DANIAL 9:25 - Susula Malalaok Hehelu Palak Ma Hehelu Beuk

²⁵ Sulak-ma dede'ak ia, fo o malelak-kana: Teuk 7 la'i hitu neukose ala seli, mulai neme faik fo Ana kalua paleta soaneu nafofo'a falik Yerusalem, losa Manetualain hele mauli-malangan esa ana mai. Nai teuk 62 la'i hitu dalen-na, Yerusalem enon-nala ma lalaak nanean-nala, neukose nananafofo'a falik, tehu tepo-lelek ndia, henuk no toto'a-tataak.

DANIAL 9:25 ပူးပေါင်းရင်းမြစ်များ

2 SEMUEL 15:25

Boema, manek-ka nafa'da Zadok nae, “Meni falik Peti Hehelu-balataak ndia leo kota dale neu. Metema, Manetualain sue-lai au soona, tao leo bee-o, neukose Ana po'i au fali, fo au ita seluk Peti Hehelu-balataak ndia, sama-sama no mamanan leleon-na.

EZRA 4:24

Manetualain Uman-na hahae tatao na so, de ala hahae lakandoo losa Darius, fo mane Persia paleta neu teu ka dua-na.

EZRA 7:1

Teuk lamalala basa boema, nai lelek Artahsasta paleta Persia, boema hapu touk esa na'de Ezra, fo ana da'di neme Imam Matuaina Harun-na, tititi-nonosin mai. Tititi-nonosin-nala tuin neme dae leo lain neu nde ia: Ezra, Seraya, Azarya, Hilkia

EZRA 7:8

Ala la'oela Babel ndek hataholi Yahudi-la bula ka esa, fain esa, boema no Manetualain tutulu-fafalin, de hataholi Yahudi-la bula ka lima, fain esa, boema ala losa Yerusalem.

NEHEMIA 3:1

Ia nde been-na hala nafafa'dak la'eneu tao leo bek de Yerusalem papala nanadaman-na nanatao nahiik. Imam Matua Elyasib-pa no nonoon-nala lafofo'a falik Lelesuina Bi'ilopo-a ma ala pasak lelesu-la doon-na, de ala fe hehelin ba'eneu Manetualain. Ala tao lahiin de ala fe hehelik papala nanadamak-ka losa Uma Puni Madema Natun Esa ma losa leo Uma Puni Madema Hananeel-la neu.

NEHEMIA 4:2

Ana kokolak nai tia-lain-nala ma solda'du Samaria-la matan nae, “Hataholi Yahudi manafuu-mopok, ma ala ta bisa tao hata esa boen ndia, ala tao bek ndia. Ade ala sanga lafofo'a falik kota ia do? Sila laedaenga tataos ndia bisa basan nai faik esa dalen-na, ka'da nenik tunu-hotu tutunu-hohotuk do? Ade ha'i na'a naputu kadafu madodouk sila-la, sila bisa taos da'di papala nanadamak-ka batun-nala do?”

NEHEMIA 4:8

Lalahalak sanga leu sapu-la Yerusalem fo ala tao tasibu.

NEHEMIA 6:15

Papala nanadamak ndia tao matalololen-na, na'a faik limahulu dua, de basan neu hataholi Yahudi-la bula Elul-la, fain duahulu lima.

MAZMUR 71:10

nana au musung-ngala, kokolak au, ma hataholi fo, ala nau taolisa au-a, ala tao nakabubua mangalauk.

PENGKHOTBAH 3:3

faik soaneu nanisa, ma faik soaneu nakahahaik, faik soaneu ofe henin, ma faik soaneu nafofo'an.

YESAYA 55:4

Te'e-te'e, Au taon da'di mauli-malangan, ma malanga solda'du matuaina sakasii neme Au koasang-nga mai, soaneu leoinak-kala.

YESAYA 9:6

Ana paleta da'di leo manek fo Dauk tititi-nonosin, koasan-na matuaina nanseli Nusan-na mole-dame, tetu-temak tataas esa; paletan-na nangatuuk nai hoholo-lalanek, ndoos ma matetuk lain, neme besak ia, ma losa dodoon-na. Tao leo bee-o, Manetualain Fo Manakoasa nakalala'ok-kana.

DANIAL 8:11

Nakalenak naheek no solda'du nusa so'dak-kala malangain manai lain-na, ma ta bole tunu-hotu tutunu-hohotu su'di faik fo ala tunu-hotu fen neu malanga solda'du manai lain ndia, ma ana tao natu'u uma mamason-na.

DANIAL 8:25

Nanahu dudu'a-aafin talimo'dis, ma tipu-dain-nala neni buna-boak. Neukose ana koao-ndaeao, ma ana beita fe nakahuluk nasanene'dak fa te, neukose ana tao namopo-namate hataholi makadotok. Nakalenak napalani la'ban Manek Fo Matuaina. Tehu neukose nanatao nakalulutuk ta nenik hataholi daebafak be'i-balakain fa.

DANIAL 9:23

Lelek o mulai dokodoe neu Manetualain-na, Ana fe natataak. Au mai tui-bengan, nana Ana sue-lai o. Nah, mamanene matalolole, nai lelek au afa'da mangalele'do ninitak ndia sosoa-ndandaan.

MIKHA 5:1

Manetualain nafa'da nae, “Hai Betlehem Efrata, o kota esa, anak nanseli nai Yehuda! Tehu neme o dalek mai, neukose Au afofo'a manakoasa esa soaneu Israel, fo momoli-dada'din neme makahulun eli mai.”

MIKHA 5:2

Da'di, neukose Manetualain po'ilotak sila musun-nala koasa anan-nala, losa inak fo nananaketuk soaneu da'di manakoasa ndia inan, ana bongi-nan. Basa ndia soona, hataholi fo sila leoina esa, bei lai mamana tu'u-tapak, neukose Ana taos da'di esa loo sila leoinan-na.

MATEOS 13:23

Ma bini-ngges fo mana tu'da nai dae maisi-mamina ka, nakasasama na leo hataholi fo namanene halak ndia, de ana tao tungan. Boema labuna laboa ba'u ka, de nalosa nggelok hapu buna-boak natun esa, nggelok hapu neehulu, ma nggelok ala hapu didikuk la'i telu hulu.”

MATEOS 24:15

“Neukose emi mita ‘Mangalauk fo mana tao makalulutu ka’, nangatuuk nai mamana malalao ka, sama leo nabi Danial-la nafa'da ka. Basa hataholi fo mana lee ia, so'ba malela kana leona.

MARKUS 13:14

“Nai faik esa te neukose emi mita, ‘Nitu Mangalauk fo Mana Tao Nakalulutu ka’ napadeik nai mamanak fo nanapa'dak ba'eneun. (See lees ia soona, so'ba malela kana leona!) Metema lelek ndia emi nai Yudea soona, emi muse malai leo lete lepa kala meu.

YOHANIS 1:41

Tutika Anderias lai-lai neu sanga Simon, fo tolanoo na, de nafa'dan nae, “Ami matongo mo Mesias so!” (Mesias sama leo Kristus, fo nde: Mane Mana Fe So'da ka.)

YOHANIS 4:25

Boema inak ndia nafa'da Yesus nae, “Au bubuluk Manek Mana Fe So'da ka fo loken lae Kristus ndia, neukose Ana mai. De metema Ana mai soona, neukose nafa'da basa hata lala'ena neu ita.”

HATAHOLI 3:15

Boema tolanoo kala taomisan, te see ko na Ndia nde maso'da ka huu na, ba'eneu basa hataholi lala'ena. Tehu Manetualain tao naso'da fali kana neme mamate sa mai so. Ami nde sakasii matam dede'ak ndia.

HATAHOLI 5:31

Boema Manetualain fen nangatutuu madema ma koasa matuaina da'dileo Mauli-Malangan ma Mana Soi-Tefa, fo ela hataholi Israe la hapu loak soaneu ala tukatei-saledale leme sala-singo nala mai, fo ala hapu do'o do ampon.

HATAHOLI 8:30

Boema Felipus neu deka no kaleta ndia de namanene hataholi ndia lees Nabi Yesaya Susula na. Boema Felipus natanen nae, “Ade Tuan malelak hata fo Tuan lees ndia do ta?”

EFESUS 5:16

Pake matalolole o fai loam lala'ena, nana le'do-fai besak ia nde bee na, le'do-fai mangalauk.

NINITAK 1:5

ma neme Yesus Kristus, sakasii fo manalilineka ka. Ndia nde makasososa naso'da falik neme mamate sa mai, ma Ndia nde manakoasa neu mane-mane daebafa kala. Yesus sue-lai ita, ma no mamate na de Ana soi-po'i ita teme ita sala-singon mai,

NINITAK 19:16

Nai ba'du manalu na, ma nai puu na nanasulak na'de ka nde ia, “Manek nai basa manek lala'ena.”