EFESUS 1:5 - Susula Malalaok Hehelu Palak Ma Hehelu Beuk

⁵ de, naketu basa nakahuluk nae, tunga Yesus Kristus de, neukose Ana so'u ita da'di Ndia anan. Ma memak dede'ak ndia nde, nahiik Ana tao nana.

EFESUS 1:5 ပူးပေါင်းရင်းမြစ်များ

YEREMIA 3:19

Manetualain nafa'da nae, “Israel, Au hii sipok o da'di leo Au anang, ma Au fe o, nusak fo nandaa no o dalem-ma, nusak fo malole nanseli, nai basa daebafak-ka lala'en-na. Au hii o maloo Au mae ama, ma o ta malai meme Au mai so'on.

YEREMIA 3:4

Nai lelek o nai toto'a-tataak-ka dalek, o maloo au mae o amam nde Au, ma o mae Au sue-lai o, mulai neme o bei anam-ma mai.

DANIAL 4:35

Leoina manai daebafak-kala, sosoa-ndandaan ta. Manetualain koasa ata nusa so'dak manai nusa so'dak-ka ma laun manai daebafak-ka. Ta hapu hataholi esa boen, hapu la'ban hihii-nanaun fa, ta hapu hataholi natane, Ana tao beek fa.”

HOSEA 1:10

Leoina Israel-la, neukose de'u solokaek manai tasi su'un-na, nalosa ta hapu leke-nala fas. Besak ia, Manetualain nafa'das nae, “Au anang ta emi fa”, tehu neukose fain-na losa soona, nafa'das nae, “Au nde Manetualain fo maso'dak, ma Au anang emi!”

MATEOS 1:25

Nai lelek fo ni'iana ndia beita bongi fa nana, Yusuf no Maria beita lakabubua fa, tehu Maria bongi na ni'iana ndia boema, Yusuf foin na'de Yesus.

MATEOS 11:26

Fo ndia nde nandaa no, Ama ka dale na.”

LUKAS 10:21

Bei nai faik ndia boe, Yesus namahoko hu ka nde Manetualain Dula Dale na koasa nan. Yesus nae, “Ama, Manetualain fo mana koasa lalai ma daebafa ka! Au oke makasi neu O, hu ka nde basa sila la O bibila-babaas neme hataholi malela kala ma malelaina la, tehu O matu'dus neu hataholi manasakola ta kala. Ndia nde nandaa no Ama dale ma.

LUKAS 11:32

Neu fai mate'e ka te, laun Niniwe la neukose fo'a sama-sama lo hataholi lelek besak ia la, fo ana naketu-nala'din, nana hataholi Niniwe sila la tukatei-saledale leme sala-singo nala mai, ndek lelek nabi Yunus-sa tui-benga neus. Tehu besak ia nai ia hapu nggelok ba'ulena neme Yunus mai!”

LUKAS 12:32

“Emi dede'u ma ka'da lumanak mesa kana de boso bii! Nana emi Amam boeo no namahokok hapu paleta nai emi maso'da ma dalek.

YOHANIS 1:12

Tehu hapu hataholi sipo kana, ma lamahelen boe; Hataholi sila, Ana fes hak fo ala da'di Manetualain anan.

YOHANIS 11:52

Boema ta ka'da soaneu leoina Yahudi la mesa kasa fa, tehu soaneu Ana tao nakabubua Manetualain ana mana tapasasala nala.

YOHANIS 20:17

Boema Yesus naen nae, “Boso taila'e Au dei, te Au beita kae leo Ama ka u fa. Tehu fali mu'u ma leon, fo mafa'da Au tolanoon gala mae, besak ia Au kae falik leo Au Ama nga ma o Amam, ma Au Manetualai nga ma o Manetualai ma.”

HATAHOLI 13:48

Nai lelek leoina fe'ek fo hataholi ta Yahudi la lamanene dede'ak ndia, boema lamahoko lanseli, de ala koa-kio Manetualain dede'a-kokolan. Ma hataholi fo Manetualain hele basa kala lamahele ala hapu so'da matetu ka, ma mana ketu basa ta ka.

ROMA 8:23

Tehu ta ka'da daebafa ka mesa kasa hoo-nggu'u fa; te ita hoo-nggu'u nai ita dalen dale boe. Ita sipo basa Manetualain Dula Dale na da'di neu Manetualain baba'e-babati makasososa na, tehu ita boeo bei tahani Manetualain soi-tefa na ita so'da na basa-basan lala'ena fo Ana tao ita da'di Ndia anan.

1 KORINTUS 1:1

Tolano-tolanook fo Manetualain salanin manai Korintu sa lemin! Manetualain nalo talanoo kala soaneu da'di Ndia hataholi kamahehelen, nana Kristus Yesus nuun tolanoo kala sama-sama mo basa hataholi manai su'di bee a, fo ala sene-do'ok neu Lamatuak Yesus Kristus, fo nde sila Lamatua na ma ita Lamatua na boe. Au fo Paulus, ma ita tolanoon Sostenes, ami mamahena, ela leo bee na, ita Aman Manetualain, ma Lamatuak Yesus Kristus, fe baba'e-papalak ma so'da-molek neu emi. Au sulak susulak ia, da'dileo Kristus Yesus hataholi nadedenun, fo nanaso'uk neme Manetualain mai ma ninik hihii-nanaun boe.

1 KORINTUS 1:21

Nana leomae hataholi daebafa ka malela na leo beek boeo, ana ta hapu nalelak Manetualain ninik ndia malelan ndia fa. Te lena-lenak, hu ka nde Manetualain manatee teno na de, Ana nau soi tefa na hataholi fo lamahele neun, tunga halak fo ami tui-bengan fo daebafa ka nafa'da nae, kokola bafa louk basa sila la.

2 KORINTUS 6:18

Neukose Au da'di emi Amam, ma neukose emi da'di Au anang. Leondiak Manetualain fo Mana Koasa nafa'da.”

GALATIA 3:26

Nanahu emi mamahele Kristus Yesus de, emi da'di esa moon, hu ndia de, emi da'di Manetualai nanan.

EFESUS 1:11

Manetualain tao basa hata lala'ena tunga hihii-nanaun, ma nakeketu mesa na. Neme makasososan mai a, Ana hele basa ita so, nana Ana nau ita da'di Ndia hataholi kamahehelen, hu ka nde ita da'di esa to Kristus so.

EFESUS 1:9

Tunga Manetualain hihii-nanau mesa na de, nafa'da dale tutu'u nafuni na neu ita; naketu basa nae, neukose Ana tao nakababasak dale tutu'u nafufunin ndia, tunga Kristus.

FILIPI 2:13

nana Manetualain nde tao-no'i dede'ak sila la, nai emi ao inam dale, soaneu emi nau ma emi tao mabe'i Manetualain hihii nanaun.

KOLOSE 1:19

Manetualain fe la'i esak koasa paletan neu Kristus,

2 TESALONIKA 1:11

Hu ndia de, ami hule-haladoi tataas esa fe emi. Ami hule-haladoi neu Manetualain fo ela emi hapu maso'da tunga hihii-nanaun; hu no dede'a ka nde ndia de, nalo emi. Ela leo bee na, Manetualain koasa na, tao natetea-nahehele emi, fo ela emi tao-no'i dede'a malole. Manetualain koasa na boeo, sama-sama no emi fo, emi tao-no'i tatao-nono'i mateu-mandaak, hu ka nde emi mamahele Kristus.

IBRANI 2:4

Fe'ek neme ndia mai, Manetualain boetai tao natetea-nahehele hataholi sila tutui-bebengan, ninik Ana tao manda'di beu matak-mata kala, ma dede'a matua ina la, boema Ana baba'e fee-feek maneme Dula Dale ka, tunga hihii-nanau mesa na.

1 YOHANIS 3:1

Mete mitak Manetualain sue-lai na ita ba'u na seli de, nalosak ita nanaseseik lae, Manetualai nana nala. Ma memak ita nde bee na, Manetualai nana nala. Hu ndia de daebafa mangalauk ia, ana ta nau nalelak ita fa nana, ta nalelak Manetualain fa.

NINITAK 21:7

Hataholi fo manasengi kala, neukose ala sipo basa dede'ak sila la neme Au mai. Neukose Au da'di sila Manetualai na, ma sila da'di Au ana ngala.