DANIAL 8:5 - Susula Malalaok Hehelu Palak Ma Hehelu Beuk

⁵ Lelek au bei meten te, au ita bi'ihii mane esa, nalai-nalai mesan neme muli mai tunga daebafak-ka poin-na. Nalaik nakamiu, nalosa ein-na ta deta dae-a fa. Nai matan duas tala'da, hapu susulak esa namanalu.

DANIAL 8:5 ပူးပေါင်းရင်းမြစ်များ

DANIAL 11:3

Basa soona, neukose mane mabe'i-balakaik esa to'da mai. Neukose ana paleta nusa matuaina, ma ana tao tunga ka'da dale hihiin-na.

DANIAL 2:32

Langan-na nanataok neme lilopila isik-ka mai, fanan-na ma alun-na neme lilofulak-ka mai, ma tala'dan-na ma pabu'un-na neme liti-a mai,

DANIAL 2:39

Tehu lelek Ama Manek nusan-na nate'e soona, neukose nusak fe'ek esa to'da mai, tehu ta ba'u Ama Manek nusan-na fa. Basa soona, nusa ka telu-a to'da mai, fo nakasasaman-na nde liti manai dodoki-dudulak ndia, fo neukose ana koasa basa daebafak-ka lala'en-na.

DANIAL 7:6

Lelek au bei taoafik neun te, bana fe'ek esa to'da mai. Lupan-na sama leo macan tutul-la, tehu hapu manupui li'dak 4, nai muliha'in-na, ma langan 4. Meten soona, maneni-mafa'dak.

DANIAL 8:21

Bi'ihi mane ndia, nakasasaman-na nde nusa Yunani-a, ma susulak fo namanalu nai matan duas tala'da ndia, nde manen makasososan-na.

DANIAL 8:6

Bi'ihii mane ndia neu deka no bi'ilopo mane fo au itan nai lee ndia su'un-na, boema no nasa-melun, neu sapu-nan.

DANIAL 8:8

Bi'ihii mane ndia boetai namatuak-ka. Tehu lelek ana losa koasan-na mate'en-na boema, la'di heni susula matuainan ndia, boema susulak mata beuk 4, ala moli nai mamanak ndia, de esa-esak natu'du leo mamana fe'ek neu.