DANIAL 9:15 - Susula Malalaok Hehelu Palak Ma Hehelu Beuk

¹⁵ Ou Manetualain, fo ami Manetualaim, O matu'du basa O koasam-ma nenik O moo O anam-mala kalua leme Masir mai, ma O koasam ndia bei nananafandendele nahelek. Ami masala-masingo ma tao salak so.

DANIAL 9:15 ပူးပေါင်းရင်းမြစ်များ

1RAJA-RAJA 8:51

Sila nde been-na O ana mesam, fo O moos kalua leme Masir mai, fo mamanak sila nana tuni-ndenik.

2RAJA-RAJA 21:15

Neukose, Au tao basa sila-la soaneu Au anang-ngala, nanahu lasala-lasingo neu Au, ma ala tao lafo'a Au nasa-melung, nai lelek sila bei-ba'i kain-nala kalua leme Masir mai, losa faik ia.”

2TAWARIKH 6:37

ela leo been-na O mamanene sila huhule-haladoin. Metema nai nusak ndia ala tuka tei-sale dale leme sala-singon-nala mai, de ala hule-haladoi neu O no ala manaku lae sila lasala-lasingo ma ala tao tatao-nono'i mangalauk so soona, mamanene sila huhule-haladoin, ou Manetualain.

NEHEMIA 1:10

Manetualain, ami ia O atam-mala, O ana mesam, fo O soi-tefa basan nenik O koasam-ma, ma O bei-bakai matuainam-ma.

NEHEMIA 1:6

Mete au, ou Manetualain, ma mamanene au hule-haladoi lele'do le'odaen soaneu hataholi Israel, fo O atam sila-la. Au manaku ae ami, fo hataholi Israel-la, masala-masingo so; au ma au bei-ba'i kaing-ngala masala-masingo so boe.

NEHEMIA 9:10

O tao dede'a matuaina-la soaneu mane Masir-ra, boeo soaneu hataholi mana'a ngga'di-la boema laun manai nusan-na, nana O bubuluk tao leo beek ala fepa-li'u O anam-mala. Boema O na'dem-ma nananita-nalelak losa faik ia.

MAZMUR 106:8

Tehu Manetualain soi-tefa-nalas, hu kande na'den-na, fo ela napalanin-na, da'di nananitak.

KELUARAN 13:14

Metema nai fai makabuin, emi anam-mala latane basa sila-la sosoa-ndandaan hata soona, emi muse mataa mae leo ia, ‘No koasa matuaina, Manetualain noo ita kalua teme nusa Masir-ra mai, mamanak fo ita da'di ata.

KELUARAN 13:16

Ha'da-tataok ndia, ana da'di nasanene'dak esa ba'eneu ita, sama leo ta'du esa nanapa'ak nai ita liman-na, do nai ita dedein-na. No enok ndia, neukose ana fe ita nasanene'dak tataas esa, nae Manetualain kalua heni ita teme Masir mai, nenik koasa matuainan-na so.”

KELUARAN 13:3

Musa nafa'da leoina Israel-la nae, “Nai faik ia, Manetualain, Ana soi-po'i emi nenik koasa matuainan-na, nalosa emi hapu kalua meme Masir, mamanak fo emi da'di ata. Hu ndia de, tao faik ia da'di faik nasanene'dak. Boso mi'a loti fo kamen pake laluteik.

KELUARAN 13:9

Feta ia, ana da'di nasanene'dak soaneu emi, sama leo ta'du esa, nanapa'ak nai emi limam-ma, do emi dedeim-ma. Feta ia fe emi nasanene'dak, fo moke makasi nakandoo, ma manoli Manetualain hoholo-lalanen, nana Manetualain kalua heni emi meme Masir mai, nenik koasa matuainan-na.

KELUARAN 14:18

Soona neukose, hataholi Masir-ra bubuluk, lae Au nde Manetualain.”

KELUARAN 32:11

Musa dokodoe neu Manetualain fo ndia Manetualain-na nae, “Manetualain tao le'e de O muse tao leondiak neu hataholi sila? Ade O ta soi-tefa-malas leme Masir mai, fo nenik koasa ma be'i-balakaik matuaina fa do?

KELUARAN 6:1

Manetualain kokolak no Musa nae, “Au nde Manetualain.

KELUARAN 6:6

Neukose Au tao emi da'di Au anang, ma Au da'di emi Manetualaim-ma. Soona neukose emi bubuluk, mae Au ia Manetualain, fo emi Manetualaim manasoi-po'i emi neme ata nai Masir.

KELUARAN 9:16

Tehu, Au po'ilotak emi maso'da, fo ela Au hapu atu'du Au koasang-nga neu o, nalosa Au na'deng-nga da'di nanakoa-kiok nai basa daebafak-ka lala'en-na.

YESAYA 55:13

Neukose ai kaiou-la, ala nggati makatema dila-nggauk, bubu'u-palusa bunga, ala nggati makatema dila-nggauk. Ndia da'di, fo ela Au nanakoa-nanakiok; da'di leo, ta'du-tana manaketu-basa tak, fo neukose ta mopo fan.”

YESAYA 64:4

Beita hapu, hataholi namanene hai, ma beita hapu, hataholi nita hai, nae fe'ek neme O mai, hapu manetualain fe'ek fo, ana tao-no'i ba'eneu hataholi fo, namahena neun.

YEREMIA 14:20

Manetualain, ka'da ami masala-masingo basa neu O. Ami manaku aom ami sala-singom-mala ma ami bei-ba'ikaim-mala sala-singon-nala.

RATAPAN 3:42

“Ou Manetualain, ami masala-masingo ma lena-la'ban O so, de O ta fe do'o do ampon fa.

YESKIAL 5:6

Tehu, Yerusalem ta sipok Au paletang-nga fa, te se'kona ndia mangalaun-na lenaheni leoina fe'ek-kala, lena-lenak langabatun-na lenaheni basa nusaina manai boboa-kaisun-na. Yerusalem la'olena Au paletang-ngala, ma ana ta nau tunga Au hoholo-lalaneng fa.”

DANIAL 9:5

Ami masala-masingo basa so, ami tao tatao-nono'i mangalauk ma tao salak so. Ami la'ban ma la'olena O paletam-ma so, boema ami la'ok sala neme O nakanenetem-mala.

LUKAS 15:21

Boema ni'iana ndia nafa'da aman nae, ‘Ama, au asala-asingo basa neu Manetualain ma neu Ama so. Au ta andaa da'di Ama anan so'on.’

LUKAS 18:13

Tehu manasusu bea ndia napadeik nai doo ka, ma nakalenak ta napalani nanganalo leo lalai neu fa. Ana lane lima na neu fana na ma nakatele langa na de nae, ‘Ou Manetualain, sue-lai au hataholi masala-masingok ia!’ ”

2 KORINTUS 1:10

Ndia nde soi-tefa nala ami neme susa-soe mamates matuaina ndia mai. Ma mahani te neukose Ndia boeo nde neukose soi tefa nala ami nai fai makabuin, nana ami tao ami namahehena ma neu ka'da Ndia mesa kana.

ULANGAN 5:15

Mafandendelek te, makahulun-na emi da'di ata neme Masir, boema emi Manetualaim-ma soi-po'i emi, nenik be'i-balakai matuainan-na. Hu ndia de, au paleta emi fo tao malalao-malalafu fai Sabat-ta.