DANIAL 8:14 - Susula Malalaok Hehelu Palak Ma Hehelu Beuk

¹⁴ Au amanene ata nusa so'dak esa seluk nataa nae, “Losa faik 1.150 seluk. Nai lelek ndia, ala ta fe tutunu-hohotu le'donosok ma tutunu-hohotu fafaik fa. Basa ndia soona, besak-ka uma mamasok-ka neukose nanatao matalololek.”

DANIAL 8:14 ပူးပေါင်းရင်းမြစ်များ

KEJADIAN 1:5

de Ana foi mangale'dok ndia, na'de “Lele'dok” ma makahatuk ndia, na'de “Le'odaek”. Le'odaek-ka basan boema fafaik-ka da'di. Fo ndia nde, fai ka esan-na.

YESAYA 1:27

Manetualain ndoos ma matetuk, boema Ana soi-tefa-na Yerusalem, ma hataholin fo manasale dalek-kala.

YESAYA 45:25

Tehu, Yakob tititi-nonosin, neukose nanasoi-tefak, ma neukose ala koa-kio Au, fo Manetualain.

DANIAL 12:11

Mulai neme hahae tutunu-hohotu fai-faik-ka, ma hata esa fo neni bibii namata'u matuaina, fo loken lae Mangalauk fo manatao nakalulutuk ndia, napadeik natetu soona, neukose seli faik 1.290.

DANIAL 12:12

Maua-manalek neu sila fo lilineka lahele losa fai ka 1.335 ndia.

DANIAL 12:7

Hataholi ndia so'uk liman duas leo lalai neu. Au amanenen ana soo nenik Manetualain fo manaketu basa taak-ka na'den-na nae, “Manada'dik sila-la neukose ala da'di teuk telu seselik. Lelek ala hahae fepa-li'u Manetualain anan-nala soona, manada'di matabeuk sila late'e.”

DANIAL 7:25

Neukose ana kokolak la'ban Manetualain Fo Mademaina, ma ana tuni-ndeni Manetualain anan-nala. Neukose ana sanga enok, fo ana nggati heni hoholo-lalanek, ma Manetualain anan-nala agama-na fai malolen-nala, ma neukose ana koasas teuk telu seselik.

DANIAL 8:26

Ninitak la'eneu tutunu-hohotu le'donosok ma fafaik fo nananafa'da mangalele'do basak neu o ndia, tete'ek-ka neukose ana da'di. Tehu basa sila-la, neukose ala da'di nai fai manamaik-ka fo bei dook-ka; da'di boso tui hataholi esa boen.”

GALATIA 3:8

Susula Malalao ka nafa'da basa nakahuluk dede'ak ndia nae, metema Manetualain nau hataholi ta Yahudi la nau malole falik loon soona, sila muse lamahelen dei. Hala Malole ndia, nananafa'da nakahuluk neu Abraham, nai hala hehelun ia dalek nae, “Neukose Manetualain fe baba'e-papalan neu basa hataholi daebafa ka lala'e na, tunga o.”

NINITAK 11:15

Boema ata nusa so'da kahitu puu pupuu na, boema nai nusa so'da ka hala kala nananamanenek bela na seli nafa'da nae, “Koasa soaneu paleta daebafa ka besak ia nai ita Manetualain ma Mane Mana Fe So'dak fo nanahelu ka, liman dale. Neukose Ana paleta losa dodoo na!”

NINITAK 12:14

Tehu ala fe inak ndia manupui kaka'ka li'da matuainan dua, fo ela ana laa leo mamana na nai mo maloa. Mamanak fo nai bee lakaboboin teuk telu seselik, fo daenga naga ndia boso boe tao nahe'di bain.

NINITAK 13:5

Bana ndia sipo hak fo koao-ndaeao de nalosa nakamumulu-nakamamaek Manetualain. Manetualain fen koasa bulak hahulu dua dale na.