DANIAL 9:16 - Susula Malalaok Hehelu Palak Ma Hehelu Beuk

¹⁶ O masala'e ami nai tepo-lelek makahulun-na so, hu ndia de, boso boe mamanasa Yerusalem, fo O kotam-ma, O pupuku malalao-malalafum-ma. Hu kande ami sala-singom, ma ami bei-ba'i kaim tatao-nono'i mangalaun-nala, boema basa hataholi manai ami boboa-kaisum-mala lakadadaek Yerusalem ma O anam-mala.

DANIAL 9:16 ပူးပေါင်းရင်းမြစ်များ

NEHEMIA 9:8

O bubuluk ana lilineka neu O, ma ana tunga paleta. Boema O tao hehelu-balataa matea-mahelek mon. Dae Kana'an, Het ma Amori, dae Feris, Yebus ma Girgasi, O sanga fen basa sila-la; da'dileo tititi-nonosin lala'en-na, mamana leleon-na. Basa boema, O tao matetu hehelu-balataak ndia ba'eneun, nana O ndoos ma matetuk, ma lilineka.

MAZMUR 143:1

Dauk Kokoa-kikiok. Ou Manetualain, mamanene au huhule-haladoing, taoafik neu au dokodoeng-nga. Mataa au hu kande O lilinekam, sipok au huhule-haladoing, hu kande O ndoos ma matetum-ma.

MAZMUR 31:1

Soaneu mauli-malanga nakameek-ka. Dauk kokoa-kikiok.

MAZMUR 41:13

O tulu-fali au, nanahu au daleng-nga ndoos, ma ana tao-na au aso'da sama-sama o O, losa dodo-na.

MAZMUR 71:2

Soi-po'i au leona, nana O ndoos ma matetuk, mamanene leona, fo soi-tefa-mala au.

MAZMUR 79:4

Ami da'di buas fo, nanahakinonolik neme leoina titia-tataik-kala mai, ala hika ma lakadadaek ami.

MAZMUR 85:4

O ta mamanasas so'on; O hela falik, O nasa-melum matuainam-ma.

MAZMUR 89:51

Ou Manetualain, mafandele, tao leo beek de, O atam ia, nananakamuu-nakadauk, au lu'a-lepa nakamumulu-nakamamaek neme leoina makadotok mai.

KELUARAN 20:5

Boso sene-do'ok neu dodoki-dudulak matak leondiak-ka, nanahu Au nde emi Manetualain, de Au ta nau makasasamak-kana no hata esa boen. Hataholi fo nakamuu-nakadau Au-a, Au hukun losa tititi-nonosi ka telu ma ka 4.

YESAYA 5:25

Manetualain namanasa leoinan-na. Naheheleaon basa, soaneu Ana hukus so. Neukose letek-kala langgengo; hataholi manamatek-kala popolan-nala besenggela-besenggali sama leo kadafuk-ka nai enok-kala lain. Tehu Manetualain bei namanasa, de neukose ka'da Ana huku.

YEREMIA 24:9

Neukose Au tao akatoto'a-akatatak-kasa tao taoleondiak, de nalosa basa leoina manai daebafak-ka ia lala'en-na da'di manabi-mamata'uk. Au fes lai mamanak bee ndia boeo, neukose sila nanahakinonolik, nanataok da'di hata nanahika-humek ma nananakamu-nakadauk. Sila na'den-na neukose nanapakek da'di soo-supak.

YEREMIA 29:18

Neukose Au usis tunga dea nenik natee-natatik, la'a-ndos-sa ma he'di-laus matuaina, de nalosa basa leoina manai daebafak ia, lame'da bibiik ala lita sila heheo-hihilun-nala. Metema Au tao tapasasalas su'di nai bea soona, neukose hataholi lame'da bibiik ma namata'uk lita hata fo manada'dik neu sila. Neukose sila nananakamuu-nakadauk ma ala pake sila na'den-na da'di leo soo-supak.

YEREMIA 32:31

Nai lelek lafofo'a kota ia, laun-nala tao-la Au nasang-nga fo'a nan seli. Au aketu basa so, soaneu tao amate-amopos,

YEREMIA 32:32

nanahu tatao-nono'i mangalauk fo nanataok neme hataholi Yehuda-la ma Yerusalem-mala, sama-sama lo basa sila manen-nala, basa manaho'u paleta, basa imam-mala ma basa nabi-la.

YESKIAL 5:14

Neukose, o da'di ai-batu manatapasasalak, ma leoina manai o boboa-kaisum-mala, neukose ala hakinonoli o; neukose basa hataholi manala'ok tunga ndia, ladook aoinan-nala neme o mai.

DANIAL 11:45

Nakalenak, neukose napadedeik lalaa temak paletan-na nai tasi ma letek-ka tala'da; letek fo Manetualain Uma mamanan-na. Tehu basa boema, neukose maten, de ta hapu hataholi esa boen tulu-fali fan.”

DANIAL 9:20

Au hule-haladoi akandoo fo manaku au sala-singong ma au leoinang Israel sala-singon-nala, boema au dokodoe neu Manetualain fo au Manetualaing-nga, fo tao matalolole uma malalao-malalafun-na.

YOEL 3:17

“Hai Israel, besak ia neukose emi bubuluk, mae Au nde Manetualain fo emi Manetualaim-ma. Au leo nai Sion, fo Au lete malalao-malalafung-nga. Soona Yerusalem boeo, ana da'di kota malalao-malalafuk, neukose hataholi nusa dea ta neu leo dalek neu so'on.

ZAKHARIA 8:3

Neukose Au fali leo Yerusalem, fo Au kota malalao-malalafung ndia u, fo Au leo nai ndia. Neukose lalelak Yerusalem, da'di leo kota manalilinekak, ma neukose loke Manetualain Fo Manakoasa pupukun-na soona, lae Pupuku Malalao-malalauk.

2 TESALONIKA 1:6

Neukose naketu-nala'di tunga matetu na, ma neukose Ana balas doidosok neu hataholi mana tao doidoso emi a.

1 YOHANIS 1:9

Tehu metema ita manaku ita sala-singon neu Manetualain soona, neukose Ana tao natetu hala hehelu na, ma naketu-nala'di tunga matetu na. Neukose Ana fe do'o do ampon neu ita sala-singon, ma Ana safe balisi ita tatao-nono'i masala-masingo nala.

SEMUEL SUSULAK-KA ESAN-NA 2:7

Hapu hataholi fo Ana taon-nan da'di nuu taa-hata taak nanseli, hapu nggelok, Ana taon-nan namasu'i boe. Hapu nggelok, nakadadaek-kana, hapu nggelok, Ana tao namadedeman boe.