DANIAL 8:24 - Susula Malalaok Hehelu Palak Ma Hehelu Beuk

²⁴ Neukose balakain-na seli, tehu ta hu kande be'i-balakai mesan-na fa. Neukose neni momopo-mamatek fo bibii namata'uk matuaina, ma hata fo ana tao-no'in, neukose neni buna-boak. Neukose ana tao namopo-namate hataholi mabe'i-balakai lea-la, ma Manetualain anan-nala.

DANIAL 8:24 ပူးပေါင်းရင်းမြစ်များ

MAZMUR 37:35

Au ita hai, hataholi mangalauk esa, ana hii kokolak bafa louk; ndia sama leo ai fo doon-na momo'dok, ma okan-na tola demak-ka.

DANIAL 11:23

Ana nalelesi hehelu-balataak fo besak-ka ana taon no leoina fe'ek-kala. Ma neukose ana boetai da'di mabe'i-balakaik, leomae ka'da ana paleta nusa anak boe.

DANIAL 12:7

Hataholi ndia so'uk liman duas leo lalai neu. Au amanenen ana soo nenik Manetualain fo manaketu basa taak-ka na'den-na nae, “Manada'dik sila-la neukose ala da'di teuk telu seselik. Lelek ala hahae fepa-li'u Manetualain anan-nala soona, manada'di matabeuk sila late'e.”

DANIAL 7:25

Neukose ana kokolak la'ban Manetualain Fo Mademaina, ma ana tuni-ndeni Manetualain anan-nala. Neukose ana sanga enok, fo ana nggati heni hoholo-lalanek, ma Manetualain anan-nala agama-na fai malolen-nala, ma neukose ana koasas teuk telu seselik.

DANIAL 8:10

Susulak ndia boetai namatuak-ka, losa balakain-na dai soaneu sapu-na solda'du nusa so'dak-kala fo nde nduuk-kala, nakalenak ana tapa nggelok leo dae lain neu, de ana heheta-aa'is.

DANIAL 8:11

Nakalenak naheek no solda'du nusa so'dak-kala malangain manai lain-na, ma ta bole tunu-hotu tutunu-hohotu su'di faik fo ala tunu-hotu fen neu malanga solda'du manai lain ndia, ma ana tao natu'u uma mamason-na.

DANIAL 8:12

Boema hataholi manai naa-la mulai lasala-lasingo, ma ala ta tunu-hotu tutunu-hohotuk fo muse ala fen ndia fa. Boema, ana lokopilo heni uma makaluku-makatele matetuk-ka neu dae lain. Susulak ndia tatao-nono'in lala'en-na neni buna-boak.

DANIAL 8:23

Sanga losa nusak sila-la mate'en-na, ma tatao-nono'i mangalauk-ka henu daebafak-ka soona, neukose manek esa langa batuk ma malela tipu-daik, ana to'da mai.

NINITAK 16:6

Hataholi daebafak mangalau kala taolisa Manetualain hataholi kamahehele nala ma nabi nala so. Besak ia O fes linu daak. Memak ndia nandaa soaneus!”

NINITAK 17:17

Nanahu Manetualain nakababale basa dale nala soaneu lakalala'ok Manetualain dale tutu'u na. Manetualain tao nalas lalahalak soaneu ala fe sila koasa na neu bana ndia, fo ela bana ndia paleta losa hata fo Manetualain nafa'da ka ana da'di.

NINITAK 17:6

Boema au ita inak ndia mafuk hu ka nde Manetualain hataholi kamahehele nala daa na, hataholi fo nanataonisak nanahu ala lilineka neu Yesus. Lelek au ita inak ndia boema au bafang poo-poo.

NINITAK 19:2

Nakeketu na tunga ka'da ndo na, ma manatee tenok. Naketu basa huhukuk soaneu manasosoa-piao matuaina, fo manatao nalutu daebafa ka ninik sosoa-piaon. Manetualain huku basa manasosoa-piaok ndia, nana ana taonisa Manetualain ata nala.”