DANIAL 9:18 - Susula Malalaok Hehelu Palak Ma Hehelu Beuk

¹⁸ Mamanene ami leona, ou Manetualain, mete ami ma taoafik neu ami doidosom boema kota nalutuk fo loken nenik O na'dem-ma. Ami hule-haladoi neu O, ta hu kande ami tatao-nono'im malole neu O fa, tehu hu kande O henuk no susue-lalaik.

DANIAL 9:18 ပူးပေါင်းရင်းမြစ်များ

1RAJA-RAJA 8:29

Ela leo been-na lele'do-le'odaen O masulu-mahapa uma ia, fo O hele basan da'dileo mamana hule-haladoik neu O. Ela leo been-na neme O mamana leleom manai nusa so'dak-ka, O mamanene ma fe do'o do ampon neu au boema O ana mala metema ami masale leo uma ia mai fo hule-haladoi neu O.

2RAJA-RAJA 19:16

Manetualain, sa'di leo been-na, taoafik neu hata fo, besak ia ana da'di neu ami. Mamanene basa Sanherib nakamumulu-nakamamaen soaneu O, Manetualain fo maso'dak-ka!

MAZMUR 116:1

Au sue-lai Manetualain, nana namanene au ma Ana taoafik neu au dokodoeng-nga.

MAZMUR 25:6

Mafandendelek O dale malolem-ma, ma O susue-lalaim ou Manetualain, fo O matu'dun neme makasososan-na mai.

KELUARAN 3:7

Boema, Manetualain, nafa'da nae, “Au ita basa Au anang manai Masir-rala doi-doson, ma Au amanene basa, ala nggasi loke soi-po'is leme hataholi fo manatuni-ndenis-sala. Te'e-te'e, Au bubuluk sila doi-doson lala'en-na.

YESAYA 37:17

Manetualain, sa'di leo been-na, taoafik neu hata fo, ana da'di neu ami. Mamanene basa Sanherib nakamumulu-nakamamaen neu O, Manetualain fo maso'dak-ka.

YESAYA 43:7

Nana sila basa-basas, nananaloo basak, nenik Au na'deng-nga so, Au akadada'dik-kasa, soaneu lamatutua-lamadedema Au.”

YESAYA 64:12

O mita basa sila-la, ou Manetualain, masa bole, O ka'da denge-denge? Ade, neukose O po'ilotak ami doi-doso manseli do?

YESAYA 64:6

Ami basa-basam-mala nde been-na, hataholi manggenggeok, nakalenak ami tatao-nono'i malolem-ma boeo, ta kandaak ma maggenggeok. Neukose mopok ami, nanahu ami tatao-nono'i mangalaum-ma, sama leo anin-na fuu neni akidook-ka.

YEREMIA 14:7

Au anang-ngala lalo bebou lae, ‘Manetualain, leomae ami sala-singom-mala tuni-ndeni ami tehu tulu-fali ami sama leo O hala-hehelum-ma. Ami la'o ela O do'e-do'e; Tete'ek-ka, ami masala-masingo neu O.

YEREMIA 14:9

Tao le'e de O sama leo hataholi fo mapangamak-ka; sama leo palani tatibatu fo ta tulu-fali be'i fa do? Tehu, tao leo beeo O nai ami tala'da, Manetualain! Ami anam-mala, de O boso la'o ela ami!’ ”

YEREMIA 15:16

O kokolak mo au, de au amanene basa O hala-kokolam lala'en-na. O num au, ou Amak Manetualain Fo Manakoasa, hu ndia de O hala kokolam neni namahokok ma naua-nanale fe au.

YEREMIA 25:29

Neukose Au tao makasososa nakalulutuk ndia nai Au kotang-nga. Boso nalosak sila laedaenga neukose ata hapu huhukuk fa. Ta bole nae ta sila nanahuhuk nanahu neukose Au uni natee-natatik neu basa leoina daebafak ia poin. Au, Manetualain Fo Manakoasa nde manakokolak-ka.

YEREMIA 36:7

Fafa'kama no enok ndia, fo ala hule-haladoi neu Manetualain, ma ala tuka tei-sale dale neme sila tatao-nono'i mangalaun-nala mai. Manetualain namanasa nanseli nos, de ana fepa-li'us.”

YEREMIA 37:20

Besak ia, Ama Manek fo mandela-masa'sak, sa'di leo been-na mamanen au dokodoeng ia. Ama Manek boso haitua falik au fali lo bui manai Yonatan uman ndia, te boso nalosak mate au nai na.”

YESKIAL 36:22

Hu ndia de, manduku-malosak hata fo Au, Manetualain Fo Mademaina, nafa'da neu leoina Israel nae, ‘Hata fo, neukose Au taon nai fai makabuin, ta hu kande emi fa, hai hataholi Israel-la lemin, te hu kande emi meu su'di leo mamanak bee meu soona, emi tao manggenggeo Au na'de malalao-malalafung-nga.

YESKIAL 36:32

Hai leoina Israel-la lemin, mafandendelek leona, te Au tao basa sila-la, ta hu kande emi fa. Emi muse mame'da bibii-mamaek, ma nananakadadaek, hu kande emi ha'da-tataom-ma. Au, Manetualain Fo Mademaina, nde manakokolak-ka.’ ”

DANIAL 9:7

Ou Manetualain, O nakeketum-ma la'en tataas esa, ndoos ma matetuk tehu ami makamamaek ami aoinam-ma do'e-do'e fo nde: ami basa-basam fo manaleo nai Yudea ma Yerusalem, ma basa hataholi fo leoina esa lo ami, fo O fes tapasasala leo nusa dook-kala ma manadekak-kala, hu kande, ala ta lilineka neu O fa.

BILANGAN 6:27

Ma Manetualain nafa'da nae, “Metema ala kokolak Au na'deng-nga da'di leo baba'e-papalak neu leoina Israel-la soona, neukose Au ba'e-palas.”