DANIAL 9:13 - Susula Malalaok Hehelu Palak Ma Hehelu Beuk

¹³ Susa-soe fo nanasulak nai Musa susula hoholo-lalanen lala'en-na dalek, O mapalunis neu ami so. Tehu leomae leondiak boe, ou Manetualain fo ami Manetualaim, ami ta nau sipok-kana fo tao mamahoko O dalem-ma fa. Ami ta nau la'oela ami sala-singom makandondook fa, boeo ami ta nau taoafik neu O nanolim-mala fa.

DANIAL 9:13 ပူးပေါင်းရင်းမြစ်များ

2RAJA-RAJA 22:16

Manetualain dede'a-kokolan nde ia nae, “Neukose, Au huku Yerusalem no basa laun-na lala'en-na, sama leo hata fo, nanasulak nai susulak fo, besak-ka manek-ka lees ndia dalek

AYUB 36:13

Hataholi lamatua taak-ka, nape'da nasa-meluk; leomae, Manetualain hukun boe, ala ta nau loke tutulu-fafalik fa.

MAZMUR 119:18

Tao malaak au matang-nga, fo ela au ita nanolik fo nanadodoo doak nai O hoholo-lalanem dale.

MAZMUR 119:27

Tulu-fali au, fo au alelak matalolole O hoholo-lalanem-mala, neukose au tai-dodoo, O nanolim fo, nanadodoo doak ndia.

MAZMUR 119:73

O nde makadada'dik, ma fe au lupa-aok, fe au malelak, fo au anoli O paletam-mala.

MAZMUR 85:4

O ta mamanasas so'on; O hela falik, O nasa-melum matuainam-ma.

YESAYA 31:1

Soe ba'eneu hataholi fo, neu noke tutulu-fafalik neme Masir mai. Dalen-nala lamatua neu Masir solda'dun-nala be'i-balakain, no solda'du manasa'e ndalan-nala, ma ndalan-nala balakaik mesa-mesan, boema kaleta makadoton-nala. Tehu ala ta lamahele Amak, fo Israel Manetualain malalao-malalafun-na fa, de ta loke tutulu-fafalin fa.

YESAYA 42:9

Besak ia, Au afa'da elak-ka, ana da'di so; Au nau afa'da dede'a beuk-kala; basa sila-la beita da'di fa te, Au afa'dan neu o so.”

YESAYA 43:22

Manetualain nafa'da nae, “Tehu o, fo Israel, o ta sene-do'ok neu Au fa, ma ta makatele neu Au so'on.

YESAYA 64:6

Ami basa-basam-mala nde been-na, hataholi manggenggeok, nakalenak ami tatao-nono'i malolem-ma boeo, ta kandaak ma maggenggeok. Neukose mopok ami, nanahu ami tatao-nono'i mangalaum-ma, sama leo anin-na fuu neni akidook-ka.

YESAYA 64:7

Ta hapu manahule-haladoi neu O, do noke O tutulu-fafalim fa, nana O mafuni o mata-panam neme ami mai, ma O po'ilotak ami sala-singom tao namate-namopo ami.

YESAYA 9:13

Hu ndia de, ka'da nai faik esa dalen-na mesan, Manetualain huku Israel mauli-malangan ma laun-nala. Ana te'te heni langan-na ma ikon-na de Ana tapa henis.

YEREMIA 2:30

Palsuma la'iesak-kana, Au huku emi, nana emi ta nau sipo nanoli-nafa'dak fa. Emi sama leo singa kamulus-sa, de emi taomisa basa emi nabim-mala.

YEREMIA 30:14

Basa emi manasue-manalain-nala lasanggango heni emi so; Ala ta nau lafandele emi so'on. Sama leo musu-a sapun-na emi, ma Au huku emi nenik nasak, nanahu emi sala-singom ba'uk-ka ma emi kilu-salam-mala matuaina.

YEREMIA 31:18

Au amanene hataholi Israel-la lafa'da lae, henuk no dale he'dik-ka, ‘Ou Manetualain, ami sama leo bana-manu-a fo beita nakalilik na fan, tehu O manoli ami de ami mateme so, de besak ia ami mahele aon soaneu fali ma'im-ma lo O-a neu. Da'di mo falik ami ma'im-ma lo O-a neu, Ou Manetualain, fo ami Manetualaim-ma.

YEREMIA 44:27

Nekose Au ulepo'de fo ela emi tu'da-monu ma so'dam-mala ta neulauk fa, losa mate la'iesak emi nai natee-natatik-ka dalek do nau hukande hedi-laus matua ina.

YEREMIA 5:3

Te'e-te'e, Manetualain nokek-ka nde, lilinekak-ka. Manetualain fepa emi, tehu emi ta mafaduli fa. Ana tao nakalulutuk emi, tehu emi ta nau nanoli emi fa. Emi langa batu, ma ta nau tuka tei-sale dale meme emi sala-singom mai fa.

RATAPAN 5:21

Ou Manetualain, moo falik ami leo O mai; neukose ami fali ma'im-ma leo O mai! Tao falik ami ha'da-tataom sama leo makahulun-na.

YESKIAL 16:43

Au huku o nanahu, o ta mafandele, tao leo beek de, Au puli-amo'do o, nai lelek o bei muli-solum-ma. O taom-ma Au amanasa nenik, o tatao-nono'i mangalaum sila-la. Tao le'e de, o bei popo-tama seluk o ha'da-tataom nanamaluak sila-la, nenik sosoa-piaok-ka bai? Au, Manetualain Fo Mademaina, nde manakokolak-ka.”

DANIAL 9:11

Israel lala'en-na, la'olena O hoholo-lalanem, ma ta nau lamanene O halam-ma fa. Ami masala-masingo soaneu O, hu ndia de, O fe soo-supak fo nanasulak nai O atam Musa Susulan dale, tuni la'e ami.

HOSEA 7:10

Hataholi Israel-la, koao-ndaeaon nananitak no mangale'dok, de ana da'di buti neu sila salan-nala. Leomae basa sila-la ala da'di so, te ala ta sanga Au boen, do ala fali leo Au, fo Manetualain, fo sila Aman Manetualain fa.

HOSEA 7:14

Ala ta hule-haladoi te'e-te'e neu Au fa. Metema ala hulu-haladoi soona, ala bala aoinan-nala leu pepe'uk lain, fo ala makaleleu sama leo hataholi fo ta lamahele neu Au-a, tatao-nono'in. Metema ala hule-haladoi, fo loke gandum ma angol soona, ala tao lahina aoinan-nala, sama leo hataholi manasene-do'ok neu lamatua daebafak-ka, tatao-nono'in. Te'e-te'e, ala lena-la'ban Au!

HOSEA 7:7

No nasamelu mangalaun-nala, ala taolisa sila mauli-malangan-nala. Ala taolisa basa manek-kala bee iko. Tehu leomae ha'da-tataok-ka da'di mangalauk leondiak so, te ta hapu hataholi esa boen, hule-haladoi neu Au, fo noke tutulu-fafalik fa.”

LUKAS 24:45

Basa boema, Yesus buka dudu'a-aafi nala fo ela lalelak Susula Malalao ka sosoa-ndandaan.

YOHANIS 10:35

Ita bubuluk basa, hata fo nanasulak nai Susula Malalao ka dalek, ana da'di losa dodoo na. Hu ndia de, metema Manetualain foi basa hataholi ta manasipok dede'a-kokola na, na'de ‘lamatua daebafak’,

YOHANIS 6:45

Ala sula kana nai Nabi la Susulan dale nae leo ia: ‘Neukose Manetualain nanoli basa hataholi la.’ Hu ndia de, see namanene Ama ka, ma nanoli neme Ama ka mai soona, ana mai leo Au mai.

YOHANIS 8:32

boema neukose emi malelak Manetualain fo ndo sa, soona neukose Ana soi-tefa na emi.”

EFESUS 4:21

Emi mamanene Kristus so! Ma da'dileo ana mana tungan, de lanoli basa emi Manetualain ha'da-paliin fo hapun nai Kristus dale ka so.

ULANGAN 29:4

Tehu losa faik ia, Ana beita nau fe emi malelak, basa hata fo, emi la'ola'din ndia, sosoa-ndandaan-nala fa.

YAKOBIS 1:5

Metema hapu hataholi esa nai emi dalek, dudu'a-aafi manatee teno na beita dai fa, soona ela leo bee na, ana noke neme Manetualain mai fo neukose Manetualain fen dudu'a-aafi manatee tenok; nana Manetualain fe no dale malole ma susue-lalaik, neu basa hataholi la.