DANIAL 8:13 - Susula Malalaok Hehelu Palak Ma Hehelu Beuk

¹³ Basa boema, au amanene ata nusa so'dak-kala, esa nafa'da esa nae, “Basa hata fo nananitak nai ninitak ndia dalek-ka, neukose ana da'di losa faihi'da? Sala-singo matuaina ndia, ana nggati tutunu-hohotu su'di faik-ka losa faihi'da? Ana heheta-aa'i solda'du nusa so'dak-kala ma uma mamasok ndia losa faihi'da?”

DANIAL 8:13 ပူးပေါင်းရင်းမြစ်များ

MAZMUR 74:10

Ou Manetualain, losa faihi'da, musu-a hakinonoli O? Ala lakamumulu-lakamamaek O na'dem-ma, losa dodoon-na do?

MAZMUR 74:9

Ta mita nabi-nabi, ma manada'di beuk so'on, ma ta hapu hataholi esa boen, ana bubuluk, manada'di leoiak-ka, nakandoo losa faihi'da.

MAZMUR 79:5

Ou Manetualain, O mamanasa, ma O nape'da dalem-ma pila lo'a-lo'a sama leo ha'i-a losa dodoon-na do?

YESAYA 28:18

Emi hehelu-balataam mo mamates-sa, ma emi mala halak mo hataholi manamatek-kala daebafan-na, neukose ta da'di fa, nalosa, metema soe-a ana mai soona, emi lutu-lutu, nanahu nanaheheta-aa'ik.

YESAYA 6:11

Boema au atane ae, “Manada'dik ia, ana da'di losa faihi'da Manetualain?” Boema nataa nae, “Losa kota-la da'di batu nananaunuk, fo ala da'di kota louk, hataholi ta leo uma-la so'on, ma dae-a da'di louk ma tokotik,

YESAYA 63:18

Tao le'e de, O po'ilotak, musu-a heheta-aa'i, O Umam-ma, ma hataholi-la tao langgenggeo, O pupuku malalao-malalafum-ma?

YESAYA 9:6

Ana paleta da'di leo manek fo Dauk tititi-nonosin, koasan-na matuaina nanseli Nusan-na mole-dame, tetu-temak tataas esa; paletan-na nangatuuk nai hoholo-lalanek, ndoos ma matetuk lain, neme besak ia, ma losa dodoon-na. Tao leo bee-o, Manetualain Fo Manakoasa nakalala'ok-kana.

YEREMIA 12:10

Manakoasa nusa dea ba'uk-ka tao lalutu la'iesak Au osi angol-la, ma ala heheta-aa'i lakalulutuk basa Au tina-osing lala'en-na. Au nusang fo malole-mana'a, ala tao lasafalin da'di moo-solokaek fo mamana nes.

DANIAL 11:31

Boema ana haitua solda'du-la leu tao langgenggeo Manetualain Uman-na. Neukose ala lose heni tutunu-hohotu fai-faik-ka de napadedeik-na hata esa nakatata'u nanseli, fo loken lae Mangalauk fo manatao nakalulutuk.

DANIAL 12:11

Mulai neme hahae tutunu-hohotu fai-faik-ka, ma hata esa fo neni bibii namata'u matuaina, fo loken lae Mangalauk fo manatao nakalulutuk ndia, napadeik natetu soona, neukose seli faik 1.290.

DANIAL 12:8

Memak au amanene nafa'da basa dede'ak sila-la, tehu au ta alelak sosoa-ndandaan fa. Boema au atanen ae, “Tuan, tao leo bee fo basa ia-la late'e?”

DANIAL 4:10

Lelek au sungu, boema au ita ai huuk esa, ana moli nai daebafak-ka tala'da heon.

DANIAL 4:13

Lelek au dudu'a-dodoo ninitak ndia boema, au ita ata nusa so'dak esa kona neme nusa so'dak-ka mai; meten soona, nono'kabai naheheleao ma nanea besa-besa.

DANIAL 4:23

Ama Manek boeo nita ata nusa so'dak esa kona neme nusa so'dak-ka mai de nafa'da nae, ‘Lo'o heni ai ia fo taomisan, tehu huun nanalo'o elak-ka, nemen-na fo nahele neme dae dale. Pa'an nenik namosina besi ma liti, fo la'oelan neme moo mana'uk-ka. Ela nemen-na fo nakadoe dinis ma nakabubua no bana-manu teuk 7 dalen-na.’

DANIAL 7:16

Boema, au u deka o hataholi esa nai hataholi manamapadeik mani sila-la, de au oken nafa'da mangalele'do basa sila-la lala'en-na. Boema nafa'da.

DANIAL 7:23

Au hapu hala nafa'da mangalele'dok-ka nde ia: “Bana ka haak sila-la nde nusa ka haak fo neukose lapadeik nai daebafak-ka, ma neukose ta sama no nusa fe'ek-kala fa. Nusak ndia neukose ana tao nakalulutuk, ma na'a heni basa daebafak-ka lala'en-na, ma ana heheta-aa'i bei elak-kala.

DANIAL 9:27

Neukose manek ndia tao hehelu-balataa matea-mahelek no hataholi makadotok nai teuk 7 dalen-na. Nai tepo-lelek ndia tala'da, neukose ana tao nate'e tutunu-hohotuk ma tunu-hotuk. Basa soona, hata esa nakatata'u fo loken soona lae, Mangalauk fo manatao nakalulutuk, neukose nanape'dak nai Manetualain Uman-na, neukose nahele neme ndia, losa hataholi manape'dan neu mamanak ndia, momopo-mamates tuni-nalan; fo nde momopo-mamates fo Manetualain naketu basa soaneun so.”

ZAKHARIA 1:19

Au atane ata nusa so'dak, fo manakokolak basa no au-a ae, “Bana susulak sila-la, sosoa-ndandaan beek?” Boema nataa nae, “Bana susulak sila nde been-na, ta'du-tana neme nusa-nusak balakaik fo manatao tapasasala laun Yehuda, Israel ma Yerusalem-ma.”

ZAKHARIA 14:5

Neukose, emi malai tunga bafak fo manaba'e letek ndia neu 2. Neukose emi malai sama leo emi bei-ba'i kaim-mala, nai lelek dae manggengok-ka, ana da'di nai tepo-lelek, Uzia fo mane Yehuda paleta. Boema, Manetualain fo Manetualaing-nga, Ana mai, no basa ata nusa so'dan-nala tungan.

MATEOS 11:27

Boema Yesus kokolak seluk nae, “Basa hata lala'ena, Ama fe basan neu Au so. Ta hapu hataholi esa boen hapu nalelak Ana ka, ta'da fe'e Ama ka. Ma ta hapu hataholi esa boen, hapu nalelak Ama ka, ta'da fe'e Ana ka, ma hataholi-hataholi fo lalelak Ama ka tunga Ana ka.

MATEOS 24:15

“Neukose emi mita ‘Mangalauk fo mana tao makalulutu ka’, nangatuuk nai mamana malalao ka, sama leo nabi Danial-la nafa'da ka. Basa hataholi fo mana lee ia, so'ba malela kana leona.

MARKUS 13:14

“Nai faik esa te neukose emi mita, ‘Nitu Mangalauk fo Mana Tao Nakalulutu ka’ napadeik nai mamanak fo nanapa'dak ba'eneun. (See lees ia soona, so'ba malela kana leona!) Metema lelek ndia emi nai Yudea soona, emi muse malai leo lete lepa kala meu.

LUKAS 10:22

Basa hata lala'ena, Ama fe basan neu Au so. Ta hapu hataholi esa boen nalelak Ana ka, ka'da Ama ka mesa kana. Ta hapu hataholi esa boen nalelak Ama ka, ka'da Ana ka mesa kana, ma neu hataholi see fo Ana ka fe Ama ka nalela kana.”

LUKAS 21:20

Yesus kokolak nakandoo nae, “Metema emi mita solda'du la lapadei okofeo la Yerusalem soona, neukose emi bubuluk mae kota ndia ta doo ka so'on te neukose nanatao nakalulutuk.

LUKAS 21:24

Hapu nggelok neukose nanataonisak ninik tafaina, hapu nggelok neukose lon da'dileo hataholi nanahukuk leo hataholi nusa-namon. Hataholi fo ta nalelak Manetualai na, neukose ala heheta-aa'i Yerusalem losa basa faik fo Manetualain naketu basan soaneu sila.”

YOHANIS 1:18

Beita la'iesa boen fo hataholi hapu nita Manetualain, ka'da Ama ka Ana kisa na mesa kana, fo sama leo Ama ka, boema Ana da'di esa no Ama ka. Ndia nde natu'du Ama ka neu ita.

ULANGAN 33:2

“Manetualain Ana mai neme Letek Sinai mai; Ana tii nai Edom lain, sama leo le'do-a, ma neme Letek Paran-na mai, de nasalaa-na anan-nala. Ata nusa so'dak, lifun sanahulu, ala mai sama-sama loon; ma ha'i pila nai boboa konan-na.

1 TESALONIKA 3:13

No enok ndia, neukose Lamatua ka natetea-nahehele emi dale ma, fo emi da'di malalaok, ma emi ta masala-masingo nai ita Aman Manetualain matan, nai lelek fo ita Lamatuan Yesus, Ana mai no basa hata fo ana da'di Ndia nuu nala.

IBRANI 10:29

Huhuku na bela na seli, nanaketuk neu hataholi fo ana heheta-aa'i Manetualain Anan na. Hu ka nde hataholi ndia nakadadaek Manetualain hehelu-balataa daa na, fo nde Kristus mamate na, fo mana tao balisin neme sala-singon mai. Ndia boeo nakamumulu-nakamamaek Manetualain Dula Dalen fo mana fe do'o do ampon matua ina nanseli a.

1 PETRUS 1:12

Manetualain nafa'da nabi sila la nae, hata fo sila tao-no'in ndia, ta soaneu sila paluu na fa, tehu soaneu emi paluu ma; fo nde basa dede'ak fo besak ia emi mamanenen no mangale'dok neme manatui-benga Hala Malole la'eneu Yesus Kristu sa. Hataholi sila, ala tui-benga dede'ak sila la neu emi, ninik Manetualain Dula Dale na koasa na, fo Ana haituan neme nusa so'da ka mai. Lena-lenak ata nusa so'da kala boeo, ala lahiik bubuluk halak fo hataholi sila la tui-bengak ndia.

YUDAS 1:14

Hanok nde bee na, bobongi ka hitu a, neme Adam mai, fo makahulu na nafa'da ela la'eneu hataholi sila la nae, “Mete leo na, te neukose Amak Manetualain Ana mai no ata malalaon lifu-lifu kala,

NINITAK 11:2

Tehu boso uku uma so'dak manai Manetualain Uman ndia dea ka, nana mamanak ndia fe basan neu hataholi ta manamalelak Lamatua ka fa. Neukose ala heheta-aa'i kota malalaok ndia, dodoo na bulak hahulu dua dale na.

NINITAK 6:10

Samanek sila la nggasi lapane'e lae, “Ou Lamatuak Fo Mana Koasa, O Malalaok ma Ndoos! Bei doobee seluk bai fo besa ka O maketu-mala'di laun manai daebafa ka fo hukus nanahu ala taolisa ami so?”

HAKIM-HAKIM 13:18

Manetualain ata nusa so'dak ndia natane nae, “Tao le'e de, o nau bubuluk au na'deng-nga? Au na'deng ndia, na'de matabeuk.”