DANIAL 9:7 - Susula Malalaok Hehelu Palak Ma Hehelu Beuk

⁷ Ou Manetualain, O nakeketum-ma la'en tataas esa, ndoos ma matetuk tehu ami makamamaek ami aoinam-ma do'e-do'e fo nde: ami basa-basam fo manaleo nai Yudea ma Yerusalem, ma basa hataholi fo leoina esa lo ami, fo O fes tapasasala leo nusa dook-kala ma manadekak-kala, hu kande, ala ta lilineka neu O fa.

DANIAL 9:7 ပူးပေါင်းရင်းမြစ်များ

EZRA 9:13

Ami masala-masingo basa, ma ami la'olena O hoholo-lalanem, de O huku basa ami so. Tehu ami bubuluk, ou ami Amam Manetualain, O fe huhukuk-ka, belan-na ta nandaa no hata fo ami sipok-ka fa, nakalenak O bei malak soi-tefa-mala ami.

EZRA 9:15

Amak, fo Israel Manetualain-na. O ndoos ma matetuk, tehu, leomae leondiak boe, O po'ilotak ami maso'da. Ami manaku ami salam-ma neu O; ami ta manuu hak, soaneu mai leo O matam-ma mai fa.”

NEHEMIA 9:33

O nakeketum-ma ndoos ma matetuk, O huku ami fo masala-masingok; O lilineka mahele, leomae ami henuk no bu'u-ba'ek.

MAZMUR 119:137

Ou Manetualain, O ndoos ma matetuk, basa O hoholo-lalanem-mala la'en.

MAZMUR 44:15

O tao ami da'di leoina-la hala-kokola muu-daun; lakakale langa, ma lakadadaek ami.

MAZMUR 51:14

Fe au amahoko-setelee seluk, nanahu so'da-molek fo neme O mai, fe au dalek fo ana nau tunga neu O.

MAZMUR 51:4

Safe-saa au tatao-nono'i mangalaung lala'ena; tao balisi au neme au sala-singong-nga mai.

YESAYA 11:11

Nai faik ndia, neukose Manetualain pake la'i seluk koasan-na, fo no falik bei ela anan manai Asyur ma Masir-ra, nai nusa Patros, Sudan, ma Elam, nai Babel, Hamat, ma manai nusa dook-kala.

YESAYA 45:16

Basa hataholi manatao dodoki-dudula sosongo-tatangok-kala; neukose nananakamamaek ma nananakadadaek

YEREMIA 12:1

“Ou Manetualain, metema Au eni au dede'ang-nga leo O matam-ma neu, soona tao leo beeo neukose butina-na nae, O nde been-na ndos. Tehu hii atane seluk neu O la'eneu ndos ma matetuk-ka: Tao le'e de hataholi mangalauk-ka so'dan-na natetu? Tao le'e de hu ka nde hataholi fo ta ndos-sa fa ana hapu-dai?

YEREMIA 23:6

Metema ana paleta soona, neukose hataholi Yehuda-la laso'da-lamole ma neukose hataholi Israel-la laso'da-lamole no nenee-lino-linok. Manek ndia neukose loken soona lae, ‘Manetualain Ita So'dan-na’.

YEREMIA 24:9

Neukose Au tao akatoto'a-akatatak-kasa tao taoleondiak, de nalosa basa leoina manai daebafak-ka ia lala'en-na da'di manabi-mamata'uk. Au fes lai mamanak bee ndia boeo, neukose sila nanahakinonolik, nanataok da'di hata nanahika-humek ma nananakamu-nakadauk. Sila na'den-na neukose nanapakek da'di soo-supak.

YEREMIA 3:25

Da'di, nemen-na fo, ami lu'a-lepa bibii-mamaek, ma nemen-na fo, ami da'di matasi'da-matasaek. Nana, ami ma ami bei-ba'i kaim-mala, masala-masingo basa neu ami Amam Manetualain so, ma ami ta tunga mita paletan-na fa.”

YEREMIA 32:32

nanahu tatao-nono'i mangalauk fo nanataok neme hataholi Yehuda-la ma Yerusalem-mala, sama-sama lo basa sila manen-nala, basa manaho'u paleta, basa imam-mala ma basa nabi-la.

YEREMIA 33:16

Hataholi Yehuda-la ma Yerusalem laun-nala neukose nanasoi-po'ik ma laso'da no nene-lino-linok. Kota Yerusalem-ma neukose nanafoik na'de ‘Manetualain Soi-po'i Ita’.

YEREMIA 4:17

ma lakahapi-la Yerusalem, sama leo hataholi-a nanea tina. Basa sila-la ala da'di, nanahu leoina Yehuda, ana ta tunga Manetualain paletan-na fa. Manetualain nde manakokolak-ka.

YEREMIA 7:19

Tehu te'e-te'e, sila lakahehe'dik-ka, ta nde Au fa, tehu sila dei, nalosa ala mae.

YESKIAL 16:63

Neukose, Au fe ampon neu o salam lala'en-na, tehu neukose o ta hapu mafandele heni fan, ma neukose o mame'da mamaek, soaneu mafa'da su'di beek-ka. Au, Manetualain Fo Mademaina, nde manakokolak-ka.”

YESKIAL 36:31

Neukose emi mafandele-ma, emi ha'da-tatao mangalaum-ma, ma emi tatao-nono'im fo ta kandaak ndia fa, boema emi da'di malua seluk emi aoinam-ma, nanahu emi sala-singom-mala, ma emi tatao-nono'i ta kandaam ndia.

YESKIAL 5:10

Nekose hataholi lasik-kala, la'a seluk ana bongin-nala, ma anan-nala la'a seluk ina-aman. Neukose, Au hukus leondiak, ma Au tao tapasasala laun fo, bei maso'dak-kala, leo basa daebafak-ka bu'un-nala leu.

YESKIAL 6:12

Neukose, sila basa-basas lame'da lita Au nasa-melung nininin-na. Hataholi manai mamana dook-kala, fonde mamana tu'u-tapak, neukose ala tu'u he'dis, boema mates; hataholi manadekak-kala, neukose ala mate nai natee-natatik dale, ma bei elak-kala, neukose mates hu kande la'a-ndoes-sa.

DANIAL 9:14

O, ou Manetualain, fo ami Manetualaim, O huku basa ami nenik sua-soe fo O sadia basan so; O nakeketum-ma la'en tataas esa, ndoos ma matetuk, tehu ami ta nau mamanene O halam-ma fa.

DANIAL 9:18

Mamanene ami leona, ou Manetualain, mete ami ma taoafik neu ami doidosom boema kota nalutuk fo loken nenik O na'dem-ma. Ami hule-haladoi neu O, ta hu kande ami tatao-nono'im malole neu O fa, tehu hu kande O henuk no susue-lalaik.

DANIAL 9:8

Ami manem-mala, mauli-malangam-mala, ma ami bei-ba'i kaim-mala, ala tao-no'i dede'ak fo neni mamaek, de lasala-lasingo basa neu O so, ou Manetualain.

AMOS 9:9

Neukose Au fe paleta, ma Au da'i-lelee leoina Israel-la, sama leo hataholi-a da'i-lelee gandum-ma nai ooko dale, fo soaneu tipa heok hataholi sosoa-ndandaa taak-kala nai sila dalek. Neukose Au dopok-kasa nai leoina-la tala'da.

ROMA 6:21

Nai lelek ndia, emi hapu nanalak hata neme basa tatao-nono'ik fo besak ia emi tao-no'in no bibii-mamaek ndia? Basa tatao-nono'ik sila la ninini na ka'da mamate sa!

ULANGAN 32:4

Emi manamasala'em-ma nde, Manetualain fo palani tatibatu, ue-le'din matetu-mandaak, ma basa enon-na ndoos ma matetuk. Emi Manetualaim-ma manalilinekak, ma ta masapepeko-masandandalik fa, Ana tao hata fo malole ma la'en.

ULANGAN 4:27

Neukose Manetualain tao tapasasala emi nai leoina fe'ek-kala tala'da, de ela ka'da emi hataholim lumanak laso'da lahele.