DANIAL 8:3 - Susula Malalaok Hehelu Palak Ma Hehelu Beuk

³ de nai lee ndia su'un-na, au ita bi'ilopo mane esa susulan 2 manaluina, de esa nalu lena ma beuk neme esak-ka mai.

DANIAL 8:3 ပူးပေါင်းရင်းမြစ်များ

1 TAWARIKH 21:16

Dauk nita ata nusa so'dak ndia laa nai lalai n daebafak ka tala'da. No tafaina manai liman-na ndia, ata nusa so'dak ndia naheheleaon soaneu tao namate-namopo Yerusalem. Boema Dauk ma mauli-malangan laun nala, fo nai lelek ndia ala bei pake bua papake lafa lapik fo da'di ta'du-tana sale dalek ka, ala senek leu dae lain.

EZRA 1:2

“Kores, fo mane Persia, paletan-na nde ia. Amak, Manetualain fo manakoasa nai nusa so'dak-ka, nakadada'dik basa au da'di manek neu basa daebafak-ka lala'en-na, ma Ana paleta au, fo afofo'a fen uma nai Yerusalem, fo nai nusa Yehuda.

EZRA 4:5

Ala solo manapaleta Persia nenik doik, fo ela hataholi Yahudi-la dale tutu'un ndia, boso da'di. Dede'ak ndia, ana da'di nahele, neme lelek Mane Kores-sa ana paleta, losa Mane Darius-sa paleta.

ESTER 1:3

Ana paleta neu teu ka telun-na boema, Mane Ahasyweros-sa tao feta matuaina soaneu basa hataholi matua-mademan-nala, ma hataholi mana'a ngga'din-nala. Basa malanga musu Persia ma Media-la, lai feta ndia boe, leondiak boe, basa gobelnol-la, ma basa manapaleta matua-madema propensi-la, lai ndia boe.

YESAYA 13:17

Manetualain nafa'da nae, “Au hoka leoina Madai, fo ala sapu-la Babel. Ta bisa solo hataholi sila-la dalen-na nenik lilofulak do lilopilas fa.

YESAYA 21:2

Au hapu ninitak la'eneu manada'dik-kala leni bibii-namata'uk; la'eneu nalelesik ma mamate-momopok. Tutulumatak, solda'du Elam-mala lemin, fo sapu leona! Hai solda'du Madai-la lemin, makahapi-man leona! Neukose Manetualain tao nate'e basa Babel tao doidosok-kala.

YESAYA 44:28

Au nde afa'da neu Kores ae, ‘Neukose o nde paleta soaneu Au, ma tao-no'i basa Au hihii-nanaung lala'en-na. Fe paleta leona, fo ela nafofo'a seluk Yerusalem, ma tao Manetualain Uman-na neten-na.’ ”

YEREMIA 51:11

Manetualain nakaduduk Manek Media, hu ka nde ndia sanga tao nakalulutuk Babel. Enon-na leondiak fo ana hapu balas falik hataholi fo manatao nakalulutuk Uman-na. Basa malanga soloda'du sila la paleta, “Fofola matane kokou isik-kala! Ho'i-ma babaafanak-kala!

DANIAL 10:5

Au anganalo boema, au ita hataholi esa bua papaken-na nanataok neme tema a'balutu, ma kalikeen-na neme lilopila isik-ka mai.

DANIAL 2:39

Tehu lelek Ama Manek nusan-na nate'e soona, neukose nusak fe'ek esa to'da mai, tehu ta ba'u Ama Manek nusan-na fa. Basa soona, nusa ka telu-a to'da mai, fo nakasasaman-na nde liti manai dodoki-dudulak ndia, fo neukose ana koasa basa daebafak-ka lala'en-na.

DANIAL 6:28

Ana soi-tefa ma Ana soi-po'i, Ana tao manada'di beuk ma dede'a matabeuk nau nai lalai do nai daebafak-ka boe. Ana soi-tefa-na Danial neme singa-la bafan-na mai so.”

DANIAL 7:5

Bana ka dua, lupan-na sama leo beruang-nga. Napadeik nenik ei buin-na, ma ana kaa neni kaisu duik 3 nai nisin-nala tala'da. Au amanene halak-ka nafa'dan nae, “Ayo, mu'a paa su'di bebe'ik-ka leona!”

DANIAL 8:2

Nai ninitak ndia dalek, au ita au nai propensi Elam, nai Sudan fo nusa Persia polon-na. Au apadeik deka Lee Ulai

DANIAL 8:20

O mita bi'ilopo mane fo nanuu susulak 2 ndia, nakasasaman-na nde nusa Media ma nusa Persia.

ZAKHARIA 1:18

Nai ninita fe'ek esa dalek, au ita sapi susulak 4.

ZAKHARIA 2:1

Nai ninita manatungak-ka dalek, au ita touk esa ho'u tali uukuk.

ZAKHARIA 5:1

Au mete seluk, de oek ia soona, au ita susula dok nanalunuk esa, ana laa nai lalai.

ZAKHARIA 5:5

Ata nusa so'dak ndia, to'da mai seluk, de nafa'da au nae, “Mitak! Hapu manamai seluk!”

ZAKHARIA 5:9

Au anganalo leo lain neu te, au ita inak 2, ala laa lasale leo au mai. Li'dan-nala balakaik sama leo manupui danoe li'dan-na. Boema, ala ho'i-la sapai naka'sa, de ala laa leona.

ZAKHARIA 6:1

Au hapu ninita fe'ek. Oek ia, au ita kaleta natee-natatik 4, ala kalua leme lete liti 2 tala'da mai.

BILANGAN 24:2

de nita leoina Israel-la bei ofu nai bubuak-kala dalek, tunga leoinan leon-nala. Boema, Manetualain Duladalen-na koasan-na Bileam,

YOSUA 5:13

Faik esa boema, Yosua nai mamanak esa, deka no Yerikho. Kaiboik, nita touk esa, napaadeik nai matan-na, no tafainan-na nai liman dale. Yosua neu deka no hataholi ndia, de natanen nae, “O ia, tia-laik do musu?”

NINITAK 13:11

Boema au ita bana fe'ek esa ana kalua neme daebafa ka bui na mai. Bana ndia susulan dua sama leo bi'ilopo ana susula na. Ma hala na sama leo naga hala na.

NINITAK 5:6

Basa boema au ita Bi'ilopo Ana esa napadeik nai kandela manek ndia tala'daheon, ma mahahae kaha kala ma lasi-lasik sila la okofefeo lan. Bi'ilopo Ana ndia meten soona sama leo nanado'do basa ka so. Susulan hitu ma matan hitu: fo nde Manetualain Dula Dale kahitun fo nadenus leu leo basa daebafa ka ala'ena.