila hihii-nanau nala.

ROMA 1:24

Hu ndia de, Manetualain po'ilota kasa, fo daenga ala tao tunga ka'da sila dale hihii-nanau mesa nala, nalosa ala tao nonoo hataholi nala no ta malole fa.

ROMA 11:30

Makahulu na emi ta tunga Manetualain fa. Tehu besak ia Manetualain nafa'da basa nae, hu ka nde hataholi Yahudi a ta nau tunga fa de, emi matapo'i neme sala-singo ka mai so.

ROMA 13:14

Neme na fo Lamatuak Yesus Kristus nde naketu hata fo emi muse tao-no'i nana. Ma boso tunga hataholi masala-masingo kala ha'da-paliin fo sa'di ala tao latetu sila nasamelun.

ROMA 2:14

Leoina fe'e kala ta lalelak agama Yahudi a hoholo-lalanen fa. Tehu metema no sila hihii-nanau mesa na, boema ala tao-no'i hata fo hoholo-lalanek ndia paleta neu sala soona, sila dale nala nde da'di hoholo-lalanek soaneu sila, leomae ta lalelak agama Yahudi a hoholo-lalanen fa.

ROMA 5:10

Nai lelek fo ita musu to Manetualai na, Kristus mamate na nini mole-dame fe ita to Manetualain, nakalenak bai, besak ia ita to Manetualain da'di esa so, de tao leo beeo Ana fe ita so'dak tunga Kristus so'da na boe.

ROMA 5:9

Besak ia ita malole falik to Manetualain, tunga Kristus mamate na so. Hu ndia de tao leo beeo Kristus soi-tefa nala ita teme Manetualain nasa-melun mai.

ROMA 6:12

Boso po'ilotak sala-singo ka koasa seluk emi so'da mana fuu-mopok ia, fo ela emi boso tunga emi hihii-nanau mangalau ma.

ROMA 7:18

Au bubuluk basa, au ia hataholi daebafak, de ta hapu hata malole esa boen nai au daleng dale fa. Nana au hii tao malole, tehu au ta tao abe'i fan.

ROMA 9:22

Leondiak boe no hata fo Manetualain tao ka. Ana dodoo nae sanga namanasa do natu'du koasa na. Tehu Ana ta haelai namanasa sila fo muse nanahukuk nanahu ala tao lakananasa kana.

1 KORINTUS 4:7

See ka nde nakadada'dik emi lenaheni hataholi fe'e kala? Ade basa hata lala'ena, emi ta sipon neme Manetualain mai fa do? Da'di tao le'e de emi nau koao-ndaeao, nono'kabai de hata fo emi manuuk sila la ta hata nanafek sila la fa?

2 KORINTUS 7:1

Tolanoo susue ngala lemin! Basa hala heheluk sila la ala fen neu ita. Hu ndia de ela leo bee na tao talalao aoina tala neme basa hata fo tao nanggenggeo ita ao paa samanen. Ela leo bee na ata fe ha'da-holomata neu Manetualain, ma sanga enok fo taso'da mateu-mandaak sama na leo Ndia.

GALATIA 3:22

Tehu nai Susula Malalaok dale nanasulak nae, basa hataholi daebafa ka lala'ena, lai sala-singo ka koasa na dae. Hu ndia de, fe feek fo nanaheluk tunga namahehelek neu Yesus Kristu sa, nanafek neu hataholi fo namahele a.

EFESUS 2:2

Nai lelek ndia, emi tunga ha'da-tatao daebafak ia; fo dede'ak ndia sosoa na nae, emi tunga mana koasa lalai a no daebafa maloa, fo nde dula dalek fo besak ia, ala koasa la hataholi fo ta lamahele neu Manetualai na, dale nala.

EFESUS 4:22

Hu ndia de, tu'u-tapa heni emi ha'da-tatao palaa mala no maso'da palaam fo emi hihii-nanau manamopo mala, nde tao nakalulutu kana.

KOLOSE 1:21

Makahulu na emi doo ka meme Manetualain mai de emi musu moon nana emi ha'da-tataom ma dudu'a-aafi mangalau mala.

1 TESALONIKA 4:13

Tolano-tolanoo ngala lemin! Ami nau emi bubuluk matalolole, hata da'di soaneu hataholi mana mate basa kala; fo ela emi dale ma boso he'di sa, sama leo hataholi fo ala ta lamahena leo lakabubua lo Manetualai na fa.

1 TESALONIKA 5:6

Hu ndia de, ita bole sungu-sungu mesan, sama leo hataholi fe'e kala fa. Ita muse tanea matalolole, ma ita dudu'a-aafin, muse mangale'dok.

1 TIMOTIUS 6:9

Tehu metema hataholi a nau namasu'i soona, ana tu'da leo sosoba-susu'dik dale neu, ana tu'da leo hihi'ik dale neu ma ana tu'da leo hihii-nanau nggoak mata-matak fo mana tao makalulutu ka, dalek neu.

TITUS 3:3

Nana makahulu na ita bei nggoa kala, ita beitatofa-tatalak, ma ita ta tunga paleta fa. Ita beitaso'da nai nasa melu ka dalek, ma ita beitape'da hihii-nanau mata-mata kala nai ita dalen dale; ita beitape'da dudu'a-aafi mangalauk nai ita dalen dale, ita ta nau hataholi lenak ita boema esa bei nakamuu-nakadau esa.

1 PETRUS 1:14

Mamahele neu Manetualain, fo boso maso'da tunga emi hihii-nanau makahulu ma, nai lelek fo emi beita malelak Manetualain fa.

2 PETRUS 2:14

Ala ta pela malua no tao sala-singo ka fa, ma ala hii mete inak no mata mana koteok. Ma hataholi fo besa ka namahele, fo namahehele na beita natea-nahele fa soona, leu fufu'di-oodo kasa. Hataholi sila dale nala, lateme no tenepeta ka so. Hataholi sila la nde bee na, hataholi nanasoo-supa basa kala so!

2 PETRUS 2:18

Ala kokolak no bafa maloa, tehu louk; boema hu no sila mata mana koteo nala de, ala tao latu'da hataholi fo besa ka, ala kalua leme hataholi mana la'ok sala eno kala dalek mai.

1 YOHANIS 2:16

Basa daebafak ia oe isin lala'ena fo hataholi daebafa masala-masingo ka nitan, fo nahii kana boema namaututua-namadedeman soona, basa dede'ak sila la, ala ta da'di leme Ama ka mai fa, te ala da'di leme daebafa ka mai.

1 YOHANIS 2:8

Leomae leondiak boeo, au sulak paleta ia la, paleta beuk boe; nana ndo na, ita hapu titan nai Kristus ma emi ao inam dale. Nana makahatu ka boetai mopon, de mangale'do matetu ka, ana mulai nangale'do so.