DANIAL 9:5 - Susula Malalaok Hehelu Palak Ma Hehelu Beuk

⁵ Ami masala-masingo basa so, ami tao tatao-nono'i mangalauk ma tao salak so. Ami la'ban ma la'olena O paletam-ma so, boema ami la'ok sala neme O nakanenetem-mala.

DANIAL 9:5 ပူးပေါင်းရင်းမြစ်များ

2RAJA-RAJA 18:12

Samaria tu'da nanahu, hataholi Israel-la, ta tunga neu sila Manetualain fa. Ala lalalesi hehelu-balataak, fo Manetualain taon no sila, ma ala la'olena basa Musa, fo Manetualain atan-na paletan-na. Ala ta nau lamanene, ma tunga fan.

2RAJA-RAJA 21:15

Neukose, Au tao basa sila-la soaneu Au anang-ngala, nanahu lasala-lasingo neu Au, ma ala tao lafo'a Au nasa-melung, nai lelek sila bei-ba'i kain-nala kalua leme Masir mai, losa faik ia.”

EZRA 9:6

Au afa'da ae, “Ou au Manetualaing, au mae botik au langang-nga nai O matam-ma. Ami sala-singom nadodou nai ami langam lain, losa ana koila'e lalai-a.

MAZMUR 106:6

Ami masala-masingo basa, sama leo ami bei-ba'i kaim-mala so; ami tao basa tatao-nono'i mangalauk, ma malelesi so.

MAZMUR 119:102

Au ta afandele heni, O hoholo-lalanem fa, nana, O nde manoli au-a.

MAZMUR 119:176

Au atofa-asalak leo bi'i lopo manamopokka, de mai fo sanga-ma O atam ia, Hukande au ta la'o ela O paleta ma fa.

MAZMUR 18:21

Manetualain balas au tatao-nono'ing fo ndoos-sa; Ana ba'e-pala au, nana au salang ta.

YESAYA 53:6

Ita basa-basa-tala, tatofa-tatalak, sama leo bi'ilopo-a, fo esa-esak sangak enon. Manetualain nadodou basa ita sala-singon neun so.

YESAYA 59:13

Ami malelesi, ma lena-la'ban Manetualain, ma ta nau tunga, ami Manetualaim-ma fa. Ami tuni-ndeni basa hataholi fe'ek, ma la'ok sala so; ami dudu'a-aafim natofa-natalak, ma ami hala-kokolam, masapepeko-masandandalik.

YESAYA 64:4

Beita hapu, hataholi namanene hai, ma beita hapu, hataholi nita hai, nae fe'ek neme O mai, hapu manetualain fe'ek fo, ana tao-no'i ba'eneu hataholi fo, namahena neun.

YEREMIA 14:20

Manetualain, ka'da ami masala-masingo basa neu O. Ami manaku aom ami sala-singom-mala ma ami bei-ba'ikaim-mala sala-singon-nala.

YEREMIA 14:7

Au anang-ngala lalo bebou lae, ‘Manetualain, leomae ami sala-singom-mala tuni-ndeni ami tehu tulu-fali ami sama leo O hala-hehelum-ma. Ami la'o ela O do'e-do'e; Tete'ek-ka, ami masala-masingo neu O.

YEREMIA 3:25

Da'di, nemen-na fo, ami lu'a-lepa bibii-mamaek, ma nemen-na fo, ami da'di matasi'da-matasaek. Nana, ami ma ami bei-ba'i kaim-mala, masala-masingo basa neu ami Amam Manetualain so, ma ami ta tunga mita paletan-na fa.”

YEREMIA 30:14

Basa emi manasue-manalain-nala lasanggango heni emi so; Ala ta nau lafandele emi so'on. Sama leo musu-a sapun-na emi, ma Au huku emi nenik nasak, nanahu emi sala-singom ba'uk-ka ma emi kilu-salam-mala matuaina.

YEREMIA 44:3

Dede'ak ndia anan da'di nanahu laun-nala lasala-lasingo, de nalosa ala tao-la Au amanasa. Ala fe tutnu-hohotuk ma ala lakaluku-lakatele neu lamatua daebafak fo ala beita sene-do'ok lita fa, boema emi ma emi bei ba'i-kaim manamatem-mala.

RATAPAN 1:18

Tehu Manetualain nde la'en, nana au la'olena paletan-na so. Hai leoina-la lemin, mamanene au leona, mitak au nai doidosok dale. Basa au ta'eanang-anafe'oanang-ngala nanafook, de loos leo mamana tu'u-tapak neu.

RATAPAN 1:20

Ou, Manetualain! Taoafik neu au, nana au daleng-nga ta tesa-tama ma tasibu, nakalulutuk nanahu au nalelesi makahulung-nga. Nai enok-kala lain, hapu kanisak, Nai uma dale, hapu mamates.

RATAPAN 3:42

“Ou Manetualain, ami masala-masingo ma lena-la'ban O so, de O ta fe do'o do ampon fa.

YESKIAL 5:6

Tehu, Yerusalem ta sipok Au paletang-nga fa, te se'kona ndia mangalaun-na lenaheni leoina fe'ek-kala, lena-lenak langabatun-na lenaheni basa nusaina manai boboa-kaisun-na. Yerusalem la'olena Au paletang-ngala, ma ana ta nau tunga Au hoholo-lalaneng fa.”

YESKIAL 6:9

nai naa, ala laso'da nai mamana tu'u-tapak dalek. Boema, neukose ala lafandele neu Au, boema ala bubuluk, lae Au huku sila, ma Au akamumulu-akamamaek sila, nana sila dalen-nala, ta lilineka loo Au fa. Ala la'oela Au, de ala hele sosongo-tatangok-ka nggati Au so. Boema, neukose ala malua seluk aoinan-nala, nanahu basa tatao-nono'i mangalaun lala'en-na, ma tatao-nono'i ta kandaan-nala fa.

DANIAL 9:11

Israel lala'en-na, la'olena O hoholo-lalanem, ma ta nau lamanene O halam-ma fa. Ami masala-masingo soaneu O, hu ndia de, O fe soo-supak fo nanasulak nai O atam Musa Susulan dale, tuni la'e ami.

DANIAL 9:15

Ou Manetualain, fo ami Manetualaim, O matu'du basa O koasam-ma nenik O moo O anam-mala kalua leme Masir mai, ma O koasam ndia bei nananafandendele nahelek. Ami masala-masingo ma tao salak so.

DANIAL 9:9

O henuk no do'o do ampon ma susue-lalaik, leomae ami la'ban basa O so.

HOSEA 1:2

Lelek Manetualain, Ana kokolak makasososan-na no leoina Israel-la tunga au, Manetualain nafa'da nae, “Hosea, sao-ma ina manasosoa-piaok esa, fo neukose o anam-mala, ala da'di sama leo ndia boe. Au anang-ngala sama leo o saoinam ndia, nanahu ala ta lilineka neu Au fa, ma ala la'oela Au so.”

MALEAKHI 3:7

Sama leo emi bei-bai kaim makahulun-nala, emi basa-basam-mala boeo la'ok sala neme Au hoholo-lalaneng mai, ma ta lilineka nai nakalala'on-na dalek fa. Fali leo Au mai leon, soona neukose Au boeo fali leo emi neu. Tehu emi matane mae, ‘Ami muse tao leobeek, fo ami fali leo O meu?’

IBRANI 3:12

Tolano-tolanoo ngala lemin! Masanene'dak, fo boso nalosak nai emi dalek, hapu hataholi esa dale na mangalauk ma namahehelen ta, nalosa ana fali deak ma nadook ao ina na neme Manetualain fo maso'da ka!