DANIAL 7:7 - Susula Malalaok Hehelu Palak Ma Hehelu Beuk

⁷ Lelek au bei meten te, bana ka 4 to'da mai. Bana ndia be'in-na seli, boema nakatata'u. No nisi matuainan fo tean-na leo besi-a, ana hengu nakalulutuk nana'an-na fo na'a, ma na'a ela ba'u bee soona, ana heheta-aa'in. Bana ia fe'ek neme bana makahuluk-kala mai, nana susulan 10.

DANIAL 7:7 ပူးပေါင်းရင်းမြစ်များ

2 SEMUEL 22:43

Au tao alas beesopu, sama leo dae sopu manalapuk-ka, au sasapus, sama leo tane nai enok lain.

AYUB 41:14

See bisa hea bafa mateainan, fo nisi mataneinan-nala nai dalek ndia?

YESKIAL 40:2

Nai ninitak esa dalek, Manetualain noo au leo dae Israel-la neu, de Ana pe'da au nai lete mademaina esa poin-na. Au ita nai au matang-nga, uma bubuak esa, nalupa kota esa.

DANIAL 2:19

Nai le'odaek ndia boe, Manetualain nafa'da Danial, me'is ndia bibila-babaan nai ninitak esa dalek. Boema Danial koa-kio Manetualain nai nusa so'dak-ka,

DANIAL 7:13

Nai au ninitang le'odaen ndia, au ita hata esa sama leo hataholi daebafak-ka. Ana mai no ko'as-sa okofeo-na, boema neu leo Ndia fo so'dan-na manaketu basa taak-ka neu, fo nalelelaok non.

DANIAL 8:10

Susulak ndia boetai namatuak-ka, losa balakain-na dai soaneu sapu-na solda'du nusa so'dak-kala fo nde nduuk-kala, nakalenak ana tapa nggelok leo dae lain neu, de ana heheta-aa'is.

DANIAL 8:22

Susula ka haak fo ala to'da mai nai lelek susula makasososan-na la'din ndia, sosoa-ndandaan nae nusa Yunani-a, neukose nanababa'ek da'di nusak 4, tehu ta hapu esa boen, balakain-na sama leo nusa makasososak ndia fa.

ZAKHARIA 2:1

Nai ninita manatungak-ka dalek, au ita touk esa ho'u tali uukuk.

NINITAK 12:3

Boema hata matabeuk esa seluk da'di nai lalai. Hapu naga pilas esa matuaina nanseli, fo nanuu langak hitu, ma susulak sanahulu. Langan esa soona, ana pake bulamolik esa.

NINITAK 13:1

Basa boema, au ita bana esa kalua neme tasi dale mai. Bana ndia susulan sanahulu, ma langan hitu. Susulan esa soona, hapu bulamolik esa, ma nai langan sila la esa-esak, nanasulak na'de nakamumulu-nakamamaek esa soaneu Manetualain.

NINITAK 17:12

Susula kasanahuluk fo o mitak ndia nde manek sanahulu, fo ala beita paleta fa. Tehu neukose ala fes koasa fo ala paleta da'dileo mane ka, sama-sama lo bana ndia dodoo na li'u esa.

NINITAK 17:7

Boema ata nusa so'dak ndia nafa'da au nae, “Tao le'e de o bafam poo-poo? Malole lenak au afa'da o inak ndia bibila-babaan ma bana fo ana sa'e nana bibila-babaan, fo nde bana fo nanuu langak hitu ma susulak sanahulu.

NINITAK 17:8

Bana ndia makahulu na naso'da hai so, tehu besak ia ta naso'da so'on. Ba'ihanak seluk faa bai te, neukose ana kalua neme faka mamates dale mai, fo nasasale matak no momopo-mamate sa. Hataholi fo laso'da nai daebafa ka, fo na'de nala ta nanasulak nai Susula Hataholi Maso'da ka dalek te daebafak ia beita nananakadada'dik fa, neukose ala dodoo doa kana, metema lita bana ndia. Nana bana ndia makahulu na naso'da hai so. Besak ia ta naso'da so'ok, tehu neukose ana to'da mai seluk.