DANIAL 7:4 - Susula Malalaok Hehelu Palak Ma Hehelu Beuk

⁴ Bana makasososak-ka, lupan-na sama leo singa, tehu nanuu manupui garuda li'dan-na Lelek au anganalon boema, no kaiboik li'dan-na nanafe'ahenik de natapo'i; nanandoo eik neme dae lain mai, de napadeik natetu nai eik 2 lain, sama leo hataholi-a.

DANIAL 7:4 ပူးပေါင်းရင်းမြစ်များ

2 SEMUEL 1:23

Saul ma Yonatan hala-kokola mangana'uk, ma nanasue-laik; dalek esa-teik esa tataas esa, nai maso'dak ma mamates-sa dalek; sila nasafelon-na, lena heni manupui kaka'ka, be'i-balakain lena heni singa molisoluk.

AYUB 25:6

Muda hata no hataholi daebafak, fo kalatik dae ndia bai! Te'e-te'e belin ta, nai Manetualain mata memeten-na.”

MAZMUR 9:20

Fo'a leon Manetualain fo maketu-mala'di leoina-la, boso po'ilotak hataholi daebafak-ka koao-ndaeao.

YEREMIA 25:38

Sama leo singa kalua neme bolon dale mai, leondiak boe Manetualain kalua soaneu Ana huku anan-nala. Natee-natatik-ka ha'i-ha'i no Manetualain nasa-melun tao nasafali nusak ia da'di mok solokaek.

YEREMIA 4:13

Mitak musu-a, ana to'da mai, sama leo ko'as-sa. Kaleta musun-nala, sama leo ani-sangu matuaina, ndalan-nala nggafan-na lena heni manupui kaka'ka. Wah, ita soe! Ita mopo-mate!

YEREMIA 4:7

Sama leo singa, ana kalua neme mamana keke'ken-na mai, leondiak boe, leoina fo manatao nakalulutuk-ka, ana la'o so ana mai, fo ana sanga tao namopo-namate Yehuda. Kota-kota manai Yehuda-la, neukose ala lakalulutuk da'di batu madodouk mamanak fo, hataholi ta leo fan.

YEREMIA 48:40

Manetualain nafa'da sama, “Leo manupui kaka'ka la'u menik li'da lalapan-na, sama leo ndiak neukose leoina esa mai ma sapu-na Moab.

YEREMIA 49:19

Sama leo meoasu to'da neme lasi dale deka no Lee Yarden ma ana neu leo mook fo bi'i lopo-la mamana nana'an-nala, neukose au mai sama leondiak fo hataholi Edom-mala lalai la'o ela nusan no kaiboik anak. Boema neukose au hele hataholi malanga esa fo ana nalanga nusak ndia. Hapu see fo nakasasamak no au? See napalani tao dede'ak neu au? Ade hapu malangan esa fo ana bisa lena-la'ban au?

RATAPAN 4:19

Manausi ami-la, lalaik lai-lai nanseli lai lena heni manupui kaka'ka. Ala usi ami nai letek-ka ma lapadei-la ami nai moo solokaek-ka.

YESKIAL 17:3

Mafa'das mae, Manetualain Fo Mademaina, nafa'da emi nae leo ia: Manupui kaka'ka matuaina esa, bulun-na mana'ahiik, ma li'dan-na maloaina, ma balakain-na seli. Ana laa leo Letek Libanon-na poin-na neu, de ana helu la'di kaiou pe'duk, ndanak esa,

YESKIAL 28:2

“Hai hataholi daebafak fo, manasapu-manalalok-konei, mafa'da mane Tirus-sa, hata fo Au, Manetualain Fo Mademaina nafa'da neun, ‘No koao-ndaeaok, o mafa'da mae o nde been-na lamatua daebafak, fo o mangatuuk nai kandela manek-ka, nai tasi-a tala'da heon. O bole tao o aoinam-ma, da'di leo lamatua daebafak, tehu mafandendelek leona te, o ka'da hataholi daebafak biasa mesak-kana.

YESKIAL 28:9

Nah, metema faik ndia losa soona, o bei bisa mafa'da mae Manetualain nde o do? Nai o hataholi kanisam-mala matan, ala bubuluk lae o ia, ka'da hataholi daebafak mesan.

DANIAL 2:38

Nakadada'dik Ama Manek da'di manakoasa neu daebafak fo nanuu laun, ma neu manupaui ma bana fe'ek-kala. Ama Manek nde lilopilas manai dodoki-dudulak ndia langan-na.

DANIAL 4:36

Lelek au dudu'a-aafing fali ma'in boema, Ana fe falik au nusang-nga matua-mademan ma nananita-nalelan leo au mai. Au hataholi mana'a ngga'ding-ngala ma hataholi matua-mademang-ngala sipok au, de ala fe falik au leo au nusang-nga neu, nakalenak au matua-mademang namatua lena heni makahulun-na.

DANIAL 7:12

Bana fe'ek-kala koasan-na nanafe'a henik so, tehu bei fes loak laso'da losa faik fo nananaketu basak so.

DANIAL 7:5

Bana ka dua, lupan-na sama leo beruang-nga. Napadeik nenik ei buin-na, ma ana kaa neni kaisu duik 3 nai nisin-nala tala'da. Au amanene halak-ka nafa'dan nae, “Ayo, mu'a paa su'di bebe'ik-ka leona!”

MATEOS 24:28

Nai bee hapu paa puluk soona, nai ndia hapu manupui mana'a paa pulu kala.”

ULANGAN 28:49

Neukose, Manetualain nadenu leoina esa, ana mai neme daebafak-ka pe'dan-na mai, fo ana la'ban emi, tehu emi ta malelak dede'an-na fa. Neukose, ala la'u leni emi, sama leo manupui kaka'ka, ana la'u neni manuana.

NINITAK 13:2

Bana fo au itak ndia, lupa na sama leo meoasu kokoto ka, ma ei na sama leo bana esa na'de beruang ei na, ma nggonggolo na sama leo singa nggonggolo na. Boema naga fe balakai na, kandela mane na, ma koasa matuaina na, neu bana ndia.